Volvo 850 ՈՒՆԻՎԵՐՍԱԼ Բենզին • Դիզել

850 GLT 4-դռնանի սեդանը ներկայացնելուց մոտ 2 տարի հետո՝ 1993 թվականի փետրվարին, թողարկվեց այդ մոդելի 5-դռնանի ունիվերսալ տարբերակը:

850 ունիվերսալ մոդելի հետևի հատվածն աչքի էր ընկնում Volvo մեքենաների համար բնորոշ դիզայնով՝ բեռնախցիկի գրեթե ուղղահայաց դռնով: Այդ լուծումը չափազանց արդյունավետ է և թույլ է տալիս առավելագույնի հասցնել ներքին ծավալը:

Volvo 850 GLT-ն շուկայում ստացավ ջերմ ընդունելություն: Նոր մոդելները շատ հազվադեպ էին ստանում նույնքան պարգևներ, որքան 850 մոդելը: Ունիվերսալ թափքով տարբերակը 1994 թվականին լավագույն դիզայնի համար արժանացավ «Գրան-պրի» հեղինակավոր ճապոնական մրցանակին:

Հետագա տարիներին 850 շարքը ունիվերսալից բացի համալրվեց նաև այլ տարբերակներով: Մոդելային շարքը ստացավ նաև շարժիչների ավելի լայն տեսականի՝ ներառյալ տուրբոմղիչով բենզինային և ուղիղ ներցայտման համակարգով տուրբո-դիզելային տարբերակները:

Երբ 1994 թվականին Volvo-ն որոշեց վերսկսել ավտոմրցարշավներին իր մասնակցությունը, դա տեղի ունեցավ թեթև մարդատար մեքենաների շրջանում Մեծ Բրիտանիայի առաջնության շրջանակներում (BTCC): Մրցարշավին մասնակցած առաջին Volvo մեքենան դարձավ տարողունակ և գերարագ գրավիչ Volvo 850 ունիվերսալը:

1994 թվականի աշնանը Volvo 850-ը դարձավ սերիական արտադրությամբ աշխարհում առաջին մեքենան, որը համալրվեց անվտանգության կողային բարձիկներով:

850/V70 մոդելային շարքի տպավորիչ համալրում հանդիսացավ AWD (լիաքարշ) և XC (Cross-Country) մոդելների առաջին սերունդը:

1997 մոդելային տարում 850 ունիվերսալը փոխարինվեց V70 մոդելով:

Տեխնիկական բնութագրեր
Մոդելը՝ 850 Estate
Տարբերակները՝ AWD (լիաքարշ), XC, R
Արտադրման՝ 1993 - 1996 Ծավալ՝ 326068
Թափքը՝ 5-դռնանի ունիվերսալ
Շարժիչը՝ 5 միաշարք գլաններով և երկու վերևի բաշխիչ լիսեռներով՝ 1 984 խս-ից մինչև 2 383 խս. կամ 5 միաշարք գլաններով, 2 461 խս մեկ վերևի
բաշխիչ լիսեռով, տուրբո-դիզելային
Փոխանցատուփ՝ 5 աստիճան՝ մեխանիկական, կամ 4 աստիճան՝ ավտոմատ, առջևի քարշակ կամ լիաքարշ:
Արգելակները՝ հիդրավլիկ՝ բոլոր անիվների վրա սկավառակային արգելակներով
Չափսերը՝ ընդհանուր երկարությունը 472 սմ, անվային բազան 267 սմ