Kommunikasiya şöbəmizin yeni rəhbəriylə tanış olun

Bir İsveç ikonasından digərinə: 10 IKEA ilə çalışdıqdan sonra Oliviya Ros Vilson qlobal kommunikasiyalar şöbəmizin yeni rəhbəri kimi komandamıza qoşulur. Orada o, 2016-cı ildə "Ingka Group"un (IKEA mağazalarını idarə edən on iki franşiza alandan ən böyüyü) kommunikasiyalar şöbəsinin rəhbəri olmadan əvvəl 2011-ci ildə dayanıqlılıq kommunikasiyası şöbəsinin rəhbəri kimi başlamışdı."Ingka Group"da kommunikasiyalar şöbəsinin rəhbəri kimi Oliviya rəhbərlik komandasının üzvü olmaqla, 30 ölkədə 300-dən çox işçidən ibarət komanda və matrisə rəhbərlik edir. Onun öhdəliklərinə IKEA-nın uzunmüddətli strateji mövqelərinin müəyyən edilməsi, o cümlədən əsas brend marketinqi fəaliyyətləri, ictimaiyyətlə əlaqələr, daxili kommunikasiya, ictimai məsələlər, daxili istehsal və strateji biznes kommunikasiyası kimi sahələr üzrə kommunikasiya əməliyyatlarına rəhbərlik daxildir.

"Volvo"nun uzunmüddətli pərəstişkarı və müştərisi kimi komandanıza qoşulmağı səbirsizliklə gözləyirəm," Oliviya deyib. "Dünyanın gələcəyə doğru addımlamaq üçün "Volvo" kimi marka və şirkətlərə ehtiyacı var, buna görə şirkətin ilhamverici macərasına və elektrikləşdirmə strategiyasının uğurlarına bacardığım qədər töhfə verməyi səbirsizliklə gözləyirəm."

IKEA-dan əvvəl Oliviya 1998-2009-cu illər arasında Londonda müxtəlif ictimaiyyətlə əlaqələr və marketinq vəzifələrində, o cümlədən "Marks & Spencer" pərakəndə satış mərkəzində, "Starbucks", "Delta Airlines" və "Carlsberg" kimi firmaların agentlik tərəfində çalışıb. Bu müddət ərzində o həmçinin öz kommunikasiya üzrə konsultasiya şirkətini quraraq "Coca-Cola" və "Mulberry" kimi müştərilərə məsləhətlər verib.

2009-cu ildə o, Nyu-Yorka köçərək keçmiş ABŞ prezidenti Bil Klinton və Mayk Blumberq tərəfindən idarə olunan Klinton Fondu və "Bloomberg Philanthropies"a Klinton İqlim Təşəbbüsü üzrə qlobal kommunikasiyalar direktoru kimi qoşulub. Bu vəzifədə Oliviya qlobal strateji kommunikasiya, o cümlədən brendinq, ictimaiyyətlə əlaqələr, donor marketinqi, rəqəmsal kommunikasiya və tədbirlərə görə cavabdeh idi.

"Biz Oliviyanı səmimi qəlbdən salamlayırıq," korporativ funksiyalar şöbəsinin rəhbəri Hanna Faqer deyib. "O, strateji kommunikasiya barədə dərin və çoxşaxəli biliklərə sahib olan, aparıcı premium elektrikli avtomobil şirkəti olmaq yolunda öz dəyərli təcrübəsini bizə qatacaq müasir liderdir. Eyni zamanda, o, bizim kimi zəngin İsveç irsinə sahib olan və dünyanın hər yerində insanların gündəlik həyatının bir hissəsinə çevrilən məhsullar yaradan marka ilə çalışmaq barədə hər şeyi bilir."

Oliviya 2019-cu ildə bəri qlobal kommunikasiya əməliyyatlarımıza rəhbərlik etdikdən sonra bu yay Böyük Britaniyada yeni imkanları qiymətləndirməyi seçərək bizdən ayrılan Nikki Ruku əvəz edəcəkdir.

"Biz davamlı uğurumuza verdiyi töhfələrə görə Nikkiyə təşəkkür edir, ona gələcək işlərində uğurlar arzu edirik," Hanna Faqer deyib.