Volvo 740 Estate Bensín • Dísilolía

Hinn vinsæli Volvo 760 GLE gat af sér þróun Volvo 740 GLE sem kom á markað árið 1984. Þessi nýi bíll frá Volvo var fjögurra strokka valkostur í stað 760-gerðarinnar.

Skutbílsútfærsla 740 kom á markað 1985, og lengi hafði verið beðið eftir henni.

Volvo 740-skutbíllinn átti velgengni sína aðallega að þakka einstökum áreiðanleika og margrómuðum öryggisbúnaði, auk þess sem hann setti ný viðmið fyrir þægindi í skutbílum. Það sem aftur á móti gerði Volvo 740-skutbílinn að einum eftirsóttasta bílnum í þessum flokki var óviðjafnanlegt plássið í innanrýminu og hleðslugetan.

Í gegnum árin var Volvo 740 knúinn með ýmiss konar vélum, aðallega fjögurra strokka vélum með eða án forþjöppu, auk þess sem boðið var upp á sex strokka dísilútfærslur.

Einhverjar breytingar voru gerðar á ytra byrðinu haustið 1988 sem kynntar voru til sögunnar í 1989-árgerðinni.

Frá ágúst 1990 var Volvo 740 framleiddur samhliða 940 í tvö ár, en að þeim tíma liðnum tók sá síðarnefndi alveg við af 740.

Tæknilýsing
Gerð: 740 Estate
Framleiðsla: 1985–1992
Fjöldi framleiddra bíla: 358.952
Yfirbygging: fimm dyra skutbíll
Vél: fjögurra strokka með yfirliggjandi kambás, 1986 cc eða 2316 cc eða sex strokka 2383 cc dísilvél með eða án forþjöppu
Gírskipting: fjögurra gíra beinskipting, fjögurra gíra beinskipting með rafrænum aukagír, fimm gíra beinskipting eða fjögurra gíra sjálfskipting
Hemlar: vökvaknúnir, diskahemlar á öllum hjólum Mál: á ekki við Annað: heildarlengd 478,5 cm, hjólhaf 277 cm.