Volvo Sport P1900 Бензин

Кога Volvo претставил отворен спортски автомобил со 2 седишта, со каросерија направена од полиестер зајакнат со фиберглас во 1954 година, тоа било своевидна сензација.

Сепак, автомобилот не влегол во производство сѐ до 1956 година, а по многу проблеми, производството завршило во 1957 година. До ова време, 67 (или можеби 68) автомобили биле сериски произведени.

Првичната идеја била дека овој автомобил би бил само за извоз. Кабриолетите не се сметале баш соодветни за шведската клима. Сепак, и покрај ова, повеќето автомобили се продале на домашниот шведски пазар.

Автомобилот се засновал на стандардните компоненти, претежно од Volvo PV444, но бил конструиран на одделна тубуларна рамка. Моторот бил поразвиена верзија на 4-цилиндричниот моторот од 1,4 литри од PV444. Користејќи два карбуратора, различно брегасто вратило, поголеми влезни вентили и повисока компресија, овој мотор развивал 70 bhp.

Технички спецификации
Модел: VOLVO SPORT (P 1900)
Производство: 1956 – 1957 г.
Количина: 67
Каросерија: кабриолет, 2 седишта
Мотор: 4-цилиндричен, линиски, 1.414 cc, 75 x 80 mm, 70 bhp на 5.500 rpm
Пренос: 3-брзински рачен со рачка за брзини монтирана на подот.
Сопирачки: хидраулични, барабани на сите тркала
Димензии: вкупна должина 422 cm, меѓуоскино растојание 240 cm.
Разно: моторот од 70 bhp од овој модел се користел во Volvo PV444 за пазарот во САД во 1957 година. На PV444 му дал добри перформанси и моделот се продавал како „Семејниот спортски автомобил“.