Njoftimi për privatësinë i aplikacionit Volvo Cars

2.1 Kur përdorni aplikacionin Volvo Cars

Kur përdorni aplikacionin Volvo Cars, ne mbledhim automatikisht të dhëna rreth përdorimit të aplikacionit Volvo Cars nga ana juaj, për të monitoruar funksionimin e tij dhe për të ndërmarrë masa për zgjidhjen e problemeve kur nevojitet. Për ta bërë këtë, ne përdorim informacione të tilla si informacioni i pajisjes (p.sh. prodhuesi i pajisjes, ID e instalimit të aplikacionit), informacioni i përgjithshëm i automjetit (p.sh. modeli dhe tipi i automjetit, viti, shteti i përdoruesit) dhe të dhënat e përdorimit (p.sh. klikimet, shikimet dhe problemet ose gabimet e mundshme). Ky përpunim nevojitet për interesin tonë legjitim, për t'ju ofruar një aplikacion Volvo Cars të sigurt dhe funksional. Informacioni i përdorur për këtë qëllim ruhet për 30 ditë nga mbledhja e tij.

2.2 Abonimi juaj

Nëse keni një abonim për shërbimet e automjetit nga distanca të Volvo Cars ose të tjera Volvo Connected Services, ju mund të merrni mundësinë që ta rinovoni këtë shërbim në aplikacionin Volvo Cars. Kur regjistroheni për një abonim ose kur zgjatni një abonim ekzistues, dhe që ne të menaxhojmë abonimin tuaj, ne përpunojmë identifikuesit tuaj (si për shembull emri dhe mbiemri, numri i telefonit, adresa e emailit, VIN) dhe statusin tuaj të blerjes dhe historinë. Qëllimi i përpunimit tonë është të administrojmë dhe të monitorojmë blerjen tuaj (nga blerja te dorëzimi), duke përfshirë çdo kontakt të nevojshëm me autoritetet për raportimin zyrtar, për administrimin e kërkesës suaj për shërbimet përkatëse, për ndjekjen e dërgesës dhe për komunikimin e përditësimeve lidhur me shërbimet që ju keni blerë. Ne përdorim një ofrues pagese palë e tretë për të përpunuar pagesat tuaja dhe ky është një përpunim i veçantë i të dhënave tuaja personale prej tij; ju mund të lexoni më shumë rreth praktikave për privatësinë të përpunuesit tonë të pagesave në seksionin 3 më poshtë.

Baza ligjore për përpunimin tonë të të dhënave tuaja personale në lidhje me abonimet është fakti që ky përpunim nevojitet për zbatimin e kontratës sonë me ju.

Ne i ruajmë të dhënat tuaja personale për nëntëdhjetë (90) ditë pasi abonimi juaj i fundit ka skaduar, për të mundësuar vazhdimin e shërbimit nëse ju zgjidhni që të ri-abonoheni ose që ju të keni qasje te faturat ose kuponët. Gjithashtu, ne i arkivojmë të dhënat lidhur me blerjen tuaj për dhjetë (10) vjet, për të qenë në pajtim me legjislacionin për kontabilitetin dhe raportimin financiar – ky është një detyrim ligjor.

2.3 Shërbimet e automjetit nga distanca të Volvo Cars

Ne mbledhim identifikuesit (si për shembull emri dhe mbiemri, numri i telefonit, Volvo ID (adresa e emailit), numrin e identifikimit të automjetit - “VIN”, identifikuesin unik të pajisjes dhe kodin e njoftimit automatik) dhe historinë e blerjes (periudha e pronësisë, çdo shërbim abonimi në të cilin jeni regjistruar dhe modelin dhe vitin e makinës suaj, si dhe specifikimet korresponduese të makinës).

Ne i përdorim këto informacione për të ofruar shërbimet e automjetit nga distanca të Volvo Cars, të tilla si aftësia për ta komanduar automjetin tuaj nga distanca (p.sh. klimatizimi paraprak, hapja/mbyllja e dyerve, ndezja/fikja nga distanca e motorit, temperatura aktuale e jashtme, marrja e njoftimeve të alarmeve për vjedhje), shikimi i statusit të makinës suaj (p.sh. niveli i karburantit, nivelet e lëngut të larëses të xhamit të përparmë, nivelet e lëngut të frenave, statusi i kyçjes së dyerve, paralajmërimet për presionin e gomave ose mirëmbajtjen, statusi i baterisë ose treguesit e tjerë të statusit të makinës).

Ne i përdorim gjithashtu këto informacione për të dërguar njoftime automatike brenda aplikacionit Volvo Cars lidhur me kujtesat për mirëmbajtjen dhe shërbimet e ardhshme për makinën tuaj. Për makinat hibride dhe plotësisht elektrike, ne ruajmë vendndodhjen e karikimit, për të qenë në gjendje të ofrojmë një mënyrë praktike për planifikimin e karikimit. Ne mbledhim informacionin e vendndodhjes së makinës suaj, si dhe vendndodhjen e pajisjes suaj celulare, nëse e lejoni, që ju të përdorni funksionalitetet e hartës në aplikacionin Volvo Cars dhe për t'ju treguar pozicionin lidhur me makinën tuaj Volvo në hartë.

Sa herë që nuk pyeteni në mënyrë specifike nëse pranoni përpunimin e të dhënave, arsyeja përse ne i përpunojmë këto të dhëna është që të zbatojmë kontratën me ju.

Megjithatë, nëse përmes cilësimeve tuaja celulare ju na lejoni qasje në të dhënat e vendndodhjes suaj, kalendarëve dhe kontakteve, ne i përpunojmë këto të dhëna që t'ju ofrojmë një mënyrë të thjeshtë që të dërgoni vendndodhjen e një pike me interes nga telefoni në makinë, bazuar në listën e kontakteve, ngjarjet në kalendar ose rezultatet e kërkimit. Baza ligjore për këtë përpunim është pëlqimi i dhënë nga ju.

Kur abonimi juaj në Volvo Cars përfundon, detajet e lidhura me këtë shërbim, duke përfshirë informacionet personale, fshihen pas nëntëdhjetë (90) ditësh. Mbani parasysh se abonimi në Volvo Cars ndjek makinën, kështu që nëse ka ndonjë ndryshim të pronësisë, është përgjegjësia juaj si shitës që ta shkëputni makinën tuaj nga aplikacioni Volvo Cars dhe të fshini të dhënat tuaja. Kjo vlen gjithashtu për drejtuesin parësor të regjistruar në rastin e makinës me qira. Ndiqni këtë lidhje për instruksione.

2.4 Ditari i drejtimit

Ditari i drejtimit regjistron automatikisht të gjitha udhëtimet tuaja. Kjo mund të jetë e dobishme, për shembull, kur ju dëshironi të menaxhoni shpenzimet tuaja të udhëtimit. Ditari i drejtimit duhet të jetë i aktivizuar nga ju, përndryshe të dhënat nuk mblidhen.

Nëse aktivizoni ditarin e drejtimit, ne mbledhim identifikuesit tuaj, si për shembull emri dhe mbiemri, numri i telefonit dhe adresa e emailit, numrin VIN të automjetit tuaj dhe vendndodhjen e tij, si dhe informacionet e lidhura me udhëtimet, të tilla si itineraret tuaja, koha, distanca, konsumi i karburantit dhe/ose energjisë elektrike dhe kilometrazhi. Në varësi të modelit të makinës suaj, mblidhet vetëm pozicioni i nisjes dhe mbarimit ose e gjithë rruga.

Ne i përpunojmë këto të dhëna në bazë të pëlqimit tuaj.

Si rregull, të dhënat e ditarit të drejtimit ruhen për deri në 400 ditë, në varësi të modelit të makinës.

Ju mund ta çaktivizoni në çdo kohë ditarin e drejtimit dhe ky veprim ndalon edhe mbledhjen e të dhënave. Megjithatë, ky veprim nuk shkakton fshirjen e informacioneve të mbledhura më parë.

2.5 Çelësi dixhital

Çelësi dixhital mund të zëvendësojë plotësisht çelësin e zakonshëm të makinës dhe ju mundëson që të mbyllni, të hapni ose të ndizni makinën tuaj me smartfonin ose orën inteligjente të dorës. Gjithashtu, ekziston mundësia që ta ndani çelësin me përdorues të tjerë përmes kanaleve të ndryshme dixhitale.

Çelësi dixhital kërkon lidhje me rrjetin vetëm gjatë konfigurimit fillestar vetëm një herë, për ndarjen e çelësave ose për anulimin e çelësave. Pas konfigurimit, çelësi funksionon përmes Bluetooth, Komunikimit me Fushë të Afërt (NFC) dhe përmes Teknologjisë me Brez Ultra të Gjerë (UWB). Gjatë konfigurimit, çelësi shtohet në aplikacionin e portofolit në pajisjen tuaj inteligjente. Nga aplikacioni i portofolit, ju mund ta ndani çelësin përmes aplikacioneve të mesazheve ose përmes Airdrop^®. Ju mund t'i anuloni lehtësisht çelësat që keni ndarë, ose përmes aplikacionit të portofolit, ose nga sistemi i Infotainment të automjetit.

Kur përdoret çelësi dixhital përpunohen të dhënat e mëposhtme:

Baza ligjore ku mbështetemi për përpunimin e të dhënave të përmendura më lart është zbatimi i kontratës.

Ne i ruajmë të dhënat tuaja për aq kohë sa keni një kontratë të vlefshme.

Ne i ruajmë të dhënat lidhur me shërbimin deri në tre (3) vite nga hera e fundit e përdorimit të shërbimit, përveç rastit kur ka kundërshtime – në këtë rast, ne i ruajmë të dhënat e nevojshme për aq kohë sa nevojitet për të mbrojtur të drejtat tona. Gjithashtu, ne i arkivojmë të dhënat e anonimizuara të rezervimit në regjistrat e sistemit për pesë (5) vite, për qëllime statistikore.

Përveç kësaj, partneri i servisit i Volvo-s që ofron shërbimin u nënshtrohet detyrimeve të ndryshme të ruajtjes dhe të dokumentimit dhe gjithashtu mund t'i kërkohet nga ligji që të zbulojë të dhënat personale për autoritetet. Ky informacion mund të gjendet në rregulloren për privatësinë të partnerit të servisit.

2.6 Karikimi publik

Aplikacioni Volvo Cars është integruar me Digital Charging Solutions (DCS) për ta bërë më të lehtë për drejtuesit që të karikojnë makinat e tyre elektrike. Kur ju përdorni këtë shërbim, ne përdorim të dhënat personale të mëposhtme për të përmbushur kontratën që ju keni firmosur:

Për t'ju paraqitur informacionin e seancës dhe faturimin e shërbimit të karikimit publik, ne përpunojmë informacionet shtesë të marra nga DCS:

Digital Charging Solutions (DCS) GmbH, një kompani e regjistruar në Gjermani, me zyrë qendrore të regjistruar në adresën Rosenstraße 18-19, 10178 Berlin, Germany, me numër regjistrimi të kompanisë 211155 B, vepron si një kontrollues i veçantë për ofrimin e shërbimit të karikimit për ju.

Të dhënat lidhur me karikimin publik ruhen për aq kohë sa ju jeni përdorues i aplikacioni Volvo Cars dhe për një periudhë shtesë një (1) vit.

2.7 Kur na kontaktoni

Kur ju përdorni opsionet e kontaktit në aplikacionin Volvo Cars, ne përpunojmë identifikuesit tuaj personalë përkatës për kanalin që ju përdorni (si për shembull emri dhe mbiemri, numri i telefonit/adresa e emailit, VIN, identifikuesi unik i pajisjes dhe kodi i njoftimeve automatike), si dhe çdo të dhënë tjetër që na jepni në lidhje me kërkesën tuaj. Ne e bëjmë këtë sipas interesit tonë legjitim për të administruar kërkesën tuaj.

Nëse kërkesa juaj lidhet me shërbimin tonë të karikimit publik të mundësuar nga DCS, ne mund të përpunojmë edhe të dhënat personale të përmendura në seksionin 2.6 më poshtë.

Të dhënat lidhur me kërkesat tuaja ruhen për tre (3) vite nga marrja e kërkesës suaj.

2.8 Komunikimet e marketingut dhe anketat

Përmes aplikacionit Volvo Cars ju mund të merrni komunikime marketingu lidhur me produktet e Volvo Cars, nëse keni dhënë pëlqimin për këtë gjë. Më pas ne përpunojmë identifikuesit tuaj (si për shembull emri dhe mbiemri, numri i telefonit, adresa e emailit), specifikimet e mjetit tuaj (të tilla si modeli, motori, VIN), Volvo ID, ID të pajisjes dhe informacionin e abonimit.

Baza ligjore për këtë është pëlqimi i dhënë nga ju. Nëse e tërhiqni pëlqimin tuaj, përpunimi i të dhënave tuaja do të kufizohet në funksionimin e një liste kufizuese, për t'u siguruar që ju të mos merrni pa dashje komunikime marketingu.

