Njoftimi për privatësinë për automjetin

2.1 Të dhënat e përdorura për qëllimet e Infotainment

2.1.1 Ditari i drejtimit

Ditari i drejtimit regjistron automatikisht të gjitha udhëtimet tuaja. Kjo mund të jetë e dobishme, për shembull, kur ju dëshironi të menaxhoni shpenzimet tuaja të udhëtimit. Ditari i drejtimit duhet të jetë i aktivizuar nga ju, përndryshe të dhënat nuk mblidhen.

Nëse aktivizoni ditarin e drejtimit, ne mbledhim identifikuesit tuaj, si për shembull emri dhe mbiemri, numri i telefonit, adresa e emailit, numrin e identifikimit të automjetit tuaj (VIN) dhe vendndodhjen e automjetit, si dhe informacionet e lidhura me udhëtimet, të tilla si itineraret tuaja, koha, distanca, konsumi i karburantit dhe/ose energjisë elektrike dhe kilometrazhi. Në varësi të modelit të makinës suaj, mblidhet vetëm pozicioni i nisjes dhe mbarimit ose e gjithë rruga.

Ne i përpunojmë këto të dhëna në bazë të pëlqimit tuaj.

Si rregull, të dhënat e ditarit të drejtimit ruhen për deri në 400 ditë, në varësi të modelit të makinës. Ju mund ta çaktivizoni në çdo kohë ditarin e drejtimit dhe ky veprim ndalon edhe mbledhjen e të dhënave. Ky veprim nuk shkakton fshirjen e informacioneve të mbledhura më parë.

2.1.2 Përditësimet me valë të softuerit

Përditësimet me valë të softuerit bëjnë të mundur që automjeti juaj të përditësojë dhe të ketë softuerin më të fundit, pa qenë nevoja të shkoni në një servis. Përdorimi i softuerit më të fundit garanton që ju të shfrytëzoni plotësisht shërbimet tona të përditësuara. Duke përdorur softuerin më të fundit, ju përmirësoni gjithashtu mbrojtjen tuaj kundër incidenteve të sigurisë kibernetike.

Për të mirëmbajtur softuerin e automjetit dhe për të ofruar përditësimet e nevojshme të softuerit, ne përpunojmë të dhënat e mëposhtme:

Baza ligjore ku mbështetemi për përpunimin e të dhënave të përmendura më lart është pëlqimi i dhënë nga ju.

Ne i ruajmë regjistrimet e përditësimeve të bëra të softuerit për të gjithë jetëgjatësinë e automjetit.

Ju mund të pranoni ose të refuzoni në çdo kohë përditësimet automatike të softuerit, te cilësimet e privatësisë. Nëse pranoni, përditësimet e softuerit shkarkohen automatikisht dhe ju do të njoftoheni kur përditësimi të jetë gati për instalim. Nëse kundërshtoni, ju do të njoftoheni kur të ketë një përditësim të ri dhe mund ta shkarkoni. Nëse nuk dëshironi të përdorni përditësimet me valë të softuerit, përditësimet mund t'i instaloni në një servis me lidhjen e kërkuar me sistemet tona.

2.1.3 Connected Safety

Makinat tona janë të pajisura me Connected Safety, një shërbim që ofrohet nga ne dhe që jep informacion mbi rreziqet aktuale në trafik teksa jeni duke drejtuar automjetin. Ky informacion bazohet në informacionin që dërgohet nga automjetet e tjera ose, sipas rastit, nga burimet publike. Ky informacion përdoret për t'ju sinjalizuar përpara kohe për ndryshimin e kushteve të rrugës ose për rrezik potencial në rrugë duke shfaqur paralajmërimet e duhura, duke ju dhënë mundësinë të përshtatni stilin e drejtimit në përputhje me rrethanat. Nëse vetë makina juaj dikton një rrezik potencial në rrugë, si për shembull zvogëlim të fërkimit midis gomave dhe rrugës apo nëse aktivizohen sinjalet e rrezikut, ky informacion dërgohet te Volvo Cars. Informacioni përmblidhet dhe kthehet në anonim përpara se të dërgohet tek automjetet që i afrohen pozicionit të makinës suaj.

Të dhënat që ne mbledhim dhe përpunojmë për të mbështetur Connected Safety janë:

Baza ligjore ku mbështetemi për përpunimin e të dhënave të përmendura më lart është zbatimi i kontratës. Ju mund ta aktivizoni dhe ta çaktivizoni shërbimin në çdo kohë.

Gjithashtu, të dhënat e përmendura më lart përpunohen në mënyrë anonime dhe transmetohen tek agjencitë dhe kompanitë e trafikut, për të shmangur dhe për të zvogëluar rreziqet e paraqitura nga trafiku në rrugë, por edhe për të përmirësuar sigurinë rrugore, për të ulur kostot e mirëmbajtjes dhe për të kontribuuar në një mjedis qarkullimi të qëndrueshëm. Volvo Cars dhe Polestar Performance AB (një kompani suedeze me zyrë qendrore në Gothenburg, Assar Gabrielssons Väg 9, SE-405 31, Sweden, në vijim referuar si "Polestar") janë kontrollues të përbashkët për këto qëllime. Të ashtuquajtur kontrollues të përbashkët sipas GDPR-së, Volvo Cars dhe Polestar janë bashkërisht përgjegjës për këtë përpunim. Volvo Cars dhe Polestar kanë rënë dakord me njëra-tjetrën që Volvo Cars është përgjegjëse për t'u dhënë informacion klientëve të saj dhe që të drejtat përkatëse të akorduara nga GDPR do të ushtrohen nga klientët e Volvo në lidhje me Volvo Cars.

Ne e ruajmë informacionin për 1 javë.

2.1.4 Çelësi dixhital

Çelësi dixhital mund të zëvendësojë plotësisht çelësin e zakonshëm të makinës dhe ju mundëson që të mbyllni, të hapni ose të ndizni makinën tuaj me smartfonin ose orën inteligjente të dorës. Gjithashtu, ekziston mundësia që ta ndani çelësin me përdorues të tjerë përmes kanaleve të ndryshme dixhitale.

Çelësi dixhital kërkon lidhje me rrjetin vetëm gjatë konfigurimit fillestar vetëm një herë, për ndarjen e çelësave ose për anulimin e çelësave. Pas konfigurimit, çelësi funksionon përmes Bluetooth, Komunikimit me Fushë të Afërt (NFC) dhe përmes Teknologjisë me Brez Ultra të Gjerë (UWB). Gjatë konfigurimit, çelësi shtohet në aplikacionin e portofolit në pajisjen tuaj inteligjente. Nga aplikacioni i portofolit, ju mund ta ndani çelësin përmes aplikacioneve të mesazheve ose përmes Airdrop^®. Ju mund t'i anuloni lehtësisht çelësat që keni ndarë, ose përmes aplikacionit të portofolit, ose nga sistemi i Infotainment të automjetit.

Kur përdoret çelësi dixhital përpunohen të dhënat e mëposhtme:

Baza ligjore ku mbështetemi për përpunimin e të dhënave të përmendura më lart është zbatimi i kontratës.

Ne i ruajmë të dhënat tuaja për aq kohë sa keni një kontratë të vlefshme.

2.1.5 Informacioni i trafikut në kohë reale

Shërbimi Informacioni i trafikut në kohë reale merr informacione rreth trafikut në rrugë nga një ofrues shërbimi palë e 3-të.

Ne përpunojmë nga makina të dhënat e mëposhtme.

Modelet e makinave të pajisura me sensorë që mund t'i identifikojnë tabelat e qarkullimit në kohë reale teksa ecni me automjet, e bëjnë këtë vetëm përmes përpunimit lokal (në makinë).

Baza ligjore ku mbështetemi për përpunimin e të dhënave të përmendura më lart është zbatimi i kontratës. Ju mund ta aktivizoni dhe ta çaktivizoni shërbimin në çdo kohë.

Të dhënat ruhen nga Volvo Cars për aq kohë sa abonimi është aktiv. Kur abonimi është joaktiv, VIN, shpejtësia dhe pozicioni ruhen maksimumi për 90 ditë, përveç rastit kur një kohë më e gjatë kërkohet nga ligji lokal i zbatueshëm.

2.1.6 Intelligent Speed Assist (ISA)

Intelligent Speed Assist (ISA) është një funksion i detyrueshëm në disa juridiksione, i cili përdor të dhënat e tabelave rrugore për të ndihmuar makinat të ruajnë kufirin e shpejtësisë. Për të mësuar kufirin e shpejtësisë në rrugën aktuale, ISA përdor sistemin e navigimit të makinës për të përputhur të dhënat e tabelave rrugore. Sistemi i navigimit nga ana tjetër ka nevojë për pozicionin e makinës që të japë të dhëna të sakta.

Përveç kësaj, ligji i kërkon Volvo Cars të raportojë të dhëna të përmbledhura për përdorimin tuaj të automjetit, si për shembull:

Për të mbështetur ISA dhe raportimin, përpunohen të dhënat e mëposhtme:

Baza ligjore ku mbështetemi për përpunimin e të dhënave të përmendura më lart është përmbushja e detyrimeve tona ligjore.

Ne e ruajmë informacionin derisa ai të përmblidhet dhe të dërgohet tek autoritetet përkatëse.

2.1.7 Speech Messaging

Speech Messaging është pjesë e një sistemi më të madhe të komandave me zë, me të cilin ju mund të komandoni veçoritë e sistemit të Infotainment dhe i cili ju mundëson të krijoni dhe të dërgoni mesazhe SMS duke dhënë instruksione me të folur. Për të nisur një dialog duke përdorur komandat me zë, në fillim duhet të aktivizoni këtë funksion. Komandimi me zë qëndron i aktivizuar derisa ju ta ndaloni atë me vetëdije ose nëse nuk i përgjigjeni tre mesazheve nga sistemi.

Kur përdoret Speech Messaging përpunohen të dhënat e mëposhtme:

Baza ligjore ku mbështetemi për përpunimin e të dhënave të përmendura më lart është zbatimi i kontratës.

Ne e ruajmë informacionin derisa të dërgohet mesazhi.

2.1.8 Indeksi i cilësisë së ajrit

Ky funksion tregon informacionin mbi cilësinë e ajrit, të tilla si ndotja dhe nivelet e polenit.

Në fillim, tregohet informacioni për cilësinë e ajrit brenda makinës.

Nëse zgjidhni që të ndani vendndodhjen e makinës, shfaqet edhe informacioni i cilësisë së ajrit jashtë makinës.

Baza ligjore ku mbështetemi për përpunimin e të dhënave të përmendura më lart është zbatimi i kontratës.

Të dhënat fshihen pasi ato të jenë paraqitur në makinë.

2.1.9 Sistemi i ofrimit të hartave

Disa nga automjetet tona mund t'i kërkojnë të dhënat e hartës nga sistemi ynë i ofrimit të hartës. Ky shërbim do të përmirësojë funksionet në automjet të tilla si Pilot Assist dhe Adaptive Cruise Control, duke ofruar të dhëna aktuale të hartës nga vendndodhja juaj.

Për të aktivizuar sistemin e ofrimit të hartës përpunohen të dhënat e mëposhtme:

Baza ligjore ku mbështetemi për përpunimin e të dhënave të përmendura më lart është zbatimi i kontratës.

Ne i ruajmë të dhënat derisa të dhënat e hartës të jenë shkarkuar.

2.2 Të dhënat që përdoren lidhur me sigurinë

2.2.1 Regjistruesi aktiv i të dhënave të sigurisë (ASDR)

Qëllimi parësor i regjistruesit aktiv të të dhënave të sigurisë (ASDR) është të regjistrojë të dhënat lidhur me aksidentet në trafik ose rrethanat e ngjashme me përplasjen. Ky informacion përpunohet nga departamenti ynë i kërkimit dhe zhvillimit për të na ndihmuar të kuptojmë më mirë rrethanat në të cilat ndodhin aksidentet në trafik, lëndimet dhe dëmet.

Duke dhënë pëlqimin tuaj, Volvo Cars mbledh dhe përpunon të dhënat e mëposhtme për qëllimet e zhvillimit të mëtejshëm dhe për ankesat aktive të lidhura me sigurinë:

Baza ligjore për përpunimin e të dhënave të përmendura më lart është pëlqimi i dhënë nga ju dhe ne i ruajmë ato për 10 vite përpara se t'i fshijmë ose përpara se t'i kthejmë ato në anonime.

2.2.2 Regjistruesi i të dhënave të ngjarjeve (EDR)

Automjeti ruan informacionin e lidhur me sigurinë për situatat e përplasjes ose pothuajse përplasjes në një regjistrues të të dhënave të ngjarjeve (EDR) – që njihet edhe si "kutia e zezë" e makinës. Informacioni i lidhur me sigurinë përfshin të dhënat e mëposhtme:

Periudha që regjistrohet është zakonisht deri në 30 sekonda. Regjistrimi kryhet vetëm nëse ndodh një situatë përplasjeje jo e rëndësishme.

Baza ligjore ku mbështetemi për përpunimin e të dhënave të përmendura më lart është përmbushja e detyrimeve tona ligjore.

Ne e ruajmë informacionin derisa ai zëvendësohet nga një ngjarje e re që ndodh.

2.2.3 Thirrja e emergjencës (eCall)

Thirrja e emergjencës (eCall) aktivizon automatikisht një thirrje emergjence dhe dërgimin e të dhënave në rast të disa llojeve të aksidenteve, që zbulohen nga aktivizimi i një apo më shumë sensorëve brenda automjetit. Kjo nënkupton që një eCall bëhet automatikisht nga makina, edhe nëse të gjithë udhëtarët janë të pavetëdijshëm dhe të dhënat e përmendura më poshtë transmetohen automatikisht në qendrën telefonike. eCall mund të aktivizohet gjithashtu manualisht duke shtypur dhe duke mbajtur shtypur butonin SOS për të paktën 2 sekonda.

Kur bëhet një eCall, përpunohen të dhënat e mëposhtme:

Në mënyrë të paracaktuar dhe aty ku ofrohet, eCall kanalizohet te një ofrues shërbimi palë e tretë (ky quhet shërbim i palës së tretë eCall ose TPS eCall); ky ofrues shërbimi ndryshon sipas rajonit dhe mund të na kontaktoni neve për më shumë informacion se cilët ofrues përdoren në rajonin tuaj. Ju mund të zgjidhni në çdo kohë që thirrja të drejtohet në shërbimin publik të emergjencave, duke modifikuar si duhet konfigurimet.

Të dhënat mblidhen vetëm kur bëhet eCall dhe entet e vetme që kanë qasje në këto të dhëna janë Volvo Cars dhe pala e tretë që ofron shërbimin (ose vetë shërbimi i emergjencës, nëse është zgjedhur). Megjithatë, nëse është e nevojshme ata mund t'ia përcjellin këto të dhëna shërbimeve të specializuara të emergjencës (për shembull ambulancës).

Baza ligjore ku mbështetemi për përpunimin e të dhënave të përmendura më lart është përmbushja e detyrimeve tona ligjore.

Ne i ruajmë të dhënat për 200 ditë dhe përpunimi është i kufizuar vetëm për rrethanat e emergjencave të referuara më lart.

2.2.4 Shërbimet e qendrës telefonike

Me shërbimet e qendrës telefonike, ne ju ofrojmë mundësinë të lidheni me qendrën tonë telefonike nga makina duke shtypur butonin e ndihmës/"on call", përmes një thirrjeje nga brenda aplikacionit ose duke telefonuar direkt qendrën telefonike. Shërbimet që ofrohen si pjesë e shërbimeve të qendrës telefonike përshkruhen më poshtë:

Asistenca në rrugë (RSA)

RSA përfshin mbështetjen për ju kur përballeni me një defekt teknik në makinën tuaj, si për shembull shpimi i një gome ose një defekt në motor. Në disa raste, agjenti në qendrën telefonike është në gjendje t'ju ofrojë këshilla gjatë telefonatës, sesi të korrigjoni problemin. Në raste të tjera, riparimi mund të kryhet në rrugë (i quajtur "riparim në vend") ose, kur kjo nuk është e mundur, makina juaj dërgohet në një ofiçinë për t'u riparuar. Agjenti vlerëson gjatë telefonatës se cila përgjigje është e përshtatshme. Kur nevojitet rikuperimi në rrugë (riparim në vend ose karroatrec), mjetet e asistencës mund të ofrohen nga një palë e tretë, si për shembull një kompani karroatreci dhe riparimi, e cila përpunon të dhënat përkatëse.

Gjurmimi i automjetit të vjedhur (SVT)

SVT është një mënyrë për të lokalizuar automjetin nëse vidhet. Një automjet mund të raportohet i vjedhur nga: 

Që të niset procesi SVT, duhet depozituar një raport zyrtar në polici dhe numri i çështjes në raport duhet dërguar në qendrën telefonike.

Imobilizimi/mobilizimi i makinës nga distanca (RVI/RVM)

RVI/RVM mund të përdoret për aktivizuar ose çaktivizuar imobilizuesin në makinë. Nëse imobilizuesi është i aktivizuar, makina nuk mund të ndizet derisa imobilizuesi të jetë çaktivizuar. Makina mund të mobilizohet nga distanca. Ky shërbim iniciohet nga agjenti i qendrës telefonike.

Për t'ju ofruar shërbimet e përshkruara më lart, ne mbledhim automatikisht të dhënat e mëposhtme kur kontaktoni qendrën telefonike përmes butonit të ndihmës/"on call" në makinë ose përmes aplikacionit Volvo Car:

Në varësi të natyrës dhe objektit të kërkesës, për secilin nga shërbimet e mësipërme të qendrave telefonike, ne mund të përpunojmë informacione shtesë të nevojshme për ofrimin e ndihmës së kërkuar, për shembull:

Baza ligjore ku mbështetemi për përpunimin e të dhënave të përmendura më lart është zbatimi i kontratës.

Ne i ruajmë të dhënat për 200 ditë.

2.2.5 Sistemi i zbulimit të ndërhyrjes

Qëllimi i sistemit të zbulimit të ndërhyrjes (IDS) është të zbulojë anomalitë dhe shkeljet që mund të jenë kërcënime të mundshme për sistemin kryesor të Infotainment. Kjo do të thotë që ne monitorojmë sesi sillen softueri dhe aplikacionet, për t'u siguruar që ato nuk po shkelin ato çfarë janë lejuar të bëjnë. IDS monitoron sistemin në kohë reale dhe raportojnë shkeljet te Volvo Cars.

Ne përpunojmë të dhënat e mëposhtme:

Baza ligjore ku mbështetemi për përpunimin e të dhënave të përmendura më lart është përmbushja e detyrimeve tona ligjore.

Ne e ruajmë informacionin për 90 ditë. Në përfundim të kësaj periudhe kohore, ne ose i fshijmë të dhënat, ose, nëse shohim nevojën për t'i ruajtur, i kthejmë ato në anonime.

