Ո՞վ ենք մենք
1927 թվականից մենք արտադրում ենք ավտոմեքենաներ, քանի որ հավատում էինք, որ միայն մենք կարող ենք շվեդական ճանապարհների համար արտադրել ամուր և ապահով ավտոմեքենաներ: Իմացեք ավելին մեր մոդելների և մեր պատմության հիմնական փուլերի մասին:
Լեգենդար ավտոմեքենաներ
Բացահայտեք մեր լեգենդար Volvo մոդելներից մի քանիսը՝ 1927 թվականին թողարկված առաջին Volvo ավտոմեքենայից մինչև մեր ամենանոր մոդելները։
Մեր ընկերության պատմությունը
![Ամենաառաջին Volvo-ն դուրս է գալիս գործարանի դարպասներից:](https://www.volvocars.com/images/v/-/media/project/contentplatform/data/media/campaigns/volvo-cars-heritage/first-factory.jpg?h=374&iar=0&w=499)
1927 թվական. առաջին ավտոմեքենան դուրս է գալիս գործարանից
1927 թվականի ապրիլի 14-ի վաղ առավոտյան առաջին Volvo ավտոմեքենան դուրս եկավ Շվեդիայի արևմտյան ափին գտնվող Գյոթեբորգ քաղաքի գործարանի դարպասներից: Այն պաշտոնապես անվանվել էր ÖV4 և հանդիսանում էր չորս-գլանանոց շարժիչով բաց «ձիակառք»: Պատմության մեջ ամենաառաջին Volvo-ն պատրաստ էր նվաճել ճանապարհները:
![Մոխրագույն Volvo PV 44 բեմի վրա:](https://www.volvocars.com/images/v/-/media/project/contentplatform/data/media/campaigns/volvo-cars-heritage/little-volvo.jpg?h=374&iar=0&w=499)
1944 թվական. հոսքագծից իջնում է «փոքրիկ Volvo»-ն
1944 թվականի սեպտեմբերի 1-ին Ստոկհոլմում ներկայացվեց մի մոդել, որը Volvo ապրանքանիշը դուրս բերեց միջազգային շուկա: «Փոքրիկ Volvo»-ն, ինչպես կոչեցին այդ ավտոմեքենան, Շվեդիայում դիտարկվում էր որպես հետպատերազմյան բարեկեցության խորհրդանիշ. երկու շաբաթվա ընթացքում 2300 մարդ հայտ ներկայացրեց գնելու PV 444:
1953 թվական. մարդատար ունիվերսալների պատմությունը սկսվում է Duett մոդելից
Volvo Duett-ը թողարկվել է որպես երկու ավտոմեքենա մեկում՝ համատեղելով «Ավտոմեքենա ինչպես աշխատանքի, այնպես էլ զվարճանիք համար» գաղափարները: Այն առաջինն էր մարդատար ունիվերսալ մոդելների շարքում, որը Volvo ապրանքանիշը դարձրեց ավտոմեքենայի կոնկրետ հոմանիշ: Այդ պահից ի վեր արտադրվել է ավելի քան 6 միլիոն Volvo մարդատար ունիվերսալ ավտոմեքենա:
![Բեռնատար նավից բեռնաթափվող բազմակի PV 444 մեքենաներ:](https://www.volvocars.com/images/v/-/media/project/contentplatform/data/media/campaigns/volvo-cars-heritage/usa-export.jpg?h=374&iar=0&w=499)
1955 թվական. սկսվում է ավտոմեքենաների արտահանումը դեպի ԱՄՆ
1955 թվականի օգոստոսին առաջին PV 444 ավտոմեքենան հասավ ԱՄՆ-ի Կալիֆորնիա նահանգի Լոնգ Բիչ նավահանգիստ: Ականատեսներից շատերը տրամադրված էին հոռետեսական, սակայն երկու տարի անց Volvo Cars-ը դարձավ Կալիֆորնիա նահանգ ներմուծվող ավտոմեքենաների երկրորդ ամենախոշոր ապրանքանիշը, իսկ 1974 թվականին ԱՄՆ-ն դարձավ այդ ժամանակների ամենախոշոր շուկան:
![Անվտանգության եռակետ ամրագոտի, որը 1959 թվականին ներկայացվել է հեղինակի՝ Նիլս Բոհլինի կողմից :](https://www.volvocars.com/images/v/-/media/project/contentplatform/data/media/img/safety/nils-bohlin_1080x1080.jpg?h=1080&iar=0&w=1080)
1959 թվական. եռակետ ամրագոտի
Եռակետ ամրագոտին առաջին անգամ ներկայացրել է ինժեներ Նիլս Բոհլինը PV544 մոդելի սերիական արտադրության ժամանակ: Այն բոլորին հասանելի դարձնելու համար մենք որոշեցինք հրաժարվել տվյալ գյուտի արտոնագրից: Համաձայն տարբեր գնահատականների՝ եռակետ ամրագոտին մինչ այս պահը փրկել է ավելի քան մեկ միլիոն կյանքեր:
![Բլուրի վրա անշարժ կանգնած Volvo 240 մեքենա:](https://www.volvocars.com/images/v/-/media/project/contentplatform/data/media/campaigns/volvo-cars-heritage/safety-benchmark.jpg?h=380&iar=0&w=497)
1976 թվական՝ անվտանգության էտալոն ԱՄՆ-ում
Անվտանգության համակարգերով համալրված ավտոմեքենաների մեր միջազգային համբավը էլ ավելի ամրապնդվեց, երբ ԱՄՆ կառավարությունը վթարի թեստեր իրականացնելու համար գնեց Volvo 240 մոդելի 24 ավտոմեքենա: Թեստերի արդյունքում Volvo ապրանքանիշը պաշտոնապես ընտրվեց որպես էտալոն՝ սահմանելով ավտոմեքենաների անվտանգության նոր ստանդարտներ:
![Կամուրջի առջև կանգնած կարմիր Volvo 850 մեքենա:](https://www.volvocars.com/images/v/-/media/project/contentplatform/data/media/campaigns/volvo-cars-heritage/front-wheel-drive.jpg?h=374&iar=0&w=499)
1991 թվական՝ չորս յուրահատուկ նորարարություններով համալրված ավտոմեքենա
Volvo 850 մոդելը ներկայացվել է չորս նորարարություններով՝ լայնական 5 գլանանոց շարժիչ, պաշտպանության համակարգ կողային ազդեցությունից, ամրագոտու ինքնակարգավորվող կոճեր առջևի նստատեղի համար և Delta-link հետևի կախոց: Այն առջևի քարշակով մեր առաջին խոշոր մոդելն էր:
![Գյուղական ճանապարհով երթևեկող մոխրագույն Volvo XC90:](https://www.volvocars.com/images/v/-/media/project/contentplatform/data/media/campaigns/volvo-cars-heritage/xc90-success.jpg?h=374&iar=0&w=499)
2002 թվական՝ մեր առաջին քաղաքային ամենագնացը
Volvo XC90 մոդելը մեծ հաջողություն ունեցավ ամբողջ աշխարհում: Այն վերասահմանեց քաղաքային խոշոր ամենագնացների սեգմենտը և մի քանի տարվա ընթացքում դարձավ Շվեդիայից արտահանվող ամենակարևոր ապրանքը:
![Գործարանում մեքենայի թափքն ուսումնասիրող կին:](https://www.volvocars.com/images/v/-/media/project/contentplatform/data/media/campaigns/volvo-cars-heritage/first-china-plant.jpg?h=374&iar=0&w=499)
2013 թվական՝ առաջին արտադրական գործարանը Չինաստանում
Պատմության մեջ առաջին անգամ մենք գործարկեցինք արտադրական գործարան Եվրոպայի տարածքից դուրս: Այն բացվեց Չենդու քաղաքում, որտեղ մենք իրականացրեցինք Volvo S60L և XC60 մոդելների նախնական արտադրությունը:
![Շարժման մեջ գտնվող սև Volvo XC90, տեսք հետևից:](https://www.volvocars.com/images/v/-/media/project/contentplatform/data/media/campaigns/volvo-cars-heritage/xc90-facelift.jpg?h=374&iar=0&w=499)
2015 թվական՝ երկրորդ սերնդի XC90
Երկրորդ սերնդի XC90 մոդելը մեկնարկ տվեց մեր պատմության նոր էջի սկզբին: Այն ուներ ամբողջովին նոր դիզայն, նոր տեխնոլոգիաներ և նոր Scalable Product Architecture (SPA) հարթակ:
![Volvo XC40՝ մեր առաջին կոմպակտ քաղաքային ամենագնացը:](https://www.volvocars.com/images/v/-/media/project/contentplatform/data/media/campaigns/volvo-cars-heritage/xc40-debut.jpg?h=900&iar=0&w=1200)
2017 թվական՝ մեր առաջին քաղաքային կոմպակտ ամենագնացը
Volvo XC40-ը կոմպակտ մոդուլային կառուցվածքի (CMA) վրա հիմնված առաջին մոդելն էր, որը սահմանեց դիզայնի, կապակցելիության և անվտանգության նոր ստանդարտներ: Այն նաև առաջին մոդելն էր, որը հասանելի էր "Care by Volvo" հաստատուն սակագնով ամսական բաժանորդագրության ծառայության միջոցով:
![Արտադրական հոսքագծից դուրս եկող կարմիր Volvo S60 մեքենա:](https://www.volvocars.com/images/v/-/media/project/contentplatform/data/media/campaigns/volvo-cars-heritage/us-factory.jpg?h=374&iar=0&w=499)
2018 թվական՝ մեր առաջին արտադրական գործարանը ԱՄՆ-ում
ԱՄՆ-ի Հարավային Կալիֆորնիայի Չարլսթոն քաղաքում բացվեց մեր առաջին արտադրական գործարանը, ինչը Volvo Cars-ին թույլ տվեց դառնալ ավտոմեքենաների համաշխարհային արտադրող:
![Լիցքավորման տուփին միացված Volvo XC40 Recharge ամբողջովին էլեկտրական քաղաքային ամենագնաց:](https://www.volvocars.com/images/v/-/media/project/contentplatform/data/media/campaigns/volvo-cars-heritage/xc40-electric.jpg?h=374&iar=0&w=499)
2019 թվական՝ մեր առաջին ամբողջովին էլեկտրական քաղաքային ամենագնացը
Volvo XC40 Recharge P8-ը մեր առաջին ամբողջովին էլեկտրական քաղաքային ամենագնացն էր: Այն ստեղծվել էր մեծ պահանջարկ վայելող XC40 մոդելի հիման վրա և Volvo-ի առաջին մոդելն էր, որն ապահովված էր Android համակարգով աշխատող նորագույն տեղեկատվական-զվարճանքային համակարգով:
![Մոխրագույն ամրագոտի, որի ճարմանդին մակագրված է «Since 1959» գրառումը:](https://www.volvocars.com/images/v/-/media/project/contentplatform/data/media/campaigns/volvo-cars-heritage/seatbelt.jpg?h=976&iar=0&w=2448)
Անվտանգության նորարարությունների տասնամյակներ
1927 թվականից ի վեր մենք ստեղծում ենք ավտոմեքենաներ, որոնց կիզակետում մարդն է: Բացահայտեք տարիների ընթացքում ձեռք բերած անվտանգության մեր ամենակարևոր նորարարությունները:
![Երկիր մոլորակ, տեսք տիեզերքից:](https://www.volvocars.com/images/v/-/media/project/contentplatform/data/media/campaigns/volvo-cars-heritage/globe.jpg?h=976&iar=0&w=2448)
Էկոլոգիապես մաքուր արտադրության ժառանգություն
Տարիներ շարունակ մենք աշխատել ենք նվազեցնել բացասական ազդեցությունը շրջակա միջավայրի վրա: Բացահայտեք մեր կողմից մինչ այժմ ձեռնարկված միջոցներից մի քանիսը: