Volvo 760 Sedan Բենզին • Դիզել

1982 թվականի սկզբին` 760 սեդան մեքենան ներկայացնելուց հետո, Volvo-ն մտավ բացառիկ հարմարավետությամբ և հիանալի տեխնիկական բնութագրերով հեղինակավոր մեքենաներ արտադրող ընկերությունների նեղ շրջանակ։

760-ը դարձավ չափազանց ճանաչված մոդել, որն ին յուրահատուկ անկյունաձև դիզայնի շնորհիվ աչքի էր ընկնում ընդարձակ սրահով։ Անվտանգության մակարդակով այն գերազանցում էր ինչպես Volvo-ի նախորդ մոդելները, այնպես էլ մրցակիցներից շատերի մեքենաները։

760GLE մոդելի «բազային» տարբերակը համալրվել էր նախկինում 260 շարքի մեքենաներում օգտագործվող ֆրանսիական V6 շարժիչի կատարելագործված տարբերակով։ Հետագայում դրան ավելացավ նաև միջանկյալ հովացուցիչով չափազանց արագ 4-գլանանոց Տուրբո տարբերակը և միջանկյալ հովացուցիչով 6-գլանանոց դիզելային տարբերակը, որն իր հիանալի բնութագրերի և վառելիքի խնայողական ծախսի շնորհիվ ապահովում էր բարձր հարմարավետություն երկարատև ուղևորությունների ժամանակ, ինչպես նաև ընթացքի հիանալի պաշար։

760GLE սեդանի ամենամասշտաբային թարմացումը տեղի ունեցավ 1987 թվականին, երբ փոփոխվեց առջևի հատվածի դիզայնը և կիրառվեց հետևի հատուկ բազմալծակ կախոց։ Այս և հարյուրավոր այլ նմանատիպ էական փոփոխությունների շնորհիվ փաստորեն ստեղծվեց նոր մեքենա։

Տեխնիկական բնութագրեր
Մոդելը՝ 760 Sedan
Արտադրության տարեթվերը՝ 1982 - 1990թթ
Արտադրության ծավալը՝ 183 864 հատ
Թափքը՝ 4-դռնանի սեդան
Շարժիչը՝ 4 միաշարք գլաններով և վերևի բաշխիչ լիսեռով, 2 316 խս կամ V6 2 849 խս կամ 2 383 խս, Տուրբո, դիզելային
Փոխանցատուփ՝ 4 արագությամբ մեխանիկական՝ թափի էլեկտրական ուժգնացումով, կամ 4 արագությամբ ավտոմատ:
Արգելակները՝ հիդրավլիկ՝ բոլոր անիվների վրա սկավառակային արգելակներով
Չափսերը՝ ընդհանուր երկարությունը 478,5 սմ, անվային բազան 277 սմ: