XC40 Recharge

Լիցքավորման ամենաարագ եղանակը ճանապարհին գտնվող հաստատուն հոսանքով արագ լիցքավորման կայանն է: Հնարավորինս արագ լիցքավորում ապահովելու համար խորհուրդ ենք տալիս սահմանափակել ավտոմեքենայի լիցքավորման մակարդակը 80%-ով: Դա օգնում է նվազեցնել լիցքավորման տևողությունը, քանի որ վերջին 20%-ի լիցքավորումը տևում է ավելի երկար: Այսպես, մարտկոցի լիցքավորումը 10- 80% 200 կՎտ հաստատուն հոսանքով արագ լիցքավորիչով կարող է տևել ընդամենը 27 րոպե:

* Նպատակակետին կամ լիցքավորման հաջորդ կայան հասնելու համար, կարող եք լիցքավորել մարտկոցը մինչև 100%՝ կատարելով համապատասխան կարգավորումները ավտոմեքենայի կենտրոնական էկրանին:

* Լիցքավորման տևողությունը նախնական է և ստացվել է Volvo Cars-ի կողմից կատարված գնահատումների և եզրակացությունների արդյունքում, ուստի այդ արդյունքները երաշխավորված չեն: Խնդրում ենք նաև նկատի ունենալ, որ լիցքավորման տևողությունը կարող է տարբերվել և կախված է բազմաթիվ գործոններից, օրինակ՝ արտաքին ջերմաստիճանից, մարտկոցի ընթացիկ ջերմաստիճանից, լիցքավորման սարքից, մարտկոցի և ավտոմեքենայի վիճակից: Սպասվում է տրանսպորտային միջոցի սերտիֆիկացում:

Այն երկրներում, որտեղ Google Maps-ը ներառում է լիցքավորման կայաններ կարող եք հանրային լիցքավորման կայանները գտնել քարտեզի վրա կամ սմարթֆոնի հավելվածի միջոցով: Այստեղից կարող եք նաև ընտրել նախընտրելի լիցքավորման կայաններ և ստանալ ուղեցույց:

Եթե մարտկոցը կամ մարտկոցի մոդուլը պետք է փոխել, դա կարելի է անել այնպես, ինչպես ավտոմեքենայի ցանկացած այլ տեխնիկական մաս:

Մարտկոցը նշանակում է, որ կա 500 կգ հավելյալ քաշ, որը պետք է հաշվի առնվի բախման դեպքում:Բախումից հետո վնասակար արտահոսքից խուսափելու համար մարտկոցը ունի առանձին պաշտպանության կարիք: Օգտագործելով անվտանգության մի շարք նորարարական լուծումներ՝ Volvo Cars-ի անվտանգության ինժեներները XC40 Recharge-ը նախագծել են այս բոլոր մարտահրավերներին դիմակայելու համար:

Ամբողջովին էլեկտրական XC40 Recharge-ում ներկառուցված են Google Maps, Google Assistant և Google Play հավելվածները:

Այո, Apple CarPlay-ը ստանդարտ է ամբողջովին էլեկտրական XC40 Recharge-ում:*

* Apple CarPlay-ը հասանելի է սկսած 5-րդ սերնդի iPhone-ի համար։ Apple CarPlay-ը և iPhone-ը հանդիսանում են Apple Inc-ի ապրանքանիշերը:

Այո, ծառայությունների մինչև չորս տարվա հասանելիությունը ներառված է: Դրանից հետո, եթե ցանկանում եք շարունակել բոլոր ներառված ծառայությունների օգտագործումը, կարող եք ձեռք բերել բաժանորդագրության երկարաձգում: Խնդրում ենք նկատի ունենալ, որ թվային ծառայությունները հասանելի են XC40 մեղմ հիբրիդների և ամբողջովին էլեկտրական XC40 Recharge-ի համար:

Բաժանորդագրությունը տևում է մինչև չորս տարի: Եթե ավտոմեքենան նոր է, բաժանորդագրության ժամկետը սկսվում է ավտոմեքենայի առաքման օրվանից: Բաժանորդագրությունը կապակցված է ավտոմեքենային, ուստի ավտոմեքենայի վաճառքի դեպքում բաժանորդագրության մնացած ժամանակը փոխանցվում է հաջորդ սեփականատիրոջը / օգտատիրոջը: Խնդրում ենք նկատի ունենալ, որ թվային ծառայությունները հասանելի են XC40 մեղմ հիբրիդների և ամբողջովին էլեկտրական XC40 Recharge-ի համար:

Ոչ, Դուք ստիպված կլինեք կապակցվել Ձեր անձնական սարքի միջոցով՝ Bluetooth-ի օգնությամբ, և օգտագործել Ձեր անձնական տվյալների պլանը այդ ծառայություններից օգտվելու համար:

Խելացի մարտկոցի դիզայնը նշանակում է, որ բոլոր ուղևորներն ունեն այնքան տարածք, որքան սովորական XC40-ում: Սա նաև տալիս է անզիջում բազմակողմանիություն և պահեստավորման խելացի լուծումներ:Հետևի բեռնախցիկի տարողությունը 419 լիտր է՝ ներառյալ բեռնախցիկի տակ գտնվող հատվածը: Մարտկոցը զբաղեցնում է բեռնման հատակի տակ գտնվող տարածքը, բայց դա մեծապես փոխհատուցվում է կափարիչի տակ գտնվող առջևի բեռնախցիկով, որն առաջարկում է տեղ լիցքավորման մալուխների և այլ իրերի համար, որոնց կարիքը Դուք այդքան էլ հաճախ չունեք, բայց ցանկանում եք, որ դրանք հեշտ հասանելի լինեն Ձեզ, եթե բեռնախցիկը լի է։

Մենք կարծում ենք, որ Դուք պետք է կարողանաք վարել ամբողջովին էլեկտրական ավտոմեքենա՝ առանց զոհելու ամենօրյա բազմակողմանիությունը:Ահա թե ինչու ամբողջովին էլեկտրական XC40 Recharge Twin կարող է քարշակել մինչև 1800 կգ:

Volvo Cars-ի մարտկոցի երաշխիքը 8 տարի է կամ 160,000 կմ, որն առաջինը տեղի ունենա, պայմանով, որ ավտոմեքենան և մարտկոցը պահպանվեն և օգտագործվեն Volvo Cars-ի խորհուրդներին համապատասխան:

Էլեկտրաշարժիչները չունեն տեխնիկական սպասարկման կարիք։ Համեմատած այրման շարժիչով ավտոմեքենայի հետ, ամբողջովին էլեկտրական XC40 Recharge-ը շատ ավելի քիչ սպասարկման կարիք ունի, ինչը կարող է հանգեցնել շահագործման ավելի ցածր ծախսերի:

Ամբողջ կյանքի ցիկլի ընթացքում ամբողջովին էլեկտրական XC40 Recharge-ի ածխածնի հետքը ավելի ցածր կլինի համեմատած XC40 վերալիցքավորվող հիբրիդային մեքենաների և XC40 մեղմ հիբրիդային մեքենաների հետ: Մեքենաների տեսակների կոնկրետ տարբերությունները կախված են բազմաթիվ պարամետրերից, օրինակ՝ լիցքավորման ժամանակից էլեկտրաէներգիայի խառնուրդից, մեքենայի շահագործման տևողությունից և վարման ոճից:

Մենք հավատարիմ ենք լիարժեք թափանցիկությանը, երբ խոսքը վերաբերում է մեր էլեկտրական մեքենաների ածխածնի ազդեցությանը, և ամբողջովին էլեկտրական XC40 Recharge-ի կյանքի ցիկլի գնահատումը (LCA) կարելի է տեսնել [այստեղ] (https://www.volvocars.com/images/v/-/media/applications/pdpspecificationpage/my24/xc40-electric/pdp/volvo-cars-LCA-report-xc40.pdf)։

Volvo Cars-ը հավատարիմ է լիարժեք հետագծելիությանը, ինչն օգնում է համոզվել, որ մեր հաճախորդները կարող են վարել էլեկտրական Volvo ավտոմեքենաներ՝ իմանալով, որ մարտկոցների հումքը ստացվել է ամենայն պատասխանատվությամբ: Բլոկչեյն տեխնոլոգիայի կիրառումը թույլ է տալիս զգալիորեն բարելավել կոբալտի մատակարարման շղթայի հետագծելիությունը: Բլոկչեյնը, հանքավայրերում իրականացվող ստուգումների, GPS հետագծման, մուտքի և ելքի սկանավորման, վստահելի լոգիստիկ մատակարարների, դեմքի ճանաչման, ինքնության ստուգումների և ժամանակի հետագծման հետ մեկ տեղ ապահովում է նյութերի հետագծելիությունը հանքավայրից մինչև ավտոգործարան։

Volvo Cars-ը սերտորեն համագործակցում է մեր մատակարարների հետ՝ բարձրացնելու մեր արտադրանքի և ծառայությունների կայունությունը: Մենք ձգտում ենք ապահովել հանքանյութերի և մետաղների մատակարարների պատասխանատու ընտրությունը և ամբողջությամբ համապատասխանում ենք կոնֆլիկտային և բարձր ռիսկայնությամբ տարածքներից հանքանյութերի մատակարարման շղթաների պատասխանատու ընտրության վերաբերյալ Տնտեսական համագործակցության և զարգացման կազմակերպության (OECD) ուղեցույցին:

Այս առումով մենք պահանջում ենք, որ մեր մարտկոցների մատակարարները աջակցեն մեր հանձնառությանը` մեր կոբալտի մատակարարման շղթայի լիակատար թափանցիկությունն ապահովելու և լիարժեք հետագծելիության ուղղությամբ աշխատելու հարցում:

Մատակարարներին գնահատելիս և ընտրելիս մեզ համար ամենակարևոր գործոնն է հանդիսանում կայունության ցուցանիշը: Մենք վերահսկում ենք գործող մատակարարների գործունեությունը և ապահովում երրորդ կողմի՝ աուդիտների անցկացումը: Մենք մեր մարտկոցների մատակարարներից պահանջում ենք արտադրության ընթացքում նվազեցնել կարբոնային արտանետումները՝ ներառյալ վերականգնվող էներգիայի օգտագործումը: Մեր բոլոր մատակարարները պետք է ընդունեն Volvo Cars-ի վարվելակերպի կանոնագիրքը բիզնես գործընկերների համար, որը ներառում է մարդու իրավունքների և աշխատանքային օրենսգրքի պահպանումը: