Volvo 343 Բենզին • Դիզել

Volvo 343-ը ներկայացվել է 1976 թվականի ձմռանը: Դա բոլորովին նոր ավտոմեքենա էր, որն արտադրվել էր Նիդեռլանդներում՝ Volvo Car BV գործարանում: Volvo 343 մոդելը մուտք գործեց Եվրոպական շուկաների համար չափազանց կարևոր՝ կոմպակտ մեքենաների սեգմենտ:

Volvo 343-ը 3-դռնանի հեչբեք էր: Խոշոր հետևի դուռն ուներ փոքրիկ սփոյլեր: Մեքենան համեմատաբար ընդարձակ էր և ուներ հարմարավետ, ճկուն բեռնախցիկ:

Մեքենան ի սկզբանե հասանելի էր միայն 1,4-լիտրանոց շարժիչով և վարիատոր (CVT) տեսակի ավտոմատ փոխանցման տուփով: Այն ուներ հետևի քարշակ, իսկ փոխանցման տուփը գտնվում էր հետևի հատվածում՝ դիֆերենցիալի կողքին, ինչը երաշխավորում էր քաշի օպտիմալ բաշխումը: Հետևի անիվների կախոցը Դե Դիոն տեսակի էր:

Արտադրության ընթացքում Volvo 343 մոդելի արտաքին տեսքը, շարժիչը և փոխանցման տուփը ենթարկվել են մի շարք փոփոխությունների: Արտաքին տեսքի ամենազգալի փոփոխությունները տեղի ունեցան 1981 թվականի աշնանը, երբ մեքենան ստացավ նոր առջևի հատված և սրահ:

Տեխնիկական բնութագրեր
Մոդելը՝ 343
Արտադրության տարեթվերը՝ 1976 - 1990թթ
Արտադրության ծավալը՝ 472 434 հատ
Թափքը՝ 3-դռնանի հեչբեք
Շարժիչը՝ 4 միաշարք գլաններով և վերևի փականներով՝ 1 397 խս, 4 միաշարք գլաններով և վերևի բաշխիչ լիսեռով՝ 1 986 խս, 4 միաշարք գլաններով՝ 1 721 խս կամ 4 միաշարք գլաններով և վերևի բաշխիչ լիսեռով՝ 1 596 խս. դիզելային։
Փոխանցատուփ՝ ավտոմատ, վարիատոր (CVT) տեսակի, 4 արագությամբ մեխանիկական, 5 արագությամբ մեխանիկական:
Արգելակները՝ հիդրավլիկ՝ սկավառակային արգելակներ առջևի անիվներին և թմբկագլաններ հետևի անիվներին:
Չափսերը՝ ընդհանուր երկարությունը 419 սմ, անվային բազան 239,5 սմ: