Volvo PV653-9 Benzin

Volvo nun altı silindrli ilk modeli 1929-cu ildə istifadəyə verilib və bunun ardınca modelin təkmilləşdirilmiş versiyaları istehsal olunub. 1933-cü ildə PV653 (standart) və PV654 (delyuks) təqdim olunub. Bunlar gündəlik istifadə üçün nəzərdə tutulmuş və ənənəvi üslubda hazırlanmış etibarlı mühərriklərə malik rahat, sakit və möhkəm avtomobillər idi.

654 delyuks versiyası çox təmtəraqlı interyerə, iki ədəd ehtiyat təkərə və geriyə hərəkət işığına malik olmaqla bir neçə rəngdə buraxılmışdı.

PV655 isə xüsusi kuzalar üçün nəzərdə tutulmuş şassili versiya idi.

1935-ci ilin buraxılışında PV658 və PV659 modellərinin görünüşü əhəmiyyətli dərəcədə dəyişdirildi. Radiator nisbətən araxaya sürüşdürülmüş, radiatorun qarşısına barmaqlıqlar quraşdırılmışdı. Xüsusi disklər avtomobilin yeni xarakterinə öz töhfəsini vermişdi. 6 silindrli mühərrikin daha güclü versiyası isə başqa bir yeni xüsusiyyət idi. Mühərrik 3,67 litr həcmə və 80-84 effektiv at gücünə malik idi.

Texniki Xüsusiyyətlər
Model: PV653-9
Variantlar: PV 653 standart, PV 654 delyuks, PV 655 şassi, PV 653/654-ün variantı, PV 656 şassi, PV 657 standart, PV 658 delyuks, PV 659 şüşə arakəsmə ilə
İstehsal illəri: 1933 (PV653-5), 1935 (PV656-9), 1935 (PV653-5), 1937 (PV656-9)
İstehsal həcmi: 653 (PV653-5), 542 (PV656-9)
Korpus: Salon Mühərriki: 653-5: Sıralı, 6 silindrli, yan klapanlar; 3,266 cc; 79,4x110 mm; 3200 rpm-də 65 at gücü. 658-659: Kənar klapanlarla təchiz olunmuş yan-yana 6 silindr; 3670 l; 84,14x110 mm; 3300 dövr/dəq-də 8084 effektiv at gücü.
Transmissiya: Döşəməyə birləşdirilmiş birbaşa hərəkətli linglə dəyişdirilən 3 sürət pilləsi.
Əyləclər: Bütün təkərlərdə hidravlik əyləc.
Ölçülər: 2950 və ya 3550 mm təkər bazası.
Digər: 230 PV653 və 361 PV654 1933 və 1935-ci illər arasında tikilib