Volvo 242 Бензин

Во август 1974 година, Volvo претставил нова генерација автомобили наречени серија 240 и 260.

Овие нови модели биле развиени од серијата 140 и биле многу слични со нивните претходници. Промените вклучувале нова предница, големи браници и дополнително развиена шасија, со систем за амортизација на предните тркала од типот McPherson. Истовремено почнала да се користи нова серија со 4-цилиндричен мотор со горно брегасто вратило. Претходниот 4-цилиндричен уште некое време сѐ уште се нудел во основните верзии.

Сѐ уште имало голема побарувачка за автомобилите со две врати, особено на пазарите во нордиските земји, па според тоа било сосема природно да се вклучи автомобил со 2 врати во програмата. Сепак, со оглед на тоа што трендот се движел кон автомобили со 4 врати, 242 бил тргнат од производство долго време пред 244 и 245.

Со текот на годините, Volvo 242 бил произведуван со многу различни мотори и менувачи.

Најспектакуларните верзии беа 242GT претставен во доцните 1970-ти и 240 Turbo од 1980-тите години на пазарот во Северна Америка.

Технички спецификации
Модел: 242
Варијанти: 242 GT
Производство: 1974 – 1984 г.
Количина: 242621
Каросерија: лимузина со 2 врати
Мотор: 4-цилиндричен, линиски, OHV, 4-цилиндричен, линиски, OHC, 4-цилиндричен, линиски OHC со турбополнење.
Пренос: 4-брзински рачен или 4-брзински со електричен овердрајв, со рачка за брзини монтирана на подот. 3-брзински автоматски.
Сопирачки: хидраулични, сопирачки со дискови на сите четири тркала.
Димензии: вкупна должина 490 cm, меѓуоскино растојание 264 cm.
Разно: Во 1985 година, Volvo 242 го освои Европскиот шампионат за туринг автомобили