Volvo 440 Բենզին • Դիզել

Volvo 440-ը թողարկվել է 1988 թվականին և մի քանի տարի արտադրվել է Volvo 340 մոդելի հետ միասին: Հետագայում 440-ը և դրա հիման վրա ավելի ուշ թողարկված 460 մոդելը ստանձնել են կոմպակտ մեքենաների դերը Volvo-ի շարքում:

Volvo 440-ի բազային տեխնիկական կառուցվածքը նույնն էր, ինչ 480 սպորտային մոդելինը: Դա նշանակում է, որ այն ժառանգել էր սպորտային մոդելի լայնական շարժիչն ու առջևի քարշակը և 480-ի հիանալի կառավարելիության և կայունության բոլոր առավելությունները:

Մոդելի արտադրության ընթացքում այն համալրվել է 1,6-ից մինչև 2,0 լիտրանոց մի շարք շարժիչներով: Դրանք բոլորը 4-գլանանոց էին՝ մեկ վերևի բաշխիչ լիսեռով և պատկանում էին շարժիչների նույն ընտանիքին:

440 մոդելը 5-դռնանի հեչբեք էր՝ բեռնախցիկի դռան վրա տեղադրված հատուկ սփոյլերով: Դիզայնի այդ տարրը հայտնի դարձավ 300 շարքի մեքենաներում: 1994 մոդելային տարում 440-ը ենթարկվեց զգալի փոփոխությունների, որոնց նպատակն էր այն ավելի նմանեցնել 850 մոդելին:

Տեխնիկական բնութագրեր
Մոդելը՝ 440
Արտադրության տարեթվերը՝ 1988 - 1996թթ
Արտադրության ծավալը՝ 460 822 հատ
Թափքը՝ 5-դռնանի հեչբեք
Շարժիչը՝ միաշարք 4 գլաններով և վերևի բաշխիչ լիսեռով, 1596 սմ3- 1721 սմ3՝ տուրբոմղումով կամ առանց դրա, 1794 սմ3 կամ 1998 սմ3, և միաշարք 4 գլաններով և վերևի բաշխիչ լիսեռով, 1870 սմ3 Տուրբո դիզելային:
Փոխանցատուփ՝ 5 աստիճան՝ մեխանիկական, 4 աստիճան՝ ավտոմատ:
Արգելակները՝ հիդրավլիկ՝ սկավառակային արգելակներ առջևի անիվներին և թմբկագլաններ հետևի անիվներին կամ սկավառակային արգելակներ բոլոր անիվներին
Չափսերը՝ ընդհանուր երկարությունը 431 սմ, անվային բազան 250 սմ