Volvo P220 Amazon Estate Бензин

Овој модел може да се опише како караван според 121/122S (Amazon). Го имал своето деби на Стокхолмскиот автомобилски саем во февруари 1962 година. Продолжувањето на опсегот на моделот му овозможило на Volvo поекстензивна програма во едното исто семејство автомобили, повеќе од кога било претходно.

P220 имал четири врати и задната врата била поделена на две дела, едниот дел се спуштал надолу, а другиот се кревал нагоре. Овој дизајн бил инспириран од долгите каравани од САД.

Производството на P220 се одвивало заедно со производството на P210 и P220 станал поприсутен надвор од пазарите во нордиските земји. Овој автомобил претставувал уште еден важен чекор кон караван повеќе ориентиран кон семејствата, што бил помалку присутен на комерцијалниот пазар на возила. На овој начин, P220 играл важна улога за Volvo во неговиот развој како водечки произведувач на каравани.

Технички спецификации
Модел: P 220 Amazon караван
Варијанти: P 221, P 222 (SPORT)
Производство: 1962 – 1969 г.
Количина: 73169
Каросерија: караван со 4 врати
Мотор: 4-цилиндричен, линиски, горни вентили, 1.778 cc, 84,14 x 80 mm, 75 или 90 или 95 bhp, а подоцна 1.986 cc, 88,9x80 mm, 90 bhp.
Пренос: 4-брзински рачен (со или без овердрајв) со рачка за брзини монтирана на подот или 3-брзински автоматски со рачка за брзини на управувачкиот столб.
Сопирачки: хидраулични барабани на сите тркала првично, дискови на предните тркала во подоцнежната фаза.
Димензии: вкупна должина 449 cm, меѓуоскино растојание 260 cm.