Shpallim fundin e naftës në javën e klimës në qytetin e Nju-Jorkut – makina jonë e fundit me naftë do të ndërtohet në fund të vitit 2024

Deri në vitin 2030 ne planifikojmë të jemi një kompani që shet vetëm makina plotësisht elektrike dhe deri në vitin 2040 synojmë që të jemi një kompani neutrale për klimën. Ky udhërrëfyes i qartë drejt elektrifikimit të gjithanshëm përfaqëson një nga planet më ambicioze të transformimit të çdo prodhuesi të vjetër të makinave.

Për të nënvizuar angazhimin tonë ndaj këtyre ambicieve, sot në javën e klimës në qytetin e Nju-Jorkut shpallim përfundimin e prodhimit të të gjitha modeleve Volvo Car me naftë deri në fillim të vitit 2024. Pas pak muajsh, do të ndërtohet makina e fundit Volvo, duke e bërë Volvo Cars një nga të parët prodhues të vjetër që ndërmerr këtë hap.

Ky moment historik vjen pas vendimit tonë vitin e kaluar për të ndaluar zhvillimin e motorëve të rinj me djegie. Në nëntor të vitit 2022 ne kemi shitur aksionet tona në Aurobay, kompania e përbashkët sipërmarrëse që mbajti të gjithë motorët tani të mbetur me djegie. Ne nuk po shpenzojmë më asnjë kronë të vetme nga buxheti ynë i Kërkimit dhe Zhvillimit për të zhvilluar motorë të rinj me djegie.

“Transmetimet elektrike janë e ardhmja jonë dhe janë superiore krahasuar me motorët me djegie: ato shkaktojnë më pak zhurmë, më pak dridhje, më pak kosto shërbimi për klientët tanë dhe nuk emetojnë gaze”, thotë Jim Rowan, shef ekzekutiv. "Ne jemi përqendruar plotësisht në krijimin e një portofoli të gjerë, me makina plotësisht elektrike që i ofrojnë klientëve tanë gjithçka që presin nga një Volvo, dhe që janë një pjesë kyçe e reagimit tonë ndaj ndryshimeve klimaterike."

Një nevojë urgjente për veprim

Ne kemi fokusuar gjithçka tek elektrifikimi pasi është gjëja e duhur për tu bërë. Raporti i fundit i Përmbledhjes së Klimës Botërore i nxjerrë nga Kombet e Bashkuara thekson urgjencën e emergjencës klimaterike me të cilën përballet njerëzimi, si edhe nevojën për ndryshim.

"Ajo që i duhet botës në këto momente kritike për planetin tonë dhe njerëzimin, është udhëheqja," thotë Jim Rowan. “Është koha që liderët e industrisë dhe politikës të jenë të fortë dhe vendimtarë dhe të ofrojnë politika dhe veprime domethënëse për të luftuar ndryshimet klimatike. Ne jemi të përkushtuar që të bëjmë pjesën tonë dhe të inkurajojmë kolegët tanë, si dhe liderët politikë në mbarë globin që të bëjnë pjesën e tyre.”Për të theksuar më tej këtë pikë, shefi ynë i qëndrueshmërisë Anders Kärrberg do të marrë pjesë në një ngjarje të organizuar nga Koalicioni për Përshpejtimin në Zero (A2Z) në javën e klimës në Nju Jork të këtij viti. I lançuar në samitin e klimës COP27, Koalicioni A2Z ofron një platformë shumëpalëshe për nënshkruesit e [Deklaratës së Glasgow për Automjetet me Emetim Zero,] (https://acceleratingtozero.org/the-declaration/) një nga të cilët jemi edhe ne.

Platforma A2Z na lejon të bashkëpunojmë dhe koordinojmë veprimet me të tjerë drejt objektivit kolektiv të koalicionit për të bërë 100 për qind të shitjeve globale të makinave dhe furgonëve pa emetim gazesh deri në vitin 2040, dhe jo më vonë se në vitin 2035 në tregjet kryesore.

Ndërsa objektivi ynë i elektrifikimit është akoma më ambicioz, ne shpresojmë që me njoftimin tonë sot për motorët me naftë dhe duke marrë pjesë në diskutimet e A2Z dhe mbledhje të tjera në javën e klimës në Nju-Jork, të frymëzojmë kompanitë e tjera të jenë më të guximshme në ndërmarrjen e veprimeve kundër ndryshimeve klimaterike.

Një këndvështrim në ndryshim

Vendimi ynë që deri në vitin 2024 të kemi hequr plotësisht motorët me naftë tregon se sa shpejt po ndryshon industria e makinave dhe kërkesa e klientit po ndryshon përballë krizës klimaterike.

Vetëm para katër vitesh, motori me naftë ishte e zakonshmja në Evropë, si edhe në shumicën e tregjeve të makinave. Shumica e makinave që kemi shitur në kontinent në vitin 2019 fuqizoheshin me motor nafte, ndërkohë që modelet elektrike vetëm sa po fillonin të dalloheshin.

Kjo prirje ka ndryshuar shumë që atëherë, nxitur nga ndryshimi i kërkesës së tregut, rregulloret më të rrepta të emetimeve si dhe fokusi ynë në elektrifikimin. Shumica e shitjeve tona në Evropë janë makina të elektrizuara, me sistem plotësisht elektrik ose hibrid plug-in.

Një numër më i ulët makinash me motor me naftë në rrugë ka gjithashtu një efekt pozitiv në cilësinë e ajrit në zonat urbane; ndërsa motorët me naftë lëshojnë më pak CO2 se motorët me benzinë, ata lëshojnë më shumë gaze si oksidi i azotit (NOx) që kanë një efekt negativ në cilësinë e ajrit veçanërisht në zonat e banuara.

Investime të rëndësishme

Ne synojmë që deri në mes të dekadës 50 për qind e makinave që shesim të jenë plotësisht elektrike dhe në vitin 2030 vetëm modele plotësisht elektrike.

Por elektrifikimi nuk mjafton. Për shembull, edhe kur një Volvo C40 plotësisht elektrik ngarkohet duke përdorur energji neutrale ndaj klimës, vlerësimi ynë i ciklit të jetës tregon që akoma është përgjegjës për 27 ton emetim CO2 gjatë kohëzgjatjes së përdorimit. Kjo do të thotë se ulja e emetimeve përmes prodhimit dhe përsosjes së materialit është çelësi për të arritur objektivat tona afatshkurtra dhe ambiciet tona afatgjata klimatike.

Për të ulur emetimet nga çeliku, alumini dhe bateritë, ne po punojmë në mënyrë aktive për të vendosur kërkesa më të ashpra ndaj furnitorëve tanë, për të gjetur mënyra të reja dhe më të mira për prodhimin e këtyre materialeve dhe për të rritur pjesën e përmbajtjes së ricikluar.

Këto ambicie dhe veprime mbështeten nga investime të mëdha në teknologjitë e reja dhe aftësitë e prodhimit. Nëpërmjet investimeve në operacionet tona në Evropë, Kinë dhe SHBA, ne po përgatisim në mënyrë aktive rrjetin tonë të prodhimit për një të ardhme elektrike, ndërsa rrisim gjithashtu energjinë neutrale ndaj klimës në operacionet tona globale nga rreth 66 për qind që është tashmë sot.

Në Sllovaki planifikojmë të ndërtojmë një fabrikë të re makinash që do të ndërtojë vetëm makina plotësisht elektrike dhe kemi bërë gjithashtu investime të rëndësishme në fabrikat tona ekzistuese për të mundësuar prodhimin e makinave plotësisht elektrike. Në Suedi, kemi ndërtuar një fabrikë tërësisht të re që fuqizohet plotësisht nga energji neutrale ndaj klimës, në bashkëpunim me Northvolt, firmën kryesore suedeze të baterive.