Volvo 245 Benzin • Dizel

1974-cü ilin avqustunda Volvo 240 və 260 seriyası adlanan yeni avtomobil nəslini təqdim etdi.

Bu yeni modellər 140 seriyası əsasında yaradılmışdı və öz sələfinə çox bənzəyirdi. Dəyişikliklərə yeni və böyük qabaq buferlər və McPherson tipli qabaq təkər asqı sistemi ilə təchiz olunan təkmilləşdirilmiş şassi daxil idi.

240 ailəsinin buraxılışı ilə əlaqədar yuxarıdan asılmış paylama valına malik yeni 4 silindrli mühərrik ailəsindən istifadə olunmağa başladı. Əvvəlki 4 silindrli versiya keçid dövründə 240 seriyasının standart versiyalarında hələ də istifadə olunurdu.

"Volvo" 244-də olduğu kimi, 245 də qısa müddət V6 mühərriki ilə təchiz olundu. Bazarın minik avtomobilində ilk 6 silindrli dizel mühərriki 1978-ci ilin payızında Volvo 240 modelində istifadə olundu. Bu, dizel yanacağının mühüm rol oynadığı bəzi bazarlarda uğurlu alternativ idi.

Yeni Volvo ailəsi sərt təhlükəsizlik tələbləri nəzərə alınmaqla yaradılmışdı. Əslində, avtomobil o qədər etibarlı idi ki, onadn ABŞ-da səlahiyyətli orqanlar tərəfndən təhlükəsizliyin artırılması üçün standart avtomobil kimi istifadə olunurdu.

Bununla yanaşı, Volvo 245 performans baxımından da standartları müəyyən etdi. 1981-ci ildə 245-in turboqovucu ilə təchiz olunmuş versiyası təqdim olunanda o, dünyanın ən sürətli universal avtomobillərindən biri idi.

Avtomobilə iki dəfə, 1981 və 1986-cı illərdə ciddi dəyişiklik edildi. Ömrünün sonuna yaxın 245 müəyyən canlanma yaşadı. Polar adlı versiya İtaliyada çox məşhurlaşdı.

Texniki Xüsusiyyətlər
Model: 245
İstehsal illəri: 1974 - 1993
İstehsal həcmi: 959.151
Korpus: 5-qapılı əmlak Mühərrik: 4-silindrli, sıralı OHV, 4-silindrli, sıralı OHC, 4-silindrli, turbo doldurma ilə sıralı OHC. V6 yuxarı paylama vallı və yan-yana 5 və ya 6 silindrli yuxarı paylama vallı dizel mühərrikləri. Transmissiya: 4 mexaniki sürət pilləsi, elektrikli sürətləndirici mexanizmə malik 4 mexaniki sürət pilləsi, 5 mexaniki sürət pilləsi yaxud 3 və ya 4 avtomatik sürət pilləsi.
Əyləclər: Bütün təkərlərdə diskli əyləclər olmaqla hidravlik.
Ölçülər: Ümumi uzunluq 490 sm, təkər bazası isə 264 sm-dir.