2.2.6 Garantimi i baterive të sigurta

Ne duhet të sigurohemi që makinat tona me grup fuqie hibrid ose plotësisht elektrik janë të sigurta, për të mbrojtur drejtuesit e makinave tona, familjet e tyre dhe publikun e gjerë nga rreziku dhe shqetësimi i panevojshëm. Për ta garantuar këtë, ne mbledhim dhe përdorim informacionet lidhur me bateritë, për të mundësuar zbulimin e hershëm të problemeve të mundshme dhe për të identifikuar llojet e reja të defekteve të mundshme. Nëse ne mendojmë se nevojitet, ne ju kontaktojmë dhe ju informojmë për shqetësimet e mundshme.

Të dhënat që ne mbledhim dhe përdorim janë:

Baza ligjore ku mbështetemi për përpunimin e të dhënave të përmendura më lart janë interesat tona legjitime të sipërpërmendura dhe përmbushja e detyrimeve tona ligjore, si për shembull tërheqjet nga tregu të lidhura me sigurinë.

Ne i ruajmë informacionet e mësipërme për të gjithë jetëgjatësinë e automjetit.

2.3 Të dhënat e përdorura lidhur me mirëmbajtjen dhe riparimet

2.3.1 Planifikimi i servisit

Planifikimi i servisit ju ndihmon ta mbani makinën tuaj në gjendje të mirë dhe vëzhgon gjendjen e makinës.

Nëse zbatohet në shtetin tuaj, ne ju dërgojmë komunikime të lidhura me shërbimet.

Kur automjeti juaj ka lidhje me internetin, planifikimi i servisit funksionon duke dërguar vazhdimisht të dhëna diagnostikimi te Volvo Cars, shitësit me pakicë dhe ofiçinat. Ofrimi i të dhënave diagnostikuese nga distanca, i mundëson ofiçinës të përgatitet më mirë për vizitën tuaj të ardhshme. Përveç kësaj, të dhënat ndahen me kompanitë tona vendase të shitjes dhe shitësit me pakicë për të menaxhuar rezervimet dhe dërgesat e pjesëve, nëse nevojitet.

Planifikimi i servisit na ndihmon edhe neve të programojmë prodhimin dhe dërgimin e pjesëve të këmbimit, gjë e cila është një komponent i rëndësishëm në objektivat tona të qëndrueshmërisë, duke optimizuar shfrytëzimin e përmbajtjes, logjistikës dhe të ofiçinës.

Për t'ju ofruar planifikimin e servisit, mblidhen të dhënat e mëposhtme:

Baza ligjore ku mbështetemi për përpunimin e të dhënave të përmendura më lart është zbatimi i kontratës. Ju mund ta aktivizoni dhe ta çaktivizoni shërbimin në çdo kohë.

Ne i ruajmë informacionet për 3 vite, përveç informacionit të baterisë së tensionit të lartë të automjetit, i cili ruhet për 10 vite.

2.3.2 Leximi diagnostikues në ofiçina

Nëse në automjetin tuaj kryhet servis apo riparime në një qendër servisi, ofiçinë apo partner, ne mbledhim dhe përdorim informacionet për gjurmimin e defektit, për të menaxhuar detyrimet tona si prodhues i produktit, për qëllimet e kërkimit dhe zhvillimit të produkteve, të tilla si monitorimi dhe përmirësimi i cilësisë së makinave tona, i veçorive të tyre të sigurisë dhe funksioneve të tjera.

Të dhënat që ne mbledhim dhe përdorim janë:

Baza ligjore ku mbështetemi për përpunimin e të dhënave të përmendura më lart janë interesat tona legjitime dhe përmbushja e detyrimeve tona ligjore, si për shembull tërheqjet nga tregu të lidhura me sigurinë.

Ne i ruajmë informacionet e mësipërme për të gjithë jetëgjatësinë e automjetit.

2.3.3 Raportimi i gabimeve

Raportimi i gabimeve është një mjet që mund të aktivizohet nga serviset, për të na mundësuar që të mbledhim informacione për gabimet e softuerit. Ky mjet përdoret për të identifikuar dhe hetuar ndikimin e problemeve dhe na mundëson të zgjidhim problemet e lidhura me softuerin, si dhe për të mbajtur në gjendje të mirë softuerin tonë. Kur aktivizohet raportimi i gabimeve, ne mbledhim dhe përpunojmë të dhënat e mëposhtme nga automjeti juaj:

Baza ligjore ku mbështetemi për përpunimin e të dhënave të përmendura më lart është interesi ynë legjitim.

Ne i ruajmë të dhënat derisa problemi me automjetin tuaj të jetë zgjidhur ose për 90 ditë, cilado ndodh më vonë.

2.3.4 Analiza e thelluar e të dhënave të automjetit

Për të hetuar plotësisht problemet me automjetin tuaj që sillni në vëmendjen tonë, neve na nevojitet të përdorim të dhënat e mëposhtme nga automjeti, së bashku me disa të dhëna bazë të klientit, si emri dhe detajet e kontaktit:

Të dhënat përdoren për të identifikuar problemet e mundshme me automjetin, për të menaxhuar rastin e një garancie të mundshme dhe problemet e mundshme me sigurinë e produktit. Nëse këto të dhëna nuk mblidhen, Volvo Cars nuk do të jetë në gjendje të hetojë problemet.

Baza ligjore ku mbështetemi për përpunimin e të dhënave të përmendura më lart është interesi ynë legjitim.

Ne i ruajmë të dhënat tuaja derisa të jetë zgjidhur problemi me makinën tuaj.

2.4 Të dhënat e përdorura për qëllimet e kërkimit dhe zhvillimit

2.4.1 Kërkimi dhe zhvillimi i aksidenteve në trafik

Kur ndodh një aksident në trafik që përfshin ndonjë nga makinat tona, ne hetojmë çfarë ka ndodhur me qëllimin për të përmirësuar sigurinë e makinave tona dhe mjedisin e qarkullimit në përgjithësi. Nëse do të ishte në dobi të kërkimeve tona, ne ju dërgojmë një pyetësor për të marrë informacione shtesë rreth aksidentit.

Gjatë kërkimeve, përpunohen të dhënat e mëposhtme:

Baza ligjore ku mbështetemi për përpunimin e të dhënave të përmendura më lart është interesi ynë legjitim.

Ne i ruajmë të dhënat tuaja për 10 vite.

2.4.2 Analiza e të dhënave të automjetit

Ne i përpunojmë të dhënat e automjetit (të renditura më poshtë) për të mbledhur informacion statistikor për automjetet tona dhe mënyrën sesi përdoren ato. Ne e përdorim këtë informacion për të qëllimet e kërkimit dhe zhvillimit të produkteve, në veçanti për të përmirësuar dhe për të monitoruar cilësinë e automjeteve dhe veçoritë e tyre të sigurisë. Kjo shërben gjithashtu për të menaxhuar angazhimet e garancisë së Volvo Cars dhe për të përmbushur kërkesat tona ligjore lidhur me monitorimin e emetimeve.

Kategoritë e të dhënave që përdoren:

Volvo Cars mbledh gjithashtu informacionin e mëposhtëm në baterinë e tensionit të lartë të automjetit (sipas rastit):

Baza ligjore ku mbështetemi për përpunimin e të dhënave të përmendura më lart është pëlqimi i dhënë nga ju.

Të dhënat si numri i identifikimit të automjetit (VIN), identifikuesit e versionit të harduerit dhe softuerit të automjetit dhe kodet diagnostikuese të problemeve (DTC) ruhen për 2 vite, kurse informacioni për baterinë e tensionit të lartë të automjetit ruhet sa jetëgjatësia e baterisë.

Në rastin e automjeteve hibride ose elektrike, Volvo Cars dhe Polestar Performance AB (një kompani suedeze me zyrë qendrore në Gothenburg, Assar Gabrielssons Väg 9, SE-405 31, Gothenburg, Sweden, në vijim referuar si "Polestar") shkëmbejnë të dhënat e analizës nga automjetet e tyre përkatëse. Shkëmbimi i të dhënave të analizave ndërmjet Volvo Cars dhe Polestar, siç tregohet më lart, është i një natyre mirëfilli teknike dhe nuk përfshin të dhënat aktuale të klientëve. Të dhënat e analizave të mbledhura përmes platformave të Volvo Cars dhe të Polestar shkëmbehen midis këtyre dy kompanive për qëllimet e përmirësimit dhe të monitorimit të cilësisë së automjetit, të performancës së veçorive elektrike dhe hibride dhe të veçorive të sigurisë.

Të ashtuquajtur kontrollues të përbashkët sipas GDPR-së, Volvo Cars dhe Polestar janë bashkërisht përgjegjës për këtë përpunim të të dhënave të analizave. Volvo Cars dhe Polestar kanë rënë dakord me njëra-tjetrën që Volvo Cars është përgjegjëse për t'u dhënë informacion klientëve të saj dhe që të drejtat përkatëse të akorduara nga GDPR do të ushtrohen nga klientët e Volvo në lidhje me Volvo Cars.

2.4.3 Analiza e automjeteve dhe përmirësimet

Nëse jepni pëlqimin tuaj duke aktivizuar opsionin Analiza e automjetit dhe përmirësimet, ne mbledhim dhe përdorim të dhënat (e renditura më poshtë), për të marrë informacion rreth automjetit tuaj dhe përdorimit të tij. Ne e përdorim këtë informacion për qëllimet e gjurmimit të defekteve, të kërkimit dhe zhvillimit të produkteve, për shembull për të monitoruar dhe për të përmirësuar cilësinë e automjeteve, veçoritë e tyre të sigurisë dhe funksione të tjera. Nëse ne mendojmë se nevojitet, ne ju kontaktojmë dhe ju informojmë për problemet ose defektet e mundshme.

Të dhënat që ne mbledhim dhe përdorim:

Baza ligjore për mbledhjen dhe përdorimin e të dhënave të përmendura më lart është pëlqimi i dhënë nga ju.

Ne i ruajmë të dhënat për pesë vite, përveç informacionit të baterisë së tensionit të lartë të automjetit, i cili ruhet për jetëgjatësinë e baterisë. Në krye të pesë viteve, ne i fshijmë të dhënat ose, kur e shohim të nevojshme t'i mbajmë të dhënat, sigurojmë që ato të jenë plotësisht anonime.

2.5 Raportimi i emetimeve

Nëse keni një makinë me motor me djegie të brendshme dhe shkoni në një ofiçinë ose partner servisi të autorizuar nga Volvo, ata mbledhin të dhënat nga makina, të cilat na i dërgojnë neve, në mënyrë që të na informojnë në përputhje me ligjin e zbatueshëm. Kjo mbledhje e të dhënave ndodh çdo herë që makinës i kryhet shërbim, përveç rastit kur informoni ofruesin e servisit se e kundërshtoni diçka të tillë.

Të dhënat që mblidhen janë:

Baza ligjore ku mbështetemi për përpunimin e të dhënave të përmendura më lart është përmbushja e detyrimeve tona ligjore.

Informacionet më lart ruhen derisa këto të dhëna të jenë raportuar.

2.6 Kërkesat e agjencive ligjzbatuese

Mund të nevojitet që të dhënat personale të ndahen ose mund të ndahen me autoritetet ligjzbatuese (p.sh. policia, gjykata), për të përmbushur një detyrim ligjor ose interesin tonë legjitim për ofrimin e të dhënave kur dyshohet për një krim, apo kur është e nevojshme për përcaktimin, ushtrimin apo mbrojtjen ndaj padive ligjore.

Ne u japim agjencive ligjzbatuese sasinë minimale të nevojshme të të dhënave personale. Shembuj të të dhënave që ne mund të japim janë: numri i serisë i pjesës së makinës i lidhur me një numër VIN ose numër IMEI.