Volvo PV51-7 Բենզին

Volvo-ի մարդատար ավտոմեքենաները, որոնք արտադրվել էին 1930-ականների երկրորդ կեսին, ներկայացված էին 51-56 մոդելներով: Բոլոր մոդելներն ունեին թափքի միևնույն դիզայնը: Տարբերվում էին միայն որոշ արտաքին տարրերն ու հանդերձանքը: Այդ ավտոմեքենաներից շատերը պատերազմի ժամանակ օգտագործվել են գեներատորային գազով, ընդորում շարժիչի հզորությունը կազմում էր լավագույն դեպքում 50 ձիաուժ:

1936-7 թվականներին ներկայացվեցին PV51 (ստանդարտ) և PV52 (դելյուքս) մոդելները: PV53-56 մոդելների արտաքին տեսքը ենթարկվել էր որոշակի փոփոխությունների՝ նրանք ստացել էին նոր ձևի ծածկ (կապոտ) և ռադիատորի V-աձև վանդակացանց: 55 և 56 մոդելներն արտադրվում էին դելյուքս, իսկ 53/54 մոդելները՝ ստանդարտ տարբերակով: 55/56 մոդելներն ունեին նաև ծալվող առջևի նստատեղեր: Սուր քթամասը ժառանգել է նաև հաջորդ՝ PV60 մոդելը:

PV51 և PV57 մոդելները վաճառվել են նաև շասսի տարբերակով, մինչդեռ թափքն արտադրվել է հաճախորդների պահանջների համաձայն: Տեխնիկական բնութագրեր
Մոդելը՝ PV51-57
Տարբերակները՝ PV 51 (ստանդարտ), PV 51 շասսի, V 51 (այս մեքենաները արտադրվել են 1936 թվականի ընթացքում): PV 51-ից շեղումները հայտնի չեն, PV 52 (շքեղ), PV 53 (ստանդարտ՝ պահուստային անիվի համար նախատեսված տեսանելի խորշով), PV 54 (ստանդարտ՝ բեռնախցիկի ուռուցիկ կափարիչով), PV 55 (շքեղ՝ պահուստային անիվի համար նախատեսված տեսանելի խորշով), PV 56 (շքեղ՝ բեռնախցիկի ուռուցիկ կափարիչով, PV 57 շասսի
Արտադրության տարեթվերը՝ 1936 - 1945
Արտադրության ծավալը՝ 6905 հատ
Թափքը՝ սեդան
Շարժիչը՝ 6 միաշարք գլաններով և կողային փականներով, 3670 խսմ, 84,14x110 մմ, 86 ձիաուժ հզորություն 3 400 պտույտ/րոպեի դեպքում։
Փոխանցումատուփ՝ 3 արագություն՝ հատակին ամրացվող լծակով:
Արգելակները՝ հիդրավլիկ, բոլոր անիվների վրա:
Չափսերը՝ անվային բազա 2880 մմ:
Լրացուցիչ տեղեկություններ՝ սա «համեմատաբար փոքր» Volvo ավտոմեքենաների առաջին սերունդն էր, որն արտադրվում էր զգալի ծավալներով: