XC60

Հավելյալ տեղեկատվություն գործառույթների մասին

Բացահայտեք՝ ինչպես են կապակցվածությունը, հարմարավետությունը և անվտանգության գործառույթները կերտում XC60 քաղաքային ամենագնացի առանձնահատուկ բնութագիրը:

Ներկառուցված Google

Navigation

XC60-ում ինտեգրված Google Maps-ի շնորհիվ՝ ճանապարհային երթևեկության մասին տվյալների փոխանցումը և երթուղու ավտոմատ փոփոխման գործառույթը օգնում են Ձեզ հասնել նպատակակետին առանց ավելորդ ջանքերի:

Google Assistant

Ձեր XC60-ում ձեռնազատ օգնություն ստանալու համար Google-ին տվեք ձայնային հրամաններ: Հեշտությամբ ստացեք ուղղություններ, զվարճացեք և կապի մեջ մնացեք ընկերների, ընտանիքի և գործընկերների հետ՝ պարզապես ասելով «Hey Google»։

Google Play

Եղեք կապակցված Ձեր թվային աշխարհին: Ձեր XC60-ի Google Play-ը թույլ է տալիս օգտվել այն հավելվածներից և ծառայություններից, որոնք կարող են յուրաքանչյուր ճանապարհորդություն դարձնել ավելի հաճելի և հարմարավետ:

Navigation

Google ծառայություններն ակտիվացվում են Թվային ծառայությունների փաթեթի միջոցով, որը ներառված է չորս տարվա բաժանորդագրությամբ: Եթե որոշեք շարունակել բաժանորդագրությունը, այդ ժամկետի ավարտից հետո կկիրառվեն նոր պայմաններ և վճարներ:

Բոլոր տվյալները ներառված ենՆերառելով բոլոր տվյալները՝ մեր Թվային ծառայությունների փաթեթն ապահովում է հարմարավետ ներդաշնակություն Ձեզ, Ձեր XC60-ի և Ձեր թվային աշխատանքի համար։
Ներկառուցված GoogleՕգտակար, անհատականացված և սահուն մեքենավարման համար Google Play-ից անմիջապես Ձեր ավտոմեքենայում կարող եք ներբեռնել Ձեր նախընտրելի հավելվածները, օրինակ՝ Google Assistant-ը, Google Maps-ը և այլն:
Volvo Cars App հավելվածՍտացեք ավելին Ձեր Volvo-ից: Մեր Թվային ծառայությունների փաթեթը ներառում է հեռակառավարվող ծառայություններ Volvo Cars app հավելվածի միջոցով:

Թվային ծառայությունների փաթեթ

XC60-ը մատակարարվում է Թվային ծառայությունների փաթեթի չորս տարվա բաժանորդագրությամբ: Եթե որոշեք շարունակել բաժանորդագրությունը, այդ ժամկետի ավարտից հետո կկիրառվեն նոր պայմաններ և վճարներ:

Հարմարավետություն և տեխնոլոգիաներ

Volvo XC60-ի օդի արդյունավետ զտիչի շնորհիվ Դուք և Ձեր ուղևորները կարող եք վայելել օդի բարելավված և ավելի առողջարար որակը:

Սրահում ավելի մաքուր օդ

Օդի որակի բարելավման նախադեպը չունեցող համակարգի՝ օդի արդյունավետ զտիչը կանխում է PM 2.5 վտանգավոր մասնիկների մինչև 95% ներթափանցումը սրահ: Դրա շնորհիվ Դուք և Ձեր ուղևորները կարող եք վայելել օդի բարելավված և ավելի առողջարար որակը՝ անկախ շրջակա միջավայրի արտաքին պայմաններից: Դուք կարող եք նույնիսկ հետևել ավտոմեքենայից դուրս առկա փոշու մասնիկների և ծաղկափոշու մակարդակին:

Օգնության ձեռք

Վարորդին աջակցող մեր կատարելագործված տեխնոլոգիան առավել հանգիստ մեքենավարման հնարավորություն է տալիս։ Այն կարող է օգնել Ձեզ պահել անվտանգ հեռավորություն առջևից ընթացող ավտոմեքենաներից՝ հարմարեցնելով ավտոմեքենայի արագությունը և այն պահելով երթևեկության գոտու կենտրոնական հատվածում՝ նրբորեն կառավարելով ղեկանիվը: Այն նաև օգտակար է տրանսպորտային միջոցների ընդհատումներով հոսքի դեպքում և կարող է նույնիսկ զգուշացնել, եթե կանգառից հետո երթևեկությունն առաջ է ընթանում առանց Ձեզ:

Volvo XC60-ի պնևմատիկ կախոցի և ցնցամեղմիչների մանրամասն տեխնիկական պատկերը:

Դինամիկ և կատարելագործված վարում

Ավտոմեքենայի պնևմատիկ կախոցով ակտիվ շասսին մշտապես կարգավորում է վարման բարձրությունը և հարմարեցնում կափույրները՝ կայունությունը բարձրացնելու և բարձր արագության դեպքում առավելագույն էներգախնայողությամբ դինամիկ ու կատարելագործված վարում ապահովելու համար: Իսկ երթևեկության պայմաններից ելնելով՝ կարող եք ակտիվացնել արտաճանապարհային ռեժիմը՝ ավելի բարձր ճանապարհային գետնահեռության համար։

Volvo ավտոմեքենայի դիմապակու վրա գտնվող էկրան, որի վրա ցուցադրված է մեքենայի արագությունը և նավիգացիոն տարրերը:

Եղեք ճանապարհին կենտրոնացված

Դիմապակու պրոյեկտորը թույլ է տալիս Ձեզ հետևել արագությանը, նավիգացիային և կատարել այլ գործողություններ՝ և այդ բոլորը առանց ուշադրությունը ճանապարհից շեղելու: Այդ պրոյեկտորի պայծառությունն ավտոմատ կերպով հարմարվում է լույսի պայմաններին, և Դուք կարող եք կարգավորել համակարգը Ձեր անձնական նախասիրություններին համապատասխան:

Սրահում ավելի մաքուր օդ

Ձայնի զարմանահրաշ վերարտադրումՆախատեսված է նրանց համար, ովքեր փնտրում են գերազանց ձայնային բնութագրեր։ Այս 1400Վտ բարձրակարգ ընտրովի աուդիո համակարգը վերարտադրում է երաժշտությունը բացառիկ հստակությամբ և իրական ձայնով՝ թույլ տալով ունկնդրել երգը օրիգինալ կատարման հնչողությամբ։
Կյանքի կոչեք ձեր երաժշտությունըՃշգրիտ կարգավորված 15 բարձրորակ բարձրախոսները և Volvo-ի սրահի կառուցվածքին հարմարեցված նորարարական սաբվուֆերն ապահովում են տպավորիչ ձայն՝ անկախ նրանից, թե որտեղ եք նստած: Լիակատար երաժշտական վայելք, որն իրապես կարող եք զգալ։
Ընտրեք Ձեր տարածքը"Room Transformation" յուրահատուկ տեխնոլոգիան վերստեղծում է կոնկրետ տարածքի ակուստիկան: Ընտրեք չորս տարբեր ռեժիմներից, այդ թվում՝ "Studio", "Individual Stage", "Concert Hall" և "Jazz Club":

Bowers & Wilkins աուդիո համակարգ

Bowers & Wilkins բարձրախոսներ Volvo XC60 քաղաքային ամենագնացի սրահում:

Աջակցվող անվտանգություն

Ապահով հետընթաց

Ուղղահայաց ուղղությամբ ընթացող ավտոմեքենաների մասին զգուշացման համակարգը ավտոմատ արգելակման գործառույթով աջակցում է վարորդին սահմանափակ տեսադաշտով հետընթաց կատարելիս: Համակարգը կարող է հայտնաբերել ավտոմեքենայի հետևից ուղղահայաց ուղղությամբ ընթացող ավտոմեքենաները և, անհրաժեշտության դեպքում, ակտիվացնել ավտոմատ արգելակման գործառույթը:*

Օգնություն հանդիպակաց երթևեկությունը հատելու համար:

Անվտանգության աջակցման տեխնոլոգիան կարող է օգնել տրանսպորտային միջոցների հանդիպակաց հոսքը հատելիս՝ բախման վտանգ հայտնաբերելու դեպքում ավտոմեքենան ավտոմատ արգելակելու միջոցով:

Խուսափեք բախումներից

Անվտանգության աջակցման խելացի տեխնոլոգիան օգնում է Ձեզ նկատել այլ ավտոմեքենաներին, հետիոտներին, հեծանվորդներին և խոշոր կենդանիներին և խուսափել դրանց հետ բախումից գիշեր թե ցերեկ: Համակարգը նախ զգուշացնում է վարորդին, ապա արգելակում է ավտոմեքենան, եթե վարորդը չի արձագանքում տվյալ իրավիճակին:**

Նվազեցրեք սթրեսը աշխույժ երթևեկության պայմաններում

Կույր գոտիների վերահսկողության համակարգը (blind spot information system, BLIS) ակտիվ աջակցություն է ցուցաբերում երթևեկության գոտիները փոխելիս։ Հարակից երթևեկության գոտիներով երթևեկող ավտոմեքենաների հետ բախման վտանգի առկայության դեպքում BLIS-ը կարող է թեթևակի շտկել ղեկանիվի կառավարումը՝ ապահովելով Ձեր, Ձեր ավտոմեքենայի և մտերիմների անվտանգությունը։

Հայտնաբերում և ուղղում է կենտրոնական գծից շեղումը

Կենտրոնական գծից շեղվելու դեպքում առաջանում է հանդիպակաց ուղղությամբ ընթացող տրանսպորտային միջոցին բախվելու վտանգ: Ձեր ավտոմեքենան կարող է հայտնաբերել նման իրավիճակները և շտկել անվաղեկի կառավարումը՝ օգնելով վերադառնալ ճանապարհի ավելի անվտանգ հատված:***

360° կայանման տեսադաշտ

360° տեսադաշտ ապահովող չորս տեսախցիկների համակարգը կօգնի ավտոմեքենան հեշտությամբ կայանել նույնիսկ շատ սահմանափակ վայրերում։

Ապահով հետընթաց

* Վարորդին աջակցող գործառույթները չեն կարող փոխարինել վարորդի ուշադրությանը և ճիշտ որոշումներ կայացնելու ունակությանը: Ուղղահայաց ուղղությամբ ընթացող ավոմեքենաների մասին զգուշացման համակարգի գործառույթները որոշ իրավիճակներում կարող են սահմանափակ լինել: Արգելակման համակարգի ազդեցությունն ակտիվ է միայն ցածր արագության սահմաններում:
** Ավտոմեքենայի հետ նույն ուղղությամբ ընթացող տրանսպորտային միջոցները, հետիոտները և հեծանվորդները կարող են հայտնաբերվել որոշակի արագության սահմաններում և որոշակի պայմաններում: Հայտնաբերման համակարգերի աշխատանքը կախված է օբյեկտի լուսավորությունից, օրինակ՝ օրվա մութ ժամանակ ավտոմեքենայի առջևի և հետևի լուսարձակները պետք է միացված լինեն: Բոլոր դեպքում, անվտանգ երթևեկության համար պատասխանատու է վարորդը:
*** Վարորդին աջակցման գործառույթները չեն կարող փոխարինել վարորդի ուշադրությանը և ճիշտ որոշումներ կայացնելու ունակությանը: Ղեկանիվի կառավարմանը աջակցող համակարգը ակտիվ է 60-140 կմ/ժ արագության սաահմաններում: