Volvo 960 Sedan Benzin • Dizel

1990-cı ilin payızında 1991-ci model ilinə uyğun olaraq Volvo 960 modeli təqdim olundu. Yeni Volvo 960 1982-ci ildən bəri bazarda olmuş "Volvo" 760 modelini əvəz etdi.

Volvo 960 tam yeni yan-yana 6 silindrli 3 litrlik mühərriklə təchiz olunmuşdu. Bu, alüminium silindr bloku və hər silindrdə 4 klapan olmaqla ikiqat yuxarı paylama valına malik təkmilləşdirilmiş güc qurğusu idi. Mühərrik, nəhayət, 5 və 4 silindrli Volvo mühərriklərinin yeni seriyasının yaradılmasına gətirib çıxaran yan-yana silindrli mühərriklərin tam yeni nəslinin ilk mərhələsini təmsil edirdi.

Volvo 960 modelində həmçinin bir sıra yeni təhlükəsizlik funksiyaları istifadəçilərə təqdim olundu. Onlar arasında üç nöqtəli dartma qurğusuna malik təhlükəsizlik kəməri və arxa oturacaqların arasında yerləşən tənzimlənə bilən baş dayağı var idi. Yeni avtomobilin təhlükəsizlik profilini daha da gücləndirən, arxa oturacaqların ortasındakı dirsəkliyə quraşdırılan uşaq oturacağı variant kimi təqdim olunurdu.

Təhlükəsizlik sahəsində əldə olunan bu və digər nailiyyətlər modelə beynəlxalq mükafatlar, o cümlədən "Şahzadə Maykl adına yol təhlükəsizliyinə görə" mükafatı və ən yaxşı təhlükəsizlik xüsusiyyətlərinə görə "Avtomobil və mühərrik" mükafatını qazandırdı.

1995-ci model ili üçün Volvo 960 modelinin dizaynı hərtərəfli şəkildə dəyişdirildi. Ön hissəyə yeni dizayn verildi, şassi, demək olar, tamamilə yeniləndi, o cümlədən yığma materiallardan hazırlanmış və eninə quraşdırılmış lövhəşəkilli yayla çoxəlaqəli arxa asqının daha da təkmilləşdirilmiş versiyası təchiz olundu. Əvvəlki 3 litrlik versiyaya 6 silindrli mühərrikin yeni 2,5 litrlik versiyası əlavə olundu.

1997-ci ildə "Volvo" S90 model 960 sedan modelini əvəz etdi.

Texniki Xüsusiyyətlər
Model: 960 Sedan
İstehsal illəri: 1990 - 1997
İstehsal həcmi: 112.710
Kuza: 4 qapılı sedan
Mühərrik: İkiqat yuxarı paylama vallı yan-yana 6 silindr, 2473 l və ya 2922 l
Transmissiya: 5 pilləli mexaniki, 4 pilləli avtomatik transmissiya
Əyləclər: Bütün təkərlərdə diskli əyləclər olmaqla hidravlik
Ölçülər: Ümumi uzunluq 487 sm, təkər bazası isə 277 sm-dir