Volvo P1800/1800 Benzin

"Volvo" plastik şüşə materialı ilə gücləndirilmiş poliesterdən hazırlanmış kuzaya malik "Volvo" "Sport" cəhdindən iki il sonra 1959-cu illərin əvvəllərində yeni idman avtomobilinin təqdimatını keçirdi.

Yeni avtomobil P1800, sonrakı versiyaları isə P1800S/1800S və 1800E adlandırıldı. Bu yeni idman avtomobili italyan üslubunda dizayn olunmuşdu və modelin istehsalı 1961-ci ildən başladı.

"Volvo" avtomobili müstəqil istehsal etmək imkanına malik olmadığı üçün ilk illərdə istehsal İngiltərə şirkətinə həvaə edildi. "Pressed Steel" adlı şirkət kuzaları hazırladı, yekun montaj isə "Jensen" adlı yerdə baş tutdu. P-1800 S modelinin montajı daha sonra 1963-cü ildə Göteborq və Lundbiverkenə köçürüldü. Kuza istehsalı da İsveç və Olofströmsverkenə köçürüldü. Bu, 1969-cu ildə 1800 E ilə əlaqədar idi. "Volvo" P1800 modeli "Volvo" 121/122S-in döşəmə panelin əsaslanırdı, ancaq daha qıza təkər bazasına malik idi. Avtomobil həmçinin tamamilə yeni 1,8 litrlik 4 silindrli mühərriklə təchiz olunmuşdu. Mühərrik, əvvəlcə, 100 effektiv at gücünə malik olsa da, sonradan 108, 115 və 120 effektiv at gücünə qədər artırıldı.

İllər keçdikcə avtomobil, əsasən, yeni mühərrik alternativlərinin tətbiqi ilə təkmilləşdirildi. 1968-ci ilin payızında 118 effektiv at gücünə malik 2 litrlik mühərrik təqdim olundu. 1969-cu ildə onun yanacaq inyeksiyası və daha yüksək at gücünə malik versiyası buraxıldı.

Texniki Xüsusiyyətlər
Model: P1800 / 1800
Variantlar: P 1800 S, 1800 S, 1800 E
İstehsal illəri: 1961 - 1972
İstehsal həcmi: 39.414
Kuza: 4 nəfərlik kupe
Mühərrik: Yuxarı klapanlı yan-yana 4 silindr; 1778 l; 84,14x80 mm; 5500 dövr/dəq-də 100 effektiv at gücü (1968-ci ildə 5800 dövr/dəq-də 108 effektiv at gücünə artırılıb). 1968-ci ildə 2 litrlik (1986 l; 88,9x80 mm) karbüratorlu versiya, 1969-cu ildə isə 120 effektiv at gücünə malik yanacaq inyeksiyalı versiya buraxıldı.
Transmissiya: Döşəməyə birləşdirilmiş linglə mexaniki olaraq dəyişdirilən 4 sürət pilləsi, sürətləndirici mexanizmə malik 4 sürət pilləsi və ya avtomatik 3 sürətli pillə.
Əyləclər: Qabaqda disklər və arxada barabanlar olmaqla hidravlik. Sonrakı modellərdə bütün təkərlərdə disklər.
Ölçülər: Ümumi uzunluq 440 sm, təkər bazası isə 245 sm-dir.
Digər: Bu "Volvo" modeli baş qəhrəman Simon Templerin (Rocer Mur) həmin avtomobili idarə etdiyi "Müqəddəs" ("The Saint") filmində yer alması nəticəsində çox məşhurlaşdı.