Volvo 145 Benzin

1967-ci ilin noyabr ayının sonlarında Volvo 140 seriyası kimi tanınan tam avtomobil ailəsini formalaşdırmaq cəhdi kimi üçüncü versiya olan Volvo 145-i təqdim etdi.

Volvo 145 arxa hissəsində, demək olar ki, tam şaquli yük bölməsi olan 5 qapılı universal avtomobil idi. Hər kəs onun təhlükəsiz, rahat, həddən artıq əlverişli və geniş avtomobil olduğu fikrində idi. Yük həcmi 2 kub metrdən çox idi və yük bölməsiniin döşəməsi tamamilə düz idi.

Arxa hissənin bu cür dizaynı o zamandan bəri bütün Volvo universal avtomobillərinin hamıya məlum olan xüsusiyyətinə çevrilib.

Volvo 145 tez bir zamanda həddən artıq populyar universal avtomobilə çevrildi və 140 seriyasında getdikcə daha vacib rol oynadı.

İllik dəyişikliklər, əsasən, paralel olaraq 2 və 4 qapılı versiyalara tətbiq edilən dəyişikliklərlə eyni idi. Nəzərəçarpan dəyişiklik 1970-ci ildə baş verdi: arxa pəncərə ləğv olunaraq arxa qapıların arxasında tək bir uzun pəncərə yerləşdirildi.

Texniki Xüsusiyyətlər
Model: 145
Variantlar: Ekspres, Yüksəldilmiş tavan
İstehsal illəri: 1967 - 1974
İstehsal həcmi: 268.317
Kuza: 5 qapılı universal
Mühərrik: Yuxarı klapanlı yan-yana 4 silindr; 1778 l; 84,14x80 mm və bir neçə güclü versiyada 1986 l, 88,9x80 mm.
Transmissiya: 4 mexaniki sürət pilləsi, elektrikli sürətləndirici mexanizmə malik 4 mexaniki sürət pilləsi və ya 3 avtomatik sürət pilləsi.
Əyləclər: Bütün təkərlərdə diskli əyləclər olmaqla hidravlik.
Ölçülər: Ümumi uzunluq 464 sm, təkər bazası isə 260 sm-dir