Целосно електричниот Volvo EX30 мал SUV ја носи градската безбедност на сосема ново ниво
Тоа е нашиот најмал SUV досега, но претстојниот целосно електричен Volvo EX30 е многу напреден во однос на безбедноста, благодарение на нашите 96 години како предводници и иноватори во оваа област.
Volvo EX30 е исто толку безбеден колку што би очекувале од кој било Volvo автомобил.
Ние сме предводник во полето на безбедноста, отсекогаш сме биле тоа и секогаш ќе бидеме и нема да ги спуштиме нашите стандарди за безбедноста во EX30 – тоа ве чува и вас, и другите во прометните урбани средини.
На пример, на прометните градски патишта, невнимателното отворање на врата од автомобил во патеката на некој велосипедист предизвикува значителен број незгоди со велосипеди. Таканаречените несреќи со врати сочинуваат дури петтина од сите пријавени несреќи со велосипеди во некои градови, а според „Cycling UK“, само во Обединетото Кралство, во просек, 60 лица погинуваат или се сериозно повредени поради врати на автомобили.
За да помогне да се намали бројот на такви незгоди, нашиот претстоен Volvo EX30 е опремен со предупредување за отворање врата што може да ве предупреди преку визуелни и аудио сигнали секогаш кога сакате да ја отворите вратата пред некој велосипедист што поминува или друг учесник во сообраќајот.
Предупредувањето за отворање врата е една од неколкуте карактеристики на нашата Safe Space Technology во целосно електричниот Volvo EX30 што илустрира како ги применивме нашите стандарди за безбедноста во нашиот нов мал SUV. Тој е дизајниран да биде безбеден во градска средина, со технологија која е конкретно насочена кон заштита на луѓето во прометните урбани средини.
Долго време се фокусираме на безбедноста во градските средини каде што автомобилите го споделуваат просторот со пешаците и велосипедистите“, изјави Аса Хаглунд, раководител на нашиот Центар за безбедност. „Со Volvo EX30, градската безбедност ја носиме на сосема ново ниво, создавајќи мал SUV што е ваш совршен придружник за удобно возачко искуство, грижејќи се за вас и за другите луѓе на прометните улици во модерните градови.
Најсовремена заштитна безбедност
Како најмал SUV досега од Volvo Cars, новиот EX30 е исто толку безбеден колку што очекувате од кој било автомобил Volvo. Заснован врз нашето уникатно познавање од областа на безбедноста и врз истражувањето на незгодите од вистинскиот живот, EX30 е дизајниран да помогне да се заштити неговиот возач и патниците во случај на судир. Тоа го прави преку најсовремена технологија за врзување, како и преку врвниот дизајн на конструкцијата што ги исполнува нашите амбициозни локални барања за безбедноста – дизајнирани да се подготват нашите автомобили за различни сценарија во вистинскиот свет.
Заштитата на луѓето во автомобилот во случај на судир отсекогаш ни претставувала врвен приоритет. Поради тоа што се работи за електричен автомобил, природно се фокусиравме на интегритетот на батеријата. Шасијата и безбедносниот кафез се изградени со различни видови челик со голема јачина што го ублажуваат влијанието од можен судир на ефикасен начин.
Столбовите A и C, како и покривот, исто така се зајакнати за оптимален конструкциски дизајн, за дополнително да се помогне во заштитата на луѓето во автомобилот. EX30 исто така вклучува воздушно перниче на спротивната страна од внатрешноста на возачкото седиште, дизајнирано да помогне да се намалат повредите на главата и градниот кош, во случај на страничен удар.
Сепак, покрај нашите врвни стандарди за пасивна безбедност, Volvo EX30 нуди и напреден комплет од нови активни безбедносни функции што помагаат да се заштитат луѓето во и надвор од автомобилот.
Автомобил што ве поддржува кога ви е потребен
Во внатрешноста на EX30, новиот напреден систем за предупредување на возачот доаѓа како стандард и внимава на вас кога не се чувствувате најдобро. Дополнително на откривањето за присуство на рацете на воланот, автомобилот исто така има и специјален сензор што работи на моќни алгоритми и се наоѓа зад воланот, што открива движење на очите и лицето околу 13 пати во секунда.
На овој начин, EX30 може да се обиде да разбере дали вниманието ви е одвлечено, дали сте поспани или на некој друг начин не внимавате, дури доколку и самите можеби не сте свесни за тоа.
Во градот, нашата нова карактеристика за автоматско сопирање на раскрсница е дизајнирана да ви помага да избегнувате незгоди на раскрсници. Во случај друг автомобил неочекувано да ви го пресече патот однапред, карактеристиката за автоматска интервенција во сопирањето е направена да го сопре автомобилот и да помогне да се ублажи или избегне судир.
Накратко, како и кај секој автомобил Volvo, новиот EX30 е опремен со широк комплет на системи за активна безбедност и поддршка на возачот. Ќе споделиме повеќе детали за целосната технологија за безбедност и поддршка на возачот во EX30 при претставувањето.
На 7 јуни, новиот целосно електричен Volvo EX30 теренец ќе го има своето глобално деби. На истиот датум исто така ќе стане достапен за нарачки и преднарачки на определени пазари.
