Գաղտնիության մասին ծանուցում - Volvo Cars հավելված
Ուժի մեջ է սկսած՝
Հրապարակված է՝
Բարի գալո՛ւստ։
Մենք լուրջ ենք վերաբերվում ձեր գաղտնիությանը և ցանկանում ենք լինել թափանցիկ ու տրամադրել ձեզ տեղեկատվություն այն մասին, թե ինչպես ենք մենք օգտագործում ձեր անձնական տվյալները: Մենք կօգտագործենք ձեր անձնական տվյալները միայն հստակ նկարագրված նպատակների համար և ձեր տվյալների պաշտպանության իրավունքներին համապատասխան:
Անձնական, կայուն և անվտանգ եղանակով շարժվելու ազատություն ձեզ տրամադրելու համար մենք շարունակաբար մշակում ենք նոր պրոդուկտներ և ծառայություններ: Երբ դրանք հասանելի դառնան, դրանց վրա նույնպես կտարածվեն այս ծանուցման դրույթները, եթե մենք ձեզ այլ բանի մասին հստակորեն չտեղեկացնենք։
Այս ծանուցումը նկարագրում է, թե ինչպես է Volvo Cars-ը (ինչպես սահմանված է ստորև) մշակում Ձեր անձնական տվյալները, երբ Դուք օգտագործում եք Volvo Cars-ի կողմից տրամադրված բջջային հավելվածը (այսուհետ միասին՝ «Volvo Cars հավելված»):
Եթե Դուք Volvo Cars հավելվածից վերաուղղորդվեք դեպի մեկ այլ բջջային հավելված կամ կայք, խնդրում ենք նկատի ունենալ, որ նման բջջային հավելվածի կամ կայքի մատակարարն է պատասխանատու այդ բջջային հավելվածում կամ կայքում անձնական տվյալների մշակման համար:
Volvo Cars հավելվածն ունի մի քանի գործառույթ, որոնք ենթադրում են անձնական տվյալների մշակման տարբեր եղանակներ, ինչպես բացատրված է ստորև։ Հասանելի գործառույթները կախված կլինեն Ձեր շուկայից և բաժանորդագրության տեսակից: Հետևաբար հնարավոր է, որ ստորև նկարագրված որոշ գործառույթներ Ձեզ համար կիրառելի չլինեն:
Գաղտնիության մասին այս ծանուցման մեջ կարող եք տեղեկություններ գտնել հետևյալի վերաբերյալ.
1. Մեր մասին
Ստորև նշված անձնական տվյալների մշակման համար պատասխանատու է Volvo Car Corporation ընկերությունը, որի գրանցված իրավաբանական հասցեն է Assar Gabrielssons Väg, SE-405 31 Gothenburg, Sweden, իսկ ընկերության գրանցման համարը՝ 556074-3089 (այսուհետ՝ «Volvo Cars», «մենք», «մեր»): Եթե մեր հետ մեկտեղ անձնական տվյալները մշակում են նաև այլ ընկերություններ՝ այսպես կոչված համատեղ վերահսկիչներ, այդ մասին հստակ կնշվի։
2. Ինչ անձնական տվյալներ են մշակվում, ինչու և որքան ժամանակ են պահպանվում
Այս Բաժին 2-ում մենք նկարագրում ենք մեր անձնական տվյալների մշակման պատճառները, ինչ անձնական տվյալներ ենք մենք մշակում, նման մշակման իրավական հիմքերը և այդ տվյալների պահպանման տևողությունը:
2.1 Երբ Դուք օգտագործում եք Volvo Cars հավելվածը
Համաձայնության վրա հիմնված մշակման դեպքում, ինչպես նշված է ստորև, Դուք կարող եք ցանկացած պահի հետ կանչել Ձեր համաձայնությունը՝ փոխելով Ձեր նախապատվությունները Volvo Cars հավելվածի պրոֆիլում՝ «Գաղտնիության կարգավորումներ» բաժնում:
| Ինչու ենք մենք օգտագործում Ձեր անձնական տվյալները («նպատակ») | Անձնական տվյալները, որոնք մենք օգտագործում ենք | Իրավական հիմքը | Պահպանման տևողությունը (որքան ժամանակ ենք մենք պահպանում տվյալները) |
|---|---|---|---|
| Volvo Cars հավելվածի աշխատանքի վերահսկողություն և, անհրաժեշտության դեպքում, անսարքությունների վերացում: |
| Մեր օրինական շահը Ձեզ անվտանգ և գործող Volvo Cars հավելված տրամադրելն է: | Մենք կպահպանենք Ձեր անձնական տվյալները հավաքագրման պահից 30 օրվա ընթացքում: |
| Գնահատելու, թե ինչպես են օգտագործվում Volvo Cars հավելվածը և հարակից ծառայությունները՝ օգտատերերի վարքագծի մասին ավելի լավ պատկերացում ստանալու համար, բարելավելու Volvo Cars հավելվածի և դրանում մատուցվող ծառայությունների օգտագործման հարմարավետությունը և հուսալիությունը, նվազեցնելու Volvo Cars հավելվածի անսարքությունները, ինչպես նաև ստանալու պատկերացում, թե ինչպես են մեր ծառայություններն օգտագործվում՝ դրանց շարունակական բարելավման համար: |
| Ձեր համաձայնությունը։ | Մենք կպահպանենք Ձեր անձնական տվյալները հավաքագրման պահից 14 ամսվա ընթացքում: Որոշ դեպքերում հավելվածի օրինակների նույնացուցիչները կպահվեն Ձեր սարքում Volvo Cars հավելվածի շահագործման ողջ ընթացքում: |
| Ծառայությունները (օրինակ՝ թվային ամրագրումը) բարելավելու և, անհրաժեշտության դեպքում, անսարքությունները շտկելու համար |
| Volvo Cars-ի օրինական շահը կայանում է խնդիրների և սխալների վերացումն ապահովելու և Volvo Cars-ի կողմից մատուցվող ծառայությունները վերլուծելու և բարելավելու մեջ: | Մենք կպահպանենք Ձեր անձնական տվյալները դիմազերծված տեսքով՝ հավաքագրման պահից հինգ (5) տարվա ընթացքում: |
2.2 Ձեր բաժանորդագրությունները և տրանսպորտային միջոցների հեռահար ծառայությունները
Եթե Դուք ունեք Volvo Cars մեքենայի հեռակա ծառայությունների կամ Volvo-ի այլ կապակցված ծառայությունների բաժանորդագրություն, ապա կստանաք այդ ծառայությունը Volvo Cars հավելվածում շարունակելու հնարավորություն:
| Ծառայություն | Ինչու ենք մենք օգտագործում Ձեր անձնական տվյալները («նպատակ») | Անձնական տվյալները, որոնք մենք օգտագործում ենք | Իրավական հիմքը | Պահպանման տևողությունը (որքան ժամանակ ենք մենք պահպանում տվյալները) |
|---|---|---|---|---|
| Բաժանորդագրություններ, ինչպիսիք են ավտոմեքենաների հեռահար ծառայությունները կամ Volvo Cars-ի այլ կապակցված ծառայությունները |
|
| Այս մշակումն անհրաժեշտ է մեզ հետ Ձեր պայմանագրի կատարման համար: | Մենք կպահպանենք Ձեր անձնական տվյալները Ձեր վերջին բաժանորդագրության ժամկետը լրանալուց հետո 90 օր, որպեսզի հնարավորություն տանք շարունակելու ծառայության տրամադրումը, եթե Դուք ցանկանաք նորից բաժանորդագրվել, կամ որպեսզի Դուք կարողանաք ստանալ հաշիվ-ապրանքագրերի կամ անդորրագրերի հասանելիություն: Բացի այդ, մենք արխիվացնելու ենք Ձեր գնման հետ կապված տվյալները տասը (10) տարով՝ հաշվի առնելով հաշվապահական հաշվառման և ֆինանսական հաշվետվությունների մասին օրենսդրությանը համապատասխանելու մեր իրավական պարտավորությունը: |
| Մեքենայի հեռակա ծառայություններ | Volvo Cars-ի մեքենաների հեռահար ծառայությունները, օրինակ՝ Ձեր մեքենան հեռակա կարգով կառավարելու հնարավորությունը տրամադրելու համար (օրինակ՝ կլիմայական պայմանների նախնական կարգավորում, դռների բացում/կողպում, շարժիչի հեռակա գործարկում/անջատում, ընթացիկ արտաքին ջերմաստիճան, հակաառևանգման ահազանգման համակարգի ծանուցումների ստացում), Ձեր մեքենայի կարգավիճակը դիտելու հնարավորություն (օրինակ՝ վառելիքի մակարդակ, դիմապակու մաքրման հեղուկի մակարդակ, արգելակի հեղուկի մակարդակ, դռների կողպման կարգավիճակ, անվադողերի ճնշման կամ տեխսպասարկման իրականացման անհրաժեշտության մասին նախազգուշացումներ, մարտկոցի կարգավիճակ կամ մեքենայի կարգավիճակի այլ ցուցիչներ): |
| Այս մշակումն անհրաժեշտ է մեզ հետ Ձեր պայմանագրի կատարման համար: | Ծառայության հետ կապակցված տեղեկությունները, ներառյալ Ձեր անձնական տեղեկությունները, կջնջվեն Volvo Cars-ի ավտոմեքենայի հեռակա ծառայությունների բաժանորդագրության ավարտից 90 օր հետո։ Նշենք, որ Volvo Cars-ի բաժանորդագրությունը հետևում է մեքենային: Հետևաբար, եթե տեղի ունենա սեփականատիրոջ փոփոխություն, ապա Դուք՝ որպես վաճառող, պարտավոր եք անջատել Ձեր մեքենան Volvo Cars հավելվածից և ջնջել Ձեր տվյալները: Դա վերաբերում է նաև գրանցված Հիմնական վարորդին՝ մեքենայի վարձակալության դեպքում: Անցեք այս հղումով՝ հրահանգներ ստանալու համար: |
| Ձեր մեքենայի գտնվելու վայրը հեռախոսից դիտելու հեշտ միջոց տրամադրելու համար՝ հիմնվելով Ձեր կոնտակտների ցանկի, օրացուցային իրադարձությունների կամ որոնման արդյունքների վրա |
| Ձեր համաձայնությունը/հաստատումը Ձեր սարքի կարգավորումների միջոցով: | Մենք կպահպանենք Ձեր անձնական տվյալները Ձեր վերջին բաժանորդագրության ժամկետը լրանալուց հետո 90 օր, որպեսզի հնարավորություն տանք շարունակելու ծառայության տրամադրումը, եթե Դուք ցանկանաք նորից բաժանորդագրվել, կամ որպեսզի Դուք կարողանաք ստանալ հաշիվ-ապրանքագրերի կամ անդորրագրերի հասանելիություն: Բացի այդ, մենք արխիվացնելու ենք Ձեր գնման հետ կապված տվյալները տասը (10) տարով՝ հաշվի առնելով հաշվապահական հաշվառման և ֆինանսական հաշվետվությունների մասին օրենսդրությանը համապատասխանելու մեր իրավական պարտավորությունը: | |
| Հիշեցումներ Ձեր մեքենայի տեխսպասարկման և վերանորոգման անհրաժեշտության մասին | Volvo Cars հավելվածում push-ծանուցումներ ուղարկելու համար՝ կապված Ձեր մեքենայի առաջիկա տեխսպասարկման և ծառայողական հիշեցումների հետ |
Հիբրիդային և ամբողջությամբ էլեկտրական մեքենաների համար մենք պահպանում ենք.
| Այս մշակումը անհրաժեշտ է մեզ հետ Ձեր պայմանագրի կատարման համար, բացառությամբ այն իրավիճակների, երբ Ձեզ հատուկ հարցնում են՝ համաձայն եք արդյոք մշակմանը, որի դեպքում մշակումը հիմնված է լինում Ձեր համաձայնության վրա: | Մենք կպահպանենք Ձեր անձնական տվյալները Ձեր վերջին բաժանորդագրության ժամկետը լրանալուց հետո 90 օր, որպեսզի հնարավորություն տանք շարունակելու ծառայության տրամադրումը, եթե Դուք ցանկանաք նորից բաժանորդագրվել, կամ որպեսզի Դուք կարողանաք ստանալ հաշիվ-ապրանքագրերի կամ անդորրագրերի հասանելիություն: Բացի այդ, մենք արխիվացնելու ենք Ձեր գնման հետ կապված տվյալները տասը (10) տարով՝ հաշվի առնելով հաշվապահական հաշվառման և ֆինանսական հաշվետվությունների մասին օրենսդրությանը համապատասխանելու մեր իրավական պարտավորությունը: |
2.3 Ուղևորության տվյալների գրանցամատյան
Ուղևորության տվյալների գրանցամատյանն ավտոմատ գրանցում է Ձեր բոլոր ուղևորությունները։ Դա կարող է օգտակար լինել, օրինակ, եթե Դուք ցանկանում եք կառավարել Ձեր ուղևորությունների ծախսերը։ Որպեսզի Ուղևորության տվյալների գրանցամատյանն աշխատի, Դուք պետք է ակտիվացնեք այն, հակառակ դեպքում տվյալները չեն հավաքագրվի։ Դուք ցանկացած պահի կարող եք անջատել Ուղևորության տվյալների գրանցամատյանը Volvo Cars հավելվածում, որից հետո այս նպատակով տվյալների հավաքագրումը կդադարեցվի։
| Ինչու ենք մենք օգտագործում Ձեր անձնական տվյալները («նպատակ») | Անձնական տվյալները, որոնք մենք օգտագործում ենք | Իրավական հիմքը | Պահպանման տևողությունը (որքան ժամանակ ենք մենք պահպանում տվյալները) |
|---|---|---|---|
| Ձեզ տրամադրելու Ուղևորության տվյալների գրանցամատյանի ծառայությունը, որն ավտոմատ կերպով գրանցում է Ձեր բոլոր ուղևորությունները։ |
| Ձեր համաձայնությունը։ | Որպես կանոն, Ուղևորության տվյալների գրանցամատյանում տվյալները պահվում են մինչև 400 օր՝ կախված Ձեր մեքենայի մոդելից, որից հետո դրանք կարող են ջնջվել կամ դիմազերծվել։ |
2.4 Լիցքավորում
Volvo Cars-ը տրամադրում է տարբեր լիցքավորման սարքեր և ծառայություններ՝ ինտեգրված Volvo Cars հավելվածի հետ՝ Ձեր էլեկտրական մեքենայի լիցքավորելը հեշտացնելու համար: Այս բաժինը նկարագրում է, թե ինչպես է Volvo Cars-ը մշակում Ձեր անձնական տվյալները, երբ Դուք օգտագործում եք այս պրոդուկտներն ու ծառայությունները:
2.4.1 Լիցքավորում հանրային կայաններում
| Ծառայություն | Ինչու ենք մենք օգտագործում Ձեր անձնական տվյալները («նպատակ») | Անձնական տվյալները, որոնք մենք օգտագործում ենք | Իրավական հիմքը | Պահպանման տևողությունը (որքան ժամանակ ենք մենք պահպանում տվյալները) |
|---|---|---|---|---|
| Թվային լուծումներ լիցքավորման համար | Տրամադրելու հանրային լիցքավորման ծառայություններ Digital Charging Solutions (DCS) GmbH ընկերության հետ համատեղ, որը գրանցված է Գերմանիայում, Rosenstraße 18-19, 10178 Berlin, Germany հասցեում՝ 211155 B ընկերության գրանցման համարով, որն ինքնուրույն պատասխանատվություն է կրում իր անձնական տվյալների մշակման համար: |
Սեսիայի մասին տեղեկություններ և հանրային լիցքավորման ծառայության համար հաշիվ-ապրանքագրեր ներկայացնելու նպատակով մենք մշակում ենք DCS-ից ստացված լրացուցիչ տեղեկատվություն.
| Այս մշակումն անհրաժեշտ է մեզ հետ Ձեր պայմանագրի կատարման համար: | Մենք կպահպանենք հանրային լիցքավորման հետ կապված տվյալներն այնքան ժամանակ, քանի դեռ Դուք հանդիսանում եք Volvo Cars հավելվածի օգտատեր։ Եթե հեռացնեք Ձեր հաշիվը, Ձեր անձնական տվյալները կդիմազերծվեն կամ կջնջվեն մեկ (1) տարվա ընթացքում։ |
Միացում հոսանքի աղբյուրին և լիցքավորում «Միացում հոսանքի աղբյուրին և լիցքավորում» գործառույթը թույլ է տալիս Ձեզ լիցքավորել մեքենան հանրային լիցքավորման կայաններում՝ առանց որևէ հավելված, RFID կամ քարտ օգտագործելու անհրաժեշտության։ Համատեղելի լիցքավորման կայանները կարող են նույնականացնել Ձեր մեքենան և հաստատել Ձեր լիցքավորման պայմանագիրը՝ առանց որևէ ձեռքով մուտքագրման, ինչը նշանակում է, որ Դուք կարող եք սկսել լիցքավորումը՝ պարզապես միացնելով մալուխը: | Ձեզ «Միացում հոսանքի աղբյուրին և լիցքավորում» ծառայություններ մատուցելու համար։ |
| Այս մշակումն անհրաժեշտ է մեզ հետ Ձեր պայմանագրի կատարման համար: | Մենք կպահպանենք «Միացում հոսանքի աղբյուրին և լիցքավորում» ծառայության հետ կապված տվյալներն այնքան ժամանակ, մինչև պայմանագրի վկայականը հեռացվի մեքենայից: |
2.4.2 Լիցքավորում տանը
| Ծառայություն | Ինչու ենք մենք օգտագործում Ձեր անձնական տվյալները («նպատակ») | Անձնական տվյալները, որոնք մենք օգտագործում ենք | Իրավական հիմքը | Պահպանման տևողությունը (որքան ժամանակ ենք մենք պահպանում տվյալները) |
|---|---|---|---|---|
| Խելացի լիցքավորում | Որպեսզի Դուք կարողանաք տանը Ձեր էլեկտրական մեքենայի լիցքավորման խելացի ժամանակացույց կազմել: |
| Այս մշակումն անհրաժեշտ է մեզ հետ Ձեր պայմանագրի կատարման համար: | Մենք կպահպանենք մեքենայի մանրամասները, մարտկոցի մանրամասները և գտնվելու վայրի տվյալները այնքան, մինչև լիցքավորման մալուխը անջատվի մեքենայից: Մենք կպահենք ձեր կոնտակտային տվյալները հինգ (5) տարի: |
| Volvo-ի կողմից տրամադրված կամ ընտրված լիցքավորման կայան («Wallbox») | Որպեսզի Դուք կարողանաք վերահսկել Ձեր էլեկտրական մեքենայի լիցքավորումը Volvo Cars հավելվածի և Wallbox-ի միջոցով: |
| Այս մշակումն անհրաժեշտ է մեզ հետ Ձեր պայմանագրի կատարման համար: | Մենք կպահպանենք անձնական տվյալները Wallbox-ի օգտագործման ողջ ընթացքում: Wallbox-ի զուգակցումը չեղարկելու դեպքում Ձեր անձնական տվյալները չդիմազերծվեն կամ կջնջվեն զուգակցումն անջատելուց 30 օր հետո: |
2.5 Հետազոտություն և մշակում
| Ինչու ենք մենք օգտագործում Ձեր անձնական տվյալները («նպատակ») | Անձնական տվյալները, որոնք մենք օգտագործում ենք | Իրավական հիմքը | Պահպանման տևողությունը (որքան ժամանակ ենք մենք պահպանում տվյալները) |
|---|---|---|---|
| Ստանալու վիճակագրական տեղեկատվություն և հասկանալու, թե ինչպես են օգտագործվում մեր պրոդուկտներն ու ծառայությունները: |
| Մեր օրինական շահը կայանում է մեր պրոդուկտներն ու ծառայությունները զարգացնելու և բարելավելու մեջ՝ հիմնվելով դրանց օգտագործման եղանակների վրա: | Մենք անձնական տվյալները կպահենք 10 տարի։ |
3. Ձեր անձնական տվյալների համօգտագործում
Մենք համօգտագործում ենք տվյալները տարբեր կազմակերպությունների հետ՝ մեզ բիզնեսը վարելու, Ձեր հետ մեր հարաբերությունները պահպանելու և Ձեզ մեր արտադրանքն ու ծառայությունները մատուցելու նպատակով։ Մենք նկարագրում ենք նման իրավիճակները ստորև և այդ կազմակերպություններին անվանում ենք «մատակարարներ», «մշակողներ» կամ «ենթամշակողներ»:
Այս կազմակերպություններին տվյալների տրամադրման յուրաքանչյուր դեպքում մենք կնքել ենք տվյալների պաշտպանության անհրաժեշտ պայմանագրեր, որպեսզի համոզվենք, որ Ձեր անձնական տվյալներն օգտագործվում են օրինական եղանակով և այս գաղտնիության մասին ծանուցման մեջ նշված նպատակներին համապատասխան: Բացի այդ, յուրաքանչյուր դեպքում մենք համօգտագործում ենք միայն այն անձնական տվյալները, որոնք, մեր կարծիքով, անհրաժեշտ են համապատասխան նպատակներին հասնելու համար։ Որպես կանոն, այս մատակարարները հանդես են գալիս որպես մշակողներ մեր անունից, եթե այլ բան նշված չէ ստորև:
Որոշ իրավիճակներում անձնական տվյալների փոխանակումը ենթադրում է անձնական տվյալների սահմանափակ փոխանցում Եվրոպական Միության/Եվրոպական Տնտեսական Գոտու տարածքից դուրս: Մենք ձեռնարկել ենք նախազգուշության անհրաժեշտ միջոցներ՝ ապահովելու, որ նման փոխանցումները կատարվեն միայն խիստ անհրաժեշտության դեպքում և պարունակեն այնպիսի տվյալներ, որոնք չեն կարող օգտագործվել Ձեզ ուղղակիորեն նույնականացնելու համար՝ նվազագույնի հասցնելով հնարավոր ռիսկերը դրանց չլիազորված բացահայտման դեպքում:
| Ով («Ստացող») | Ինչու («Նպատակ») |
|---|---|
| ՏՏ մատակարարներ | Անձնական տվյալները փոխանցվում են ՏՏ մատակարարներին, որոնք տրամադրում են բիզնեսի աջակցության ընդհանուր համակարգեր, ինչպիսիք են տվյալների պահպանման ծառայությունների մատակարարները և ամպային ծառայություններ մատակարարները: |
| Հաղորդակցության ծառայությունների և գովազդի մատակարարներ, ներառյալ չատի գործառույթները և հաճախորդների սպասարկման ծառայությունների մատակարարները | Անձնական տվյալները փոխանցվում են մատակարարներին, որոնք մեզ օգնում են ձեզ հետ շփվել Volvo Cars հավելվածի միջոցով և հաղորդակցման այլ միջոցներով, ինչպիսիք են էլ. փոստը և հեռախոսակապը: |
| Վերլուծական և վիճակագրական տվյալների մատակարարներ | Անձնական տվյալները տրամադրվում են ծառայությունների մատակարարներին, որոնք մեզ տալիս են պատկերացումներ այն մասին, թե ինչպես է օգտագործվում Volvo Cars հավելվածը, ինչը օգնում է մեզ բարելավել Volvo Cars հավելվածը և մեր առաջարկը: |
| Վճարային ծառայությունների, հաշիվների ներկայացման, հաշիվ-ապրանքագրերի և բաժանորդագրության կառավարման ծառայությունների մատակարարներ | Ձեր վճարումները մշակելու համար մենք օգտագործում ենք երրորդ կողմի վճարային ծառայությունների մատակարարներ, օրինակ՝ Stripe Inc. (https://stripe.com/en-se/privacy)։ Վճարային ծառայությունների նման մատակարարները պատասխանատու են Ձեր անձնական տվյալների առանձին մշակման համար: |
| Քարտեզագրման ծառայություններ (Google Maps) | Volvo Cars հավելվածն օգտագործում է Google Maps-ը (https://policies.google.com/privacy)՝ ցույց տալու Ձեր և Ձեր մեքենայի գտնվելու վայրը: |
| Հանրային լիցքավորում (լիցքավորման թվային լուծումներ) | Digital Charging Solutions-ի (https://volvocar-public-charging.com/web/en/volvo-gb/privacy-policy) հետ համատեղ տրամադրվող հանրային լիցքավորման ծառայությունը ենթադրում է Ձեր որոշ անձնական տվյալների տրամադրում։ Այս մշակման մասին մանրամասներ կարող եք գտնել վերևում՝ Բաժին 2.4.1-ում։ |
| Volvo Car Group խմբի այլ անդամներ | Անձնական տվյալները փոխանցվում են մեր Վաճառքի ազգային ընկերություններին համապատասխան երկրում, որտեղից ստացվել են անձնական տվյալները: Սա արվում է այնպիսի նպատակների համար, ինչպիսիք են մանրածախ վաճառողի աշխատանքի արդյունավետության գնահատումը, հաճախորդների սպասարկումը և բաժանորդագրությունների երկարաձգումների ու վերաակտիվացումների գնահատումը։ |
| Ձեր կողմից հաստատված ցանկացած անձ | Օրինակ, Դուք կարող եք մեզ տալ Ձեր թույլտվությունը՝ տրամադրելու Ձեր անձնական տվյալները մեկ այլ կողմին, օրինակ՝ երրորդ կողմի ծառայություններ մատուցողին, ապահովագրական ընկերություններին և այլն: |
4. Ձեր իրավունքները և վերահսկողությունը
Դուք հատուկ օրինական իրավունքներ ունեք Ձեր մասին մեր կողմից մշակվող անձնական տվյալների նկատմամբ։ Իրավունքները կարող են տարբերվել՝ Ձեր բնակության վայրի իրավասությունից և մշակման բնույթից կախված։ Ընդհանուր առմամբ, Ձեր իրավունքները վերաբերում են հետևյալ հնարավորություններին.
- հետ կանչելու Ձեր համաձայնությունը
- առարկելու մեր կողմից Ձեր տվյալների մշակմանը
- պահանջելու մեր կողմից Ձեր մասին պահվող տվյալների պատճեն (այսպես կոչված սուբյեկտի հասանելիության իրավունք)
- պահանջելու, որ տվյալները փոխանցվեն մեկ այլ կազմակերպությանը (այսպես կոչված տվյալների փոխանցելիություն)
- պահանջելու, որ տվյալները շտկվեն կամ սահմանափակվեն
- պահանջելու, որ տվյալները ջնջվեն (այսպես կոչված մոռացված լինելու իրավունք)
Ինչպես արդեն նշվել է, այս իրավունքները բացարձակ չեն, և տվյալների պաշտպանության մասին օրենքները կարող են որոշ դեպքերում սահմանափակել դրանց կիրառումը։ Նման դեպքերում մենք Ձեր հարցմանը ի պատասխան կբացատրենք, թե ինչու այն չենք կարող բավարարել։
Եթե ցանկանում եք ներկայացնել իրավունքներին վերաբերող հարցում, կարող եք կապ հաստատել մեր հետ՝ այս ձևաթուղթը լրացնելու միջոցով։ Խնդրում ենք հայտ ներկայացնելու համար պարտադիր օգտագործել ձևաթուղթը, քանի որ այն պարունակում է տեղեկություններ, որոնք մեզ անհրաժեշտ են Ձեր ինքնությունը հաստատելու և Ձեր հայտը արագ դիտարկելու համար։ Սակայն եթե Դուք նախընտրում եք չօգտագործել ձևաթուղթը, ապա միշտ կարող եք դիմել մեզ և ներկայացնել Ձեր հայտը հաջորդ բաժնում պարունակվող կոնտակտային տվյալների օգնությամբ։
Դուք կարող եք նաև ներկայացնել բողոք տվյալների պաշտպանության Ձեր տեղական մարմնին, եթե ունենաք մտահոգություններ մեր կողմից Ձեր անձնական տվյալների օգտագործման առնչությամբ։ Սակայն մենք երախտապարտ կլինենք, եթե նախ կապ հաստատեք անմիջապես մեր հետ և հայտնեք Ձեր մտահոգությունների մասին, ինչը մեզ հնարավորություն կտա փորձել լուծել խնդիրը միասին։ Մեր կոնտակտային տվյալները կարող եք գտնել ստորև։
5. Կոնտակտային տվյալներ
Եթե ունեք հարցեր մեր կողմից Ձեր անձնական տվյալների օգտագործման եղանակների վերաբերյալ, կարող եք դիմել մեզ dataprotection@volvocars.com էլ. հասցեով կամ Volvo Car Corporation-ի Տվյալների պաշտպանության գծով մասնագետին հետևյալ կոնտակտային տվյալներով.
Փոստային հասցե. Volvo Car Corporation, Ում. Տվյալների պաշտպանության գծով մասնագետին, dep 50099, VAK, 405 31 Gothenburg, Sweden։
Էլ. հասցե. globdpo@volvocars.com
6. Այս ծանուցման թարմացումները
Մենք շարունակաբար զարգացնում ենք մեր արտադրանքը և ծառայությունները, ինչ արդյունքում պարբերաբար վերանայում և թարմացնում ենք գաղտնիության մասին այս ծանուցումը։ Ուստի խրախուսում ենք Ձեզ պարբերաբար ուսումնասիրել գաղտնիության մասին այս ծանուցումը։ Գաղտնիության մասին այս ծանուցման վերևի հատվածում նշված ամսաթիվը տեղեկացնում է, թե երբ է այն վերջին արգամ թարմացվել։ Մենք Ձեր անձնական տվյալները կմշակենք գաղտնիության մասին այն ծանուցման համաձայն, որի շրջանակներում դրանք հավաքագրվել են, բացառությամբ եթե Դուք տվել եք դրանք որևէ այլ եղանակով մշակելու համաձայնություն: