Volvo PV544 Bensín

Í ágúst 1958 kom Volvo PV544 á markað, en þar var um að ræða nútimalegri útgáfu af PV444. Breytingarnar voru þær mestu frá því PV444 kom á markað 1944. Yfirbyggingin var með stærri og ávalari framrúðu, auk stórrar afturrúðu til að auka útsýnið. Innanrýmið skartaði nýrri útfærslu mælaborðs með fóðringu á efri hlutanum til að auka öryggi í innanrýminu. Hraðamælirinn var byggður á hönnun hitamælisins; rauð súla sýndi hraðann. Aftursætið var endurhannað til að auka þægindi og skapa rými fyrir aukafarþega, miðað við fyrirrennarann, PV444.

Þessi gerð hafði í tæknilegum skilningi einnig gengið í gegnum uppfærslu. Volvo PV444 var (ef ekki var horft til Norður-Ameríku) eingöngu í boði með einni gerð vélar. Með tilkomu PV544 bættist ný gerð í hópinn. Þá fylgdi bílnum einnig ný fjögurra gíra beinskipting.

Eftir þetta tók PV544 stöðugum breytingum undir yfirbyggingunni. Helsta breytingin átti sér stað 1961 þegar hin víðfræga B18-vél var sett undir húddið um leið og rafkerfið var uppfært í 12 volta straum.

Tæknilýsing
Gerð: PV 544
Útfærslur: Special I, II og Sport, (aðallega kallaðar) PV 544 A, PV 544 B, PV 544 C, PV 544 D, PV 544 E, PV 544 F, PV 544 G
Framleiðsla: 1958–1965
Fjöldi framleiddra eintaka: 243.990
Yfirbygging: tveggja dyra sedan
Vél: fjórir strokkar í línu með ventlum ofan á; 1583 cc; 79,37 x 80 mm; 60 hestöfl við 4500 sn./mín. eða 85 hestöfl við 3500 sn./mín. 1961: 1778 cc, 75 hestöfl við 4500 sn./mín. eða 90 hestöfl við 5000 sn./mín., síðar aukið í 95 hestöfl
Gírskipting: þriggja eða fjögurra gíra beinskipting, gírstöng í gólfi
Hemlar: vökvaknúnir skálahemlar á öllum hjólum.
Mál:
Annað: Volvo PV544 varð einn sigursælasti rallíbíll heims í lok sjötta áratugarins og upphafi þess sjöunda.