Hægt er að auka drægni rafbíla með skynsamlegu aksturslagi, rétt eins og í bílum með eldsneytisvélum. Akstur á miklum hraða útheimtir meiri orku og því stuðlar mýkra aksturslag á minni hraða að aukinni heildardrægni. Öllum Volvo-rafbílum fylgir forritið „Range Assistant“, sem er gagnlegt verkfæri til að fylgjast með orkunotkun og þróa skilvirkara aksturslag.

Drægni rafbíls getur minnkað í kulda vegna minni afkasta rafhlöðunnar. Auk þess notar rafmagnsmiðstöð mikla orku til að hita upp innanrýmið. Til að viðhalda drægni á rafmagni þegar kalt er í veðri er hægt að forhita bílinn með fjarstýringu í gegnum Volvo-appið á meðan hann er enn tengdur við heimahleðslustöðina. Þannig er rafmagnið úr innstungunni notað til að hita bílinn í stað rafhlöðunnar. Og meðan á ferðinni stendur nota upphituðu sætin og stýrið mun minna rafmagn en hitarinn.