Með Google Maps sem er innbyggt í XC90 tengiltvinn rafbílinn færðu rauntímaupplýsingar um umferð og sjálfvirkar breytingar á leiðsögn sem gera þér kleift að ná áreynslulaust á áfangastað.

Talaðu við Google í XC90 tengiltvinn rafbílnum þínum og notaðu hendurnar í aksturinn. Þú getur fengið leiðarlýsingu, notið afþreyingar og verið í sambandi við vini, fjölskyldu og vinnufélaga – þú segir einfaldlega „Ok Google“ til að hefjast handa.

Vertu í tengslum við þitt stafræna líf. Google Play í XC90 tengiltvinn rafbílnum þínum gerir þér kleift að njóta forrita og þjónustu sem gera hverja ferð skemmtilegri og þægilegri.

Háþróað lofthreinsitækið í glænýju loftgæðakerfi okkar síar burt allt að 95% allra skaðlegra agna sem berast inn í farþegarýmið. Þú og farþegar þínir getið notið betri og heilsusamlegri loftgæða, óháð skilyrðum utandyra. Jafnvel er hægt að vakta svifryks\- og frjókornastöðuna fyrir utan bílinn.

Háþróuð aksturaðstoðartækni okkar býður upp á afslappaðri akstur. Hún getur aðstoðað þig við að halda öruggri fjarlægð frá ökutæki fyrir framan með því að stilla hraða bílsins um leið og hún heldur honum á miðri akreininni með smávægilegum sjálfvirkum leiðréttingum á akstursstefnu. Tæknin gagnast einnig í þungri og hægri umferð þar sem oft þarf að stoppa og getur auk þess látið þig vita ef umferðin fer af stað aftur án þess að þú takir eftir því.

Farðu hverja ferð með aukinni tilfinningu fyrir stjórn og þægindum. Virkur undirvagn XC90 með loftpúðafjöðrun á öllum hjólum býður upp á sjálfstillandi stöðu og stöðuga hæðarstillingu til að tryggja mjúkan akstur. Loftpúðafjöðrunin stillir aksturshæð eftir hraða til að auka stöðugleika. Auk þess fylgist rafstýrt fjöðrunarkerfið stöðugt með og lagar sig að akstursaðstæðum til að tryggja hámarksþægindi og kraftmikla akstursupplifun.

Sjónlínuskjár gerir þér kleift að fylgjast með hraðanum, fara eftir nákvæmri leiðsögn, svara símtölum og fleira. Allt þetta án þess að líta af veginum. Birtustig sjónlínuskjásins lagar sig sjálfkrafa að birtuskilyrðum og þú getur stillt kerfið að þínum eigin óskum.

BLIS\-kerfið okkar fyrir blindsvæði aðstoðar þegar skipt er á milli akreina. Ef hætta er á árekstri við önnur ökutæki á aðliggjandi akrein getur BLIS\-kerfið gripið mjúklega í stýrið og aðstoðað þig við að halda bílnum og farþegunum öruggum á sínum stað.

Ef bílinn byrjar að reka yfir miðlínuna skapast hætta á árekstri við bíl sem kemur á móti. Bíllinn getur greint þetta og leiðrétt og komið þér aftur á réttan kjöl á veginum.\*

Hugvitssamleg öryggisaðstoð gerir þér kleift að greina og forðast ákeyrslu á önnur ökutæki, gangandi vegfarendur, hjólreiðafólk og stór dýr. Þessu er náð með því að vara fyrst ökumanninn við og beita því næst hemlum ef ökumaðurinn bregst ekki við.\*\*

Smeygðu þér inn og út úr þröngum stæðum með hjálp 360° myndavélaryfirlits XC90 með skiptum skjá. Þessi þægilegi eiginleiki inniheldur myndavélar að framan, aftan og á hliðum sem geta gefið háskerpu loftmynd á miðjuskjánum. Grafík á skjánum sýnir fyrirhugaða leið bílsins til að hjálpa þér að beygja á sinn stað. Með skiptum skjá geturðu fengið nærri 180° yfirlit að framan eða aftan á sama tíma svo þú sérð auðveldlega hvað er framundan eða fyrir aftan þig. Ertu að festa tengivagn? Virkjaðu aðdráttaraðgerðina á 180° skjánum til að skoða nánar.

Umferðarskynjari með sjálfvirkri hemlun aðstoðar ökumanninn þegar bakkað er við takmarkað útsýni. Kerfið getur greint ökutæki sem nálgast bílinn frá hliðum og beitt sjálfvirkri hemlun ef með þarf.

Öryggisaðstoðartæknin okkar getur aðstoðað þegar beygja þarf þvert á aðkomandi umferð með sjálfvirkri hemlun ef hætta er á árekstri.