EX30

Þú sérð mest notuðu stjórntækin neðst á miðjuskjánum. Hér er þó ekki um að ræða hefðbundnar flýtileiðir. Stjórntækin birtast eingöngu þegar eiginleikinn er í boði. Viltu opna afturhlerann? Þá þarftu að bíða þar til hraðinn er nógu lítill til að sá valkostur sé í boði. Græjurnar á miðjuskjánum eru einnig snjallar. Nýttu þér leiðsögn, símann og margmiðlun án þess að strjúka skjáinn. Þú einfaldlega ýtir til að fá aðgang að fullri virkni. Upphafsskjárinn einfaldar sérstillingu akstursins, jafnvel áður en lagt er af stað. Veldu þema fyrir lýsinguna, kveiktu á stjórntækjum á borð við akstur með einu fótstigi og kveiktu á Pilot Assist.

Fáðu akstursupplýsingarnar eins og þú vilt. Einfalt yfirlit (Calm) sýnir aðeins mikilvægustu upplýsingar fyrir ökumann. Umhverfisyfirlit (Surround) sýnir sömu upplýsingar, sem og sjálfvirkan akstursaðstoðarbúnað og rauntímamynd af umhverfi bílsins. Veldu það yfirlit sem hentar best á miðjuskjánum eða forritaðu rofa á stýrinu til að skipta á milli.

Innbyggð forrit og þjónusta frá Google gera þér kleift að tengja við þitt stafræna líf án þess að para símann við bílinn. Sæktu uppáhaldsforritin þín á Google Play og notaðu þau handfrjálst með Google Assistant. Nú geturðu komist í tónlistina þína, hljóðbækur og hlaðvörp með því einu að segja: „OK Google.“ Google Assistant getur einnig stjórnað sumum aðgerðum bílsins, hringt símtöl og sent SMS-skilaboð, leitað að afgreiðslutímum og framkvæmt sömu hröðu leitina og þú gerir í símanum. Aktu á áfangastað af meira öryggi með Google Maps. Þú velur áfangastaðinn á einfaldan hátt og nýtur nákvæmrar leiðsagnar á miðjuskjánum. Þú sérð einnig upplýsingar um drægni, áætlaða hleðslustöðu rafhlöðunnar á áfangastað og hleðslustöðvar á valinni leið. Upplifun þín verður samfelldari með tímanum þar sem Google stillir sig eftir þínum þörfum.

Ferkantað sportstýrið býður upp á áhrifamikið grip. Auk þess er það búið flottum stjórnrofum. Einn þeirra er hægt að forrita fyrir aðgerð að eigin vali. Þegar kólna fer í veðri er hægt að hita stýrið. Notaðu miðjuskjáinn til þess eða stilltu bílinn á að gera það sjálfkrafa. Hægt er að velja hita í stýri sem hluta af upphitunaráætluninni í Volvo EX30-forritinu þegar hitastig fer niður fyrir 7 °C.

Einfalt er að hlaða og afferma farangur úr breiðu 318 l skotti EX30. Gólfið er flatt, enginn kantur er til staðar við opið og hægt er að lækka bílinn til að tryggja enn meiri þægindi. Þarftu að koma meiru fyrir? Undir gólfi farangursrýmisins er að finna aukahólf, auk þess sem farangursgeymslu er að finna undir húddinu. Niðurfellanleg aftursætisbök auka síðan enn frekar farangursrýmið. Fjölnota geymsla í miðstokki kemur í veg fyrir að geyma þurfi hluti á gólfinu. Í hana má t.d. setja innkaupapoka og mat til að koma í veg fyrir að eitthvað hellist niður. Undir þeirri geymslu er svo annað hólf fyrir smáhluti. Víðs vegar um farþegarýmið og í skottinu er að finna króka, festingar, hólf og vasa. Volvo-bílar eru hannaðir fyrir lífið og alla þá aukahluti sem því fylgja.

Hönnun sætanna okkar hámarkar stuðning við hrygginn. Það getur dregið úr þrýstingi, hokinni líkamsstöðu og álagi á axlir. Þú finnur þína kjörstillingu með rafdrifnum stillibúnaðinum. Þetta þýðir þó ekki að framsætin séu fyrirferðarmikil. Fyrirferðarlítil sætin eru í anda lágstemmdrar hönnunarstefnu okkar og auka fótarými fyrir farþega í aftursæti. Viltu hafa sætið aðeins heitara? Notaðu miðjuskjáinn til að kveikja á hitanum í sætinu eða stilltu bílinn á að gera það sjálfkrafa þegar hitastig fer niður fyrir 7 °C. Þetta er hluti af upphitunaráætluninni sem þú setur upp í Volvo EX30-appinu.

Tuttugu prósent hleðsla kveikir sjálfkrafa hleðsluáminningu. Um leið og bíllinn kveikir áminninguna birtir hann lista yfir nálægar hleðslustöðvar með Google Maps. Þú velur stöð og nýtir þér nákvæma leiðsögn á hana, auk upplýsinga um áætlaðan komutíma og áætlaða hleðslustöðu við komu.

Þegar þú velur leið á hleðslustöð byrjar bíllinn að forhita eða forkæla rafhlöðuna í kjörhitastig fyrir hleðslu. Þetta getur skipt miklu máli um hversu hröð og skilvirk hleðsla rafhlöðunnar er við komu á hleðslustöð.

Þú getur hlaðið EX30 úr 10 í 80 prósent á 26,5 mínútum á hraðhleðslustöðvum. Volvo Cars-heimahleðslustöð býður einnig upp á hraðari hleðslu heima við. Hún býður upp á allt að fimm sinnum hraðari hleðslu EX30 en hefðbundin rafmagnsinnstunga. Auk þess er hægt að ræsa og stöðva hleðslu, tímasetja hleðslu og vakta framvindu hleðslu á heimahleðslustöðinni eða í snjallsímanum.

Þráðlausar uppfærslur eru einföld leið til að tryggja að bíllinn sé búinn nýjasta hugbúnaðinum. Engar heimsóknir á verkstæði. Engin símtöl í þjónustuver. Með Volvo EX30 appinu geturðu tímasett þráðlausar uppfærslur á tíma sem hentar þér. Þegar þar að kemur eru þær sendar úr skýinu beint í bílinn. Þráðlausar uppfærslur auðvelda einnig uppsetningu nýrra, gjaldfrjálsra stafrænna lausna í bílnum þegar þú vilt.

EX30 er búinn tengimöguleika fyrir hraðvirk 5G-símkerfi. Hraði tengingarinnar býður upp á rauntímasamskipti á milli netkerfisins og bílsins. Þetta býður einnig upp á tengingu EX30 við umferðarupplýsingakerfi. Svo dæmi sé tekið getur bíllinn deilt staðsetningu sinni og hraða með Google til að Google Maps geti reiknað út leið sem sneiðir hjá umferðarteppum og kemur þér á áfangastað á sem stystum tíma. Bíllinn notar önnur farsímakerfi þegar 5G nýtur ekki við.

Næsta kynslóð upplýsinga- og afþreyingarkerfisins okkar er knúin af hugbúnaði sem sérfræðingar tæknideildar okkar þróuðu og Snapdragon-búnaði fyrir ökumannsrými frá Qualcomm Technologies, Inc. Þessi fyrsta flokks vinnslugeta skilar sér í hraðri, viðbragðsgóðri og nákvæmri grunnvirkni, frá öryggisbúnaði og upplýsinga- og afþreyingarkerfi til rafhlöðustjórnunar og skjáa.