Volvo P130 Amazon 2-d Բենզին

1961 թվականին ներկայացվեց 121/122S-ի հիման վրա ստեղծված ևս մեկ մոդել՝ երկդռնանի սեդան: Դա երկար սպասված մոդել էր, հատկապես Շվեդիայի շուկայում, քանի որ այդ ժամանակ Շվեդիայում երկդռնանի մոդելները չափազանց պահանջված էին:

Տեխնիկական առումով երկու մոդելների միջև ոչ մի տարբերություն չկար: Հետևի նստատեղերի շահագործումը հեշտացնելու նպատակով նոր մոդելի դռները, բնականաբար, ավելի էին երկարացվել, իսկ առջևի նստատեղերն ունեին առաջ թեքվելու հնարավորություն: Հետևի կողային պատուհանները հնարավոր էր բացել մեքենայի հետևի հատվածից, ինչը թույլ էր տալիս բարելավել օդափոխությունը:

Ի սկզբանե պլանավորվում էր տեղադրել 4-դռնանի մոդելների համար նախատեսված շարժիչներ: Սակայն երկդռնանի մոդելն ավելի թեթև էր, ուստի այն համարվում էր ավելի սպորտային և օգտագործվում էր ինչպես ռալլիների, այնպես էլ ավտոմրցավազքերի համար:

Amazon-ի սպորտային կերպարն ավելի ընդգծելու համար 1966 թվականին ներկայացվեց արագ և հատուկ սարքավորված 123GT տարբերակը, որն ուներ նույն շարժիչը, ինչ 1800S սպորտային մոդելը:

1968 թվականին այս մոդելի համար առաջարկվեց շարժիչի մեկ այլ տարբերակ՝ 2,0-լիտրանոց այսպես կոչված B20 շարժիչը:

P130 մոդելի արտադրությունը շարունակվեց մինչև 1970 թվականի հուլիսի 2-ը: Դա մեքենաների այս ընտանիքի վերջին տարբերակն էր: Տարիների ընթացքում ընդհանուր առմամբ արտադրվել էր P130 մոդելի 667 323 մեքենա:

Տեխնիկական բնութագրեր
Մոդելը՝ P130 Amazon, 2-d
Տարբերակները՝ P 131, P 132 (SPORT), P 123 GT
Արտադրության տարեթվերը՝ 1961 - 1970թթ
Արտադրության ծավալը՝ 359 916 հատ
Թափքը՝ երկդռնանի սեդան
Շարժիչը՝ 4 միաշարք գլաններով, վերևի փականներով, 1 778 խս (108 խորանարդդյույմ), 84,14x80 մմ, 75 ձիաուժ հզորություն 4 500 պտույտ/րոպեի դեպքում կամ 90 ձիաուժ հզորություն 5 000 պտույտ/րոպեի դեպքում, ավելացված մինչև 95 ձիաուժ 1964 թվականին և 115 ձիաուժ 1966 թվականին:
1968՝ 1 986 խս, 88,9x80 մմ, 90 ձիաուժ հզորություն 4800 պտույտ/րոպեի դեպքում, 118 ձիաուժ հզորություն 5800 պտույտ/րոպեի դեպքում:
Փոխանցատուփ՝ 3 կամ 4 արագություն՝ մեխանիկական, թափի ուժգնացումով և փոխանցումների փոխարկման հատակին ամրացվող լծակով: 3 արագություն՝ ավտոմատ՝ փոխանցումների փոխարկման բռնակը ղեկասյունակի վրա:
Արգելակները՝ հիդրավլիկ թմբկագլաններ բոլոր անիվների վրա: Առջևի անիվների սկավառակային արգելակներ S տարբերակում: 1964 թվականին բոլոր մոդելներն արտադրվում էին առջևի սկավառակային արգելակներով:
Չափսերը՝ ընդհանուր երկարությունը 445 սմ, անվային բազան 2 600 մմ: