Programi Evropian i Vlerësimit të Makinave të Reja (Euro NCAP) vlerëson C40 me pesë yje
C40 Recharge jonë plotësisht elektrike ka marrë pikët maksimale në testet e Euro NCAP të vitit 2022, që do të thotë se ashtu si pjesa tjetër e simotrave të saj, ajo është zyrtarisht një nga makinat më të sigurta në rrugë.
Volvo Cars është zotuar për elektrifikim të plotë dhe synon të shesë vetëm makina plotësisht elektrike brenda vitit 2030.
Euro NCAP është një sistem vlerësimi evropian për t'i ndihmuar konsumatorët që të zgjedhin makinat më të sigurta të mundshme. Vlerësimi mat sigurinë e makinës përmes një sërë testesh që synojnë të simulojnë skenarët e aksidenteve në jetën reale.
“Ne gjithmonë synojmë të jemi lider në siguri,” thotë Malin Ekholm, kreu i qendrës sonë të sigurisë. “Kjo do të thotë që ne i përmbahemi standardeve më të rrepta të sigurisë në të gjitha makinat tona, shumë prej të cilave i kemi përcaktuar me kalimin e kohës.”
Çdo makinë që krijojmë duhet të jetë edhe më e sigurt se e mëparshmja, dhe gjenerata jonë e ardhshme e makinave plotësisht elektrike nuk përbën përjashtim. Ato do të vijnë në formë standarde me sensorë të avancuar LiDAR nga Luminar për të qëndruar vigjilent në rrugën që shtrihet përpara jush (dhe përreth, dhe pas) dhe për të garantuar që makina mund të “shikojë” dhe të reagojë ndaj pengesave me saktësi edhe më të madhe.
“Ne gjithmonë synojmë të jemi lider në siguri,” thotë Malin Ekholm, kreu i qendrës sonë të sigurisë.
Kjo gjë luan një rol parësor në sistemet tona tashmë standarde të frenimit automatik emergjent, paralajmërimit të përplasjes frontale, pikasjes së këmbësorëve dhe çiklistëve, të gjitha të testuara si në realitet ashtu edhe në praktikë, në qendrën tonë të sigurisë.
