Volvo 244 Բենզին • Դիզել

1974 թվականի օգոստոսին Volvo-ն ներկայացրեց ավտոմեքենաների նոր սերունդ՝ 240 և 260 շարքերը։

Այս նոր մոդելները մշակվել էին 140 շարքի մեքենաների հիման վրա և նման էին դրանց։ Փոփոխությունները ներառում էին հետևյալը՝ նոր առջևի հատված, մեծ թափարգելներ և վերամշակված շասսի՝ Մակֆերսոն տեսակի առջևի կախոցով։

Մեքենաների 240 ընտանիքի ներկայացման կապակցությամբ սկսվեց օգտագործել վերևի բաշխիչ լիսեռով նոր 4-գլանանոց շարժիչ: Նախորդ 4-գլանանոց շարժիչը որոշ ժամանակ դեռ առաջարկվում էր այս մեքենայի բազային տարբերակներում։

Կարճ ժամանակահատվածում Volvo 244 մոդելը մատակարարվում էր V6 շարժիչով: 1979 թվականին որոշ շուկաներում առաջարկվեց, իսկ հետագայում մեծ տարածում ստացավ: Առաջին անգամ մարդատար մեքենայում տեղադրվեց 6-գլանանոց դիզելային շարժիչ (որոշ շուկաներում առաջարկվում էր 5-գլանանոց դիզելային շարժիչ):

Նոր 240/260 ընտանիքը բավարարում էր անվտանգության ամենախիստ պահանջները: Այդ պահանջներն իրականում այնքան խիստ էին, որ ԱՄՆ-ի պետական մարմինները սկսեցին այն օգտագործել որպես անվտանգության ստանդարտ:

Volvo-ի 240 մոդելը դարձավ դասական դեռ դրա արտադրության տարիներին. այդ մեքենան արտադրվում էր գրեթե 20 տարի: Երկու անգամ մեքենան ենթարկվել է զգալի փոփոխությունների՝ 1981 և 1986 մոդելային տարիներին: Ընդհանուր առմամբ արտադրվել է 240/260 շարքի ավելի քան 2,8 միլիոն մեքենա:

Տեխնիկական բնութագրեր
Մոդելը՝ 244
Արտադրության տարեթվերը՝ 1974 - 1993թթ
Արտադրության ծավալը՝ 1 483 399 հատ
Թափքը՝ 4-դռնանի սեդան
Շարժիչը՝ 4 միաշարք գլաններով և վերևի փականներով, 4 միաշարք գլաններով և վերևի բաշխիչ լիսեռով, 4 միաշարք գլաններով ևվերևի բաշխիչ լիսեռով և տուրբոմղիչով։ V6՝ վերևի բաշխիչ լիսեռով և 5 կամ 6 միաշարք գլաններով և վերևի բաշխիչ լիսեռով դիզելային շարժիչներ:
Փոխանցատուփ՝ 4 արագությամբ մեխանիկական, 4 արագությամբ մեխանիկական՝ թափի էլեկտրական ուժգնացումով, 5 արագությամբ մեխանիկական, 3 կամ 4 արագությամբ ավտոմատ:
Արգելակները՝ հիդրավլիկ՝ բոլոր չորս անիվների վրա սկավառակային արգելակներով:
Չափսերը՝ ընդհանուր երկարությունը 490 սմ, անվային բազան 264 սմ: