Ја ажурираме нашата стратегија за одржливост

„Не смее да се преговара околу тоа дали да се преземат дејствија за борба против климатските промени и целосната електрификација претставува важен чекор во нашето пионерско патување“, рече Џим Роан, Главен извршен директор на Volvo Cars. „Додека се обидуваме дополнително да ги намалиме емисиите во нашиот синџир на производство до крајниот потрошувач, имаме одговорност да направиме повеќе и да се справиме со отпечатокот што го оставаме врз биодиверзитетот, како и да помогнеме да им се подобрат животите на луѓето. Нашата надградена стратегија е дизајнирана да ни помогне да го направиме токму тоа.“

Накратко, еве ги нашите нови амбиции за одржливоста за 2030 година:

1. Да ги намалиме нашите емисии на CO2 по автомобил за 75 проценти (во споредба со нивоата од 2018 година).
2. Да ја намалиме енергетската потрошувачка во нашата работа за просечен автомобил за 40 проценти (во споредба со нивоата од 2018 година).
3. Да достигнеме 30 отсто просечна рециклирана содржина во нашиот возен парк, со нови модели на автомобили што имаат најмалку 35 проценти рециклирана содржина.
4. Да ја намалиме потрошувачката на вода во нашата работа за 50 отсто во просек по автомобил (во споредба со нивоата од 2018 година).
5. Најмалку 99 отсто од целиот отпад од нашата работа или да повторно да се искористи, или да се рециклира.

Откако ја објавивме нашата стратегија за одржливост во 2019 година, направивме некои значителни чекори кон постигнување на нашите цели за дејства околу климата. На пример, 69 отсто од нашата работа сега се напојува со енергија од климатски неутрални извори, во споредба со 55 отсто во 2019 година. А сега користиме 100 отсто климатски неутрална електрична енергија во нашите производствени погони на светско ниво, во споредба со 80 отсто во 2019 година. Исто така ги намаливме нашите емисии на CO2 по автомобил за 19 отсто од 2018 година.

Нето нула емисии на стакленички гасови до 2040 година

Нашата цел сега е да постигнеме нето нула емисии на стакленички гасови до 2040 година. Ова ги проширува нашите претходни амбиции да бидеме климатски неутрални до 2040 година и ја разјаснува нашата намера да ги отстраниме јаглеродните емисии и да компензираме за сите неизбежни емисии. Нашиот приоритет останува да ги намалиме вистинските емисии пред да се свртиме кон отстранување на јаглеродните емисии и ги поттикнуваме нашите добавувачи да го сторат истото.

Како признание на фактот дека финансиите играат клучна улога во унапредување на развојот на одржливоста, исто така имаме намера да постигнеме 100 отсто зелен долг или финансирање на средства поврзани со одржливоста до 2025 година.

2030 е година-меѓник за нас. Дотогаш планираме да бидеме целосно електрични, исто така целејќи кон намалување на емисиите на CO2 по просечен автомобил за 75 проценти во споредба со нивоата од 2018 година. Веруваме дека преку комбинација од продавање само целосно електрични автомобили и намалување на емисиите за 30 отсто од двата наши синџири на достава и операции по просечен автомобил, ние ќе бидеме на пат кон исполнување на нашите цели за намалување на CO2.

Работиме кон тоа да станеме циркуларен бизнис до 2040 година

Од 2019 година, исто така се фокусиравме на прифаќање на циркуларната економија. Volvo Cars веќе има поголем удел на рециклирани материјали отколку кога било претходно. На пример, речиси 25 отсто од целиот алуминиум во нашиот нов EX30 мал теренец се рециклирани, додека приближно 17 отсто од целиот челик и пластика во автомобилот доаѓа од рециклирани извори.

До 2030 година имаме цел да користиме во просек 30 отсто рециклирани содржини во нашиот возен парк ¹, а новите модели на автомобили пуштени во продажба од 2030 година да содржат најмалку 35 отсто рециклирани содржини. Исто така, до 2030 година, сакаме 99 отсто од целиот отпад или повторно да се користи или да се рециклира, во споредба со рециклирањето на 94 отсто од отпадот од светското производство во 2022 година.

Целиме да бидеме нето позитивни и да придонесеме кон позитивна иднина за природата

Ние веруваме во преземање пристап кон целосниот синџир на производство до крајниот корисник во однос на влијанието што го имаме врз биодиверзитетот. За да откриеме како нашите дејства влијаат врз биодиверзитетот, ние спроведовме проценка на влијанието користејќи податоци за производството и продажбата од 2021 година за да го процениме нашиот годишен отпечаток врз биодиверзитетот користејќи го моделот ReCiPe. Со овие сознанија како основа, сега определуваме долгорочна амбиција да се стремиме да бидеме нето позитивни во целиот производствен синџир до крајниот корисник² и да придонесеме кон позитивна иднина за природата³.

Накратко, ова значи дека ќе преземеме дејства за да ги избегнеме и намалиме нашите влијанија, како и да се вклучиме во враќањето и регенерирањето на природата до степен до кој тоа позитивно ќе ги балансира нашите негативни влијанија.

Ова ќе бара мешавина од краткорочни и долгорочни мерки што моментално ги развиваме. На пример, избегнување и намалување на влијанијата во нашиот производствен синџир до крајниот корисник, дизајнирање програма за активности за реставрирање и конзервирање во рамките на еко-системите каде што работиме или од каде што црпиме материјали, како и соработка со партнерите во синџирот на снабдување за создавање свест околу проблемите со биодиверзитетот.

Помогнете да се заштитат човечки животи во нашиот производствен синџир до крајниот корисник и подалеку од него

Како компанија што се грижи за луѓето, ние сакаме да имаме позитивно влијание врз општеството. Еден од начините на којшто се обидуваме да ги заштитиме луѓето е преку фокусирање на нашата стапка на повреди (LTCR)⁴. Моменталната стапка на повреди е 0,07, што е во рамките на водечките нивоа во индустријата, но нашата цел е дополнително да ја намалиме стапката на повреди на работното место на 0,02 до 2030 година. Во нашиот производствен синџир до крајниот корисник исто така вложуваме многу напори да помогнеме да се заштитат човековите права преку процеси со разумни чекори врз основа на ризикот⁵ да се следат, препознаат, оценат и да се постапува во однос на ризиците околу човековите права.

Заедно со партнерите со слични ставови, ние се радуваме што ќе претставиме нови општествени и еколошки иницијативи во годината што претстои, насочени кон помагањето на заштитата на луѓето и планетата. Скорешните примери ја вклучуваат нашата финансиска и усогласена поддршка за „Save the Children“ („Заштита на децата“) и реакцијата на UNICEF во Украина, како и нашата соработка со „Girls Who Code“ („Девојки што програмираат“).

¹ Ова се однесува на сите модели што моментално се произведуваат во тоа време.

² Ова значи дека ќе преземеме дејства за избегнување и намалување на нашите влијанија, како и за активирање за враќањето и регенерацијата на природата до степенот што позитивно ги балансира нашите негативни влијанија.

³ Нашата цел да придонесеме кон позитивните исходи во природата значи дека нема да имаме цел само да бидеме нето позитивни, туку и постојано да го намалуваме нашето негативно влијание во однос на основата од 2021 година.

⁴ Стапката на повреди (LTCR) е дефинирана како бројот на незгоди на работа и професионални незгоди пријавени со барем еден ден боледување, поделено со одработените часови и помножено со 200.000.

⁵ Процеси со разумни чекори што се на глобално ниво спроведени за проценка на потенцијалното или фактичкото несакано влијание и давање приоритет на дејства за прекинување, спречување, олеснување и поправање на препознаените прекршувања на човековите права. Процесите треба да ги исполнуваат претстојната Директивата на ЕУ за проверки и ревизии околу корпоративната одржливост (CSDDD) и нашата програма за усогласеност во врска со човековите права. Ова вклучува одговорен систем за управување со добавувањето суровини што има за цел да воведе формализиран и конзистентен процес за проактивно управување со ризиците околу човековите права и животната средина во синџирите на доставување на Volvo Cars за сите наши препознаени засегнати суровини (RMOC).