Volvo 164 Բենզին

1968 թվականի աշնանը Volvo-ն ներկայացրեց Volvo 164 մոդելը: Այն 144 մոդելի զարգացումն էր, սակայն դիրքավորվում էր ավելի հեղինակավոր սեգմենտում:

Volvo 164-ի հիմնական տեխնիկական տարբերությունը հանդիսանում էր 6 միաշարք գլաններով 3,0-լիտրանոց շարժիչը: Այդ շարժիչը ստեղծվել էր 4 գլաններով 2,0-լիտրանոց շարժիչի հիման վրա, որը նույն 1968 թվականին ներկայացվել էր 140 շարքի մոդելների համար: 164 մոդելն ի սկզբանե արտադրվում էր երկու կարբյուրատորներով, իսկ հետագայում հասանելի էր նաև վառելիքի ներցայտման համակարգով:

10 տարիների ընթացքում առաջին անգամ Volvo-ն կարողացավ առաջարկել 6-գլանանոց շարժիչով մեքենա: Վերջին անգամ 6-գլանանոց շարժիչներ տեղադրվել էին 830 շարքի տաքսիներում:

Ինչ վերաբերում է մասնավոր գնորդների համար նախատեսված մեքենաներին, Volvo-ն 6-գլանանոց շարժիչներով մեքենաներ չէր արտադրել գրեթե 20 տարիների ընթացքում, այսինքն 1950 թվականից ի վեր, երբ դադարեցվեց PV60 մոդելի արտադրությունը:

164 մոդելի առջևի հատվածն ուներ յուրահատուկ դիզայն: Մեքենան ուներ երկարացված ծածկոց ավելի խոշոր շարժիչը տեղավորելու համար: Առջևի հատվածի դիզայնն ավելի հեղինակավոր էր ռադիատորի խոշոր չափերի վանդակացանցի շնորհիվ:

Սրահում օգտագործվում էին լիովին այլ նստատեղեր: Պաստառապատման համար օգտագործվում էին ավելի շքեղ նյութեր, և հաճախորդները կարող էին պատվիրել կաշվեպատ նստարաններ:

Volvo 164 մոդելն արտադրվում էր 1968-ից մինչև 1975 թվականները: Վերջին տարվա ընթացքում արտադրված մեքենաներից շատերն ուղարկվել էին ԱՄՆ:

Տեխնիկական բնութագրեր
Մոդելը՝ 164
Արտադրության տարեթվերը՝ 1968 - 1975թթ
Արտադրության ծավալը՝ 146 008 հատ
Թափքը՝ 4-դռնանի սեդան
Շարժիչը՝ 6 միաշարք գլաններով, վերևի փականներով, 2 978 խս, 88,9x80 մմ, 135-175 ձիաուժ հզորություն:
Փոխանցատուփ՝ 4 արագությամբ մեխանիկական, 4 արագությամբ մեխանիկական՝ թափի էլեկտրական ուժգնացումով, կամ 3 արագությամբ ավտոմատ:
Արգելակները՝ հիդրավլիկ, բոլոր անիվների վրա սկավառակային արգելակներով:
Չափսերը՝ ընդհանուր երկարությունը՝ 470 սմ, անվային բազան՝ 270 սմ: