Volvo 440 Bensín • Dísilolía

Volvo 440 kom á markað 1988 og var framleiddur samhliða Volvo 340 í tvö ár. Að þeim tíma liðnum tók 440, og síðar 460, við hlutverki litla bílsins í Volvo-fjölskyldunni.

Volvo 440 var með sömu grunntækni og útlit og tveggja dyra 480-sportbíllinn. Þannig var hann búinn sömu þverlægu vél og framhjóladrifinn, sem skilaði sér að sjálfsögðu í sömu frábæru aksturseiginleikunum og veggripi og einkenndi 480.

Meðan á framleiðslu 440 stóð var hann í boði með ýmiss konar vélum, allt frá 1,6 lítra til 2,0 lítra. Allar vélarnar voru fjögurra strokka með einum yfirliggjandi kambás og allar voru þær útfærslur á sömu vélalínunni.

440 var fimm dyra hlaðbakur með einkennandi vindskeið á afturhleranum, hönnunareinkenni sem kynnt var til sögunnar í 300-línunni. Miklar útlitsbreytingar áttu sér stað á 1994-árgerð 440 með það að markmiði að gera bílinn líkari stærri útfærslu hans, 850.

Tæknilýsing
Gerð: 440
Framleiðsla: 1988–1996
Fjöldi framleiddra bíla: 460.822
Yfirbygging: fimm dyra hlaðbakur
Vél: fjögurra strokka með yfirliggjandi kambás, 1596 cc, 1721 cc með eða án forþjöppu eða 1794 cc eða 1998 cc og fjögurra strokka með yfirliggjandi kambás, 1870 cc dísilvél með forþjöppu
Gírskipting: fimm gíra beinskipting, fjögurra gíra sjálfskipting.
Hemlar: vökvaknúnir, diskahemlar að framan og skálahemlar að aftan, eða diskahemlar á öllum hjólum
Mál: heildarlengd 431 cm, hjólhaf 250 cm