Það sem hafa þarf í huga áður en farangursbox er keypt

Margar spurningar gætu vaknað þegar þú leitar að hinu fullkomna farangursboxi. Er hægt að opna farangursboxið frá báðum hliðum? Er farangursboxið með hraðfestingum? Hvað getur farangursboxið borið mikinn þunga?

En hvað er mikilvægast og hverju má sleppa? Niklas Byvik, vörustjóri aukahluta hjá Volvo Car Sweden, segir að oft sé litið framhjá einum þætti þegar farangursbox er keypt.

„Margir gera ráð fyrir að farangursbox séu örugg, en því miður er það ekki sjálfgefið.“ Niklas leggur áherslu á tvö mikilvæg öryggisatriði fyrir farangursbox: að tryggja að það haldist fast á þakinu þegar bíllinn nemur skyndilega staðar eða árekstur verður og að farangursboxið sé nógu sterklega byggt til að halda hlutunum þínum öruggum.

„Því miður eru mörg dæmi um að farangursbox losni af þakinu og skjótist í burtu þegar hemlað er snögglega eða árekstur verður. Það sama á við um innihald boxins. Skíði geta losnað úr farangursboxinu þegar það er ennþá áfast við bílinn og hugsanlega brotið afturrúðu bílsins sem er fyrir framan þig.“

Áður en þú kaupir farangursbox skaltu kynna þér óháðar prófanir á mismunandi farangursboxum og skoða á hvaða hraða árekstrarprófanir á þeim voru framkvæmdar. Samkvæmt iðnaðarstöðlum ætti farangursboxið að þola árekstur á 30 km/klst. Farangursbox frá Volvo Cars eru hönnuð til að þola árekstur á allt að 40 km/klst., sem jafngildir þyngdarhröðun upp á 12 G. Þetta gerir þó ráð fyrir að þú hlaðir ekki meiri þunga í farangursboxið en það er hannað fyrir – í flestum tilvikum 75 kg.

„Gott er að hafa í huga að toppgrindur eru hannaðar fyrir ákveðna hámarksþyngd. Gætið þess að heildarþyngd – nettóþyngd farangursboxins og farangurinn – fari ekki yfir burðargetu toppgrindanna. Farangursbox getur vegið allt frá 6 til rúmlega 30 kg. Þar sem þyngd boxins ákvarðar hversu miklu þú getur hlaðið á þakið á hún stóran þátt í kaupákvörðunum“ segir Niklas og leggur áherslu á að hægt sé að skemma þak bílsins ef of miklu er hlaðið á toppgrindur.

„Farangursbox eykur einnig loftmótstöðu og hefur neikvæð áhrif á sparneytni. Í dag eru öll farangursbox meira eða minna straumlínulaga til að draga úr loftmótstöðu. Búast má við allt að 10 prósent aukningu í eldsneytisnotkun bílsins.

Þar af leiðandi er mikilvægt að finna farangursbox sem er nægilega straumlínulaga og þokkalega rúmgott, því ómögulegt er að fá hvort tveggja. Þegar ekki er þörf á að nota farangursboxið ætti að fjarlægja bæði boxið og toppgrindurnar til að draga úr loftmótstöðu og þar af leiðandi eldsneytisnotkun“, segir hann.

Þú gætir haldið að farangursboxið sé aðeins til að geyma skíðin þín og því aðeins notað yfir vetrartímann. En Niklas deilir með okkur að boxið sé alveg jafn nytsamlegt á sumrin.

„Margir geyma farangursboxið í bílskúrnum yfir sumartímann og fylla þess í stað farangursrými bílsins til fulls, sem ekki er alltaf mjög öruggt eða hentugt. Farangursboxið er alveg jafn góð og örugg leið til að flytja farangur á sumarferðalögum.“

Hér er gátlisti til að hjálpa þér áður en þú kaupir farangursbox

• Er hægt að opna farangursboxið frá báðum hliðum?
• Er farangursboxið með hraðfestingum svo auðveldara sé að koma því fyrir?
• Hver er hámarksþyngdin sem toppgrindin getur borið?
• Hversu þungt er farangursboxið?
• Eru lykkjur eða krókar á boxinu til að festa farangurinn?
• Er botninn á boxinu bólstraður svo hljóð berist ekki inn í farþegarýmið?
• Er auðvelt að nota lásinn á farangursboxinu?
• Hversu vatnsþolið er farangursboxið?
• Uppfyllir hönnun farangursboxins þarfir mínar?
• Á hvaða hraða hefur árekstrarprófun á farangursboxinu farið fram?
• Hafa einhverjar óháðar prófanir verið gerðar á farangursboxinu sem ég ætla að kaupa?

Ertu tilbúin(n) að kaupa farangursbox? Hér geturðu fundið nánari upplýsingar: Volvo Winter Car Accessories | Volvo Cars