Përmes aplikacionit Volvo Cars ju mund të merrni gjithashtu anketa rreth produkteve dhe shërbimeve tona. Ne përpunojmë të njëjtat të dhëna si më lart, bazuar në interesin tonë legjitim për të përmirësuar shërbimet tona. Këto të dhëna përpunohen derisa ju të tërhiqeni.

2.9 Analiza e aplikacionit

Ne matim sesi ju e përdorni aplikacionin Volvo Cars dhe shërbimet e lidhura, për të kuptuar më mirë sjelljen e përdoruesit, për të përmirësuar përdorimin, besueshmërinë dhe për të zvogëluar anomalitë e aplikacionit Volvo Cars, si dhe për të marrë perceptime sesi përdoren shërbimet tona, për përmirësimin e vazhdueshëm të tyre.

Kjo arrihet duke përpunuar identifikuesit e përdoruesit (si për shembull identifikuesi i cookie, adresa IP, informacioni i pajisjes, Volvo ID, shteti nga ku ju hyni në aplikacionin Volvo Cars, sistemi juaj operativ), numrin e identifikimit të automjetit (VIN), statusin e lidhjes së automjetit dhe të dhënat e përdorimit (të tilla si klikimet në aplikacion, veçoritë e përdorura, faqet e vizituara dhe problemet ose gabimet e mundshme).

Për ta bërë këtë, ne mbështetemi tek ofruesit e shërbimeve që na japin perceptime sesi ju e përdorni aplikacionin Volvo Cars. Ju lutemi shihni seksionin 3 më poshtë për informacione lidhur me ndarjen dhe zbulimin e të dhënave personale.

Baza ligjore për këtë përpunim të të dhënave është pëlqimi i dhënë nga ju. Ju mund ta tërhiqni pëlqimin tuaj në çdo kohë duke ndryshuar preferencat në profilin tuaj në aplikacionin Volvo Cars, në seksionin "Cilësimet e privatësisë".

Si rregull i përgjithshëm, këto të dhëna ruhen për katërmbëdhjetë (14) muaj nga mbledhja. Në disa raste, identifikuesit e instancës së aplikacionit ruhen për kohëzgjatjen e jetëgjatësisë së aplikacionit Volvo Cars në pajisjen tuaj.

2.10 Kërkimi dhe zhvillimi

Për qëllimet e kërkimit dhe zhvillimit për të kuptuar më mirë sesi të përmirësojmë produktet dhe shërbimet tona dhe se çfarë shërbimesh dhe produktesh të reja të zhvillojmë, ne përdorim një qasje të drejtuar nga të dhënat dhe të dhënat e automjetit (si për shembull VIN), produktit (si për shembull përdorimi i aplikacionit Volvo Cars), klientit (si për shembull Volvo ID) dhe të shitjes (si për shembull shitësi ose ofruesi i shërbimit) për të informuar drejtimin e zhvillimit të produkteve dhe të shërbimeve tona. Përpunimi përfshin një gamë të gjerë analizash, modelimi dhe kërkimesh të kryera nga analistët dhe shkencëtarët tanë të të dhënave.

Baza ligjore për këtë përpunim është interesi ynë legjitim. Kur është e mundur, ne i kufizojmë analizat në të dhëna të anonimizuara ose të pseudomizuara. Përpunimi nuk përfshin asnjë vendim të automatizuar në lidhje me ju.

Ne i ruajmë këto të dhëna për dhjetë (10) vite.

Përpunuesit

Kategoritë tona të përpunuesve që mbështetin ofrimin e aplikacionit Volvo Cars janë:

Në disa prej këtyre rrethanave, përdorimi i përpunuesve përfshin transferime të kufizuara të të dhënave personale jashtë Bashkimit Evropian. Ne kemi marrë masa kujdesi që këto transferime të kufizohen në minimumin e nevojshëm dhe të përmbajnë vetëm të dhëna që nuk ju identifikojnë juve drejtpërdrejt, dhe si rezultat ato paraqesin një rrezik shumë të ulët në rastin e zbulimit të paautorizuar.

Ndarja me pjesëtarët e tjerë të Grupit Volvo Car

Të dhënat e përmendura në seksionin 2.2 ndahen me kompanitë tona vendase të shitjes në shtetin nga ku kanë origjinën të dhënat, për qëllimet e mëposhtme:

Ndarja me palët e tjera të treta (kontrollues të veçantë)

Ne i përpunojmë pagesat përmes palëve të treta që mbledhin të dhënat e pagesës direkt nga ju dhe nuk i ndani ato me ne: