Volvo 940 Sedan Բենզին • Դիզել

Volvo 940/960 շարքը ներկայացվել է 1990 թվականի աշնանը: Նոր 940 մոդելը փոխարինել է 740-ին, որի արտադրությունը շարունակվել է 740 GL բազային մոդելի տեսքով: 960-ին նման Volvo 940 մոդելում օգտագործվել է 4-գլանանոց բենզինային կամ 6-գլանանոց տուրբո-դիզելային շարժիչ:

Volvo 940-ում առաջին անգամ կիրառվել են անվտանգության մի շարք նոր տեխնոլոգիաներ: Այս մոդելի, ինչպես նաև նույն շարքի շքեղ 960 մոդելի ստանդարտ կոմպլեկտավորման մեջ աշխարհում առաջին անգամ օգտագործվել է եռակետ ամրագոտի և կարգավորվող գլխակալ՝ երկրորդ շարքի մեջտեղի հատվածում: Բացի այդ, կարելի էր լրացուցիչ պատվիրել երկրորդ շարքում ինտեգրվող մանկական նստատեղ:

Այս, ինչպես նաև բազմաթիվ այլ անվտանգության միջոցների օգտագործման համար մեքենան արժանացել է բազմաթիվ միջազգային մրցանակների, որոնց թվում էր նաև «Ճանապարհային անվտանգության ոլորտում Մայքլ արքայազնի մրցանակը» և անվտանգության լավագույն միջոցների համար «Autocar & Motor» ամսագրի կողմից շնորհվող մրցանակը:

Տեխնիկական բնութագրեր
Մոդելը՝ 940 Սեդան
Արտադրության տարեթվերը՝ 1990 - 1998թթ
Արտադրության ծավալը՝ 246 704 հատ
Թափքը՝ 4-դռնանի սեդան
Շարժիչը՝ միաշարք 4 գլաններով և վերևի բաշխիչ լիսեռով, 1986 սմ3, 88,9x80 մմ, միաշարք 4 գլաններով և վերևի բաշխիչ լիսեռով, 2316 սմ3՝
տուրբոմղիչով կամ առանց դրա և միաշարք 6 գլաններով և վերևի բաշխիչ լիսեռով, 2383 սմ3 Տուրբո-դիզելային
Փոխանցատուփ՝ 4 աստիճան՝ մեխանիկական, թափի ուժգնացումով, կամ 5 աստիճան՝ մեխանիկական, կամ 4 աստիճան՝ ավտոմատ
Արգելակները՝ հիդրավլիկ՝ բոլոր անիվների վրա սկավառակային արգելակներով
Չափսերը՝ ընդհանուր երկարությունը 487 սմ, անվային բազան 277 սմ: