Мали, но сепак моќни рецензии во медиумите: еве што мислат светските медиуми за EX30

Постои причина зошто голем дел од нашите тест-возења за медиумите ги правиме во Шпанија и на слични локации. Иако зимските денови во Шведска моментално се мрачни и студени, климата во и околу Барселона сепак овозможува многу светли и сончеви денови. Совршени околности за претставниците на медиумите првпат да го доживеат Volvo EX30 – нашиот нов, целосно електричен мал теренец.

Во тек на неколку седмици, речиси 550 гости од медиумите дојдоа во Барселона за да седнат зад воланот на EX30. Дури и пред тест-возењето, EX30 веќе доби неколку престижни награди од Sunday Times и The Sun во Велика Британија. Од нивните сопствени искуства со автомобилот од прва рака, многу медиумски куќи го искажаа своето мислење.

Најпозитивните коментари беа за дизајнот и цената; на многу новинари не им се веруваше дека е возможен електричен Volvo за таа цена. Исто така им се допадна неговата практичност, како и динамиката при возењето, додека многумина имаа позитивни коментари и за досегот.

Многу новинари и инфлуенсери исто така беа воодушевени од карактеристиките за одржливост на EX30. Ним им се допаднаа карактеристиките на дизајнот во внатрешноста, користењето многу природни и рециклирани материјали и нискиот јаглероден отпечаток на автомобилот.

Ајде да погледнеме дел од најдобрите изјави:

• Во рецензијата со пет ѕвездички, британскиот магазин Stuff заклучи дека EX30 е „речиси совршен“ електричен автомобил: „Новиот EX30 на Volvo можеби е мал електричен автомобил, но има сѐ што е одлично кај скандинавскиот бренд“.






• Британските колеги во Auto Express го опишуваат EX30 како „посакувано електрично возило“ и „брилијантен електричен автомобил, особено за таа цена“.


• Autobild од Германија чувствува дека EX30 е „вистинска скапоценост“ во својот сегмент. „Возењето му е совршено, удобен е, брз и безбеден и поминува речиси 500 километри во формата на продолжен досег.“






• „Дали би бил преголем комплимент да кажам дека EX30 е најзабавниот Volvo што го имам возено?“ пишува тест-возачот од webCG во Јапонија.






• Во Холандија, Autoweek заклучи дека EX30 „во голема мерка ги исполнува високите очекувања“ и напомена дека е „електричен теренец што нуди многу за парите во смисла на изглед, внатрешност и динамика при возењето.“






• Американскиот магазин Digital Trends ги предупредува другите производители на автомобили и тврди дека „Volvo тукушто ги крена стандардите во однос на вредноста на електричните возила“’. EX30 е „добар автомобил кој во комбинација со својата ниска основна цена (…) и високиот степен на карактеристики, сосема ја менува играта”.






• „Од своето солидно однесување на патот, до паметната искористеност на текстилот во внатрешноста, овој мал убавец е удобен, компетентен и преполн со шарм“, пишува американската интернет-страница Autoblog.


• Motor Trend чувствува дека EX30 е „хит во создавање“ и вели дека EX30 „има сѐ што е потребно за брзо да го освои пазарот на електрични возила“.

Секако, имаше и некои критики. Кај некои рецензенти, за корисничкото искуство засновано на допирниот екран беше потребно малку навикнување, додека неколку од тестирачите пропуштија еден возачки дисплеј зад воланот.

Сепак, забелешките беа повремени, а нашата анализа покажа дека 95 отсто од коментарите биле позитивни во целина. Огромна заслуга мора да им се припише на нашите стручњаци за производи кои многу време посветија на настанот, помагајќи нашите гости од медиумите да го разберат контекстот зад сите делови од дизајнот и развојот на автомобилот.

Како дополнение на големите пофалби од медиумите, нашиот нов EX30 пред кратко време ја зацврсти својата позиција како магнет за награди, кога беше крунисан како Воодушевувачки автомобил за 2024 година помеѓу стотици автомобили кои биле рецензирани. Дополнително, малиот, а сепак моќен EX30 беше прогласен за „Еко воин на годината“ на Наградите на TopGear.com за 2023 година, што претставува признание за нашите долгогодишни напори што доведоа до помал јаглероден отпечаток во споредба со кој било автомобил Volvo досега.*

Позитивната реакција на нашиот EX30 е одличен почеток на животот за нашиот мал теренец. Во претстојните години очекуваме тој да стане еден од нашите најдобро продавани автомобили, нешто што веќе се остварува преку илјадниците нарачки од клиенти што ги добивме во последниве месеци. Тој игра клучна улога и во нашите планови за раст, и во нашиот акционен план за климата, што значи дека ни е потребно EX30 да биде успешен. Кога ќе се навратиме на нашиот настан со тест-возење во Барселона, можеме со сигурност да кажеме: досега работата добро оди.

* Пресметката на јаглеродниот отпечаток под 30 тони во текот на возење од 200.000 km се заснова на користењето на струја за полнење од електричната мешавина на ЕУ27. Изјавата за најнизок јаглероден отпечаток од кој било автомобил Volvo до денешен ден се однесува на глобално достапните производи возени преку 200.000 km.