Volvo 850 Sedan Бензин • Дизел

Volvo открил сосема нова серија модели во јуни 1991 година, Volvo 850 GLT. Volvo 850 GLT бил претставен на пазарот со слоганот „Динамичен автомобил со четири светски иновации“.

Четирите нови карактеристики биле: трансверзен 5-цилиндричен мотор со погон на предните тркала, задна оска со делта-поврзување која ги комбинирала динамиката и удобноста при возењето на независната амортизација со безбедноста на живата задна оска, SIPS-интегриран систем за заштита од страничен удар, како и самоприлагодлив механизам на предниот сигурносен ремен.

Надворешниот дизајн на 850 го носел силниот идентитет на Volvo, а неговиот стил кој наликувал на 740 и 940 веднаш станувал очигледен.

Volvo 850 GLT примил бурно добредојде; ретко кој нов автомобил добил толку награди како 850.

Во текот на следните години, серијата 850 била проширена со дополнителни варијанти, а помеѓу нив и бензинските верзии со турбополнење, како и турбодизел со директно вбризгување.

Volvo 850 исто така бил првиот автомобил на светот што нудел воздушни перничиња за страничен удар, што биле претставени есента во 1994 година.

Во моделот за 1997 година, S70 го заменил седан автомобилот 850.

Технички спецификации
Модел: 850 седан
Варијанти: AWD, T5 R
Производство: 1991 – 1996 г.
Количина: 390835
Каросерија: седан со 4 врати
Мотор: 5-цилиндрична линиска DOHC единица, 1.984 cc до 2.435 cc или 5-цилндричен линиски 2.461 cc SOHC турбодизел
Пренос: 5-брзински рачен или 4-брзински автоматски, FWR или AWD
Сопирачки: хидраулични, сопирачки со дискови секаде
Димензии: вкупна должина 467 cm, меѓуоскино растојание 267 cm