Volvo 144 ბენზინი

1966 წლის აგვისტოში Volvo-მ წარმოადგინა ახალი 4-კარიანი ავტომობილი სახელწოდებით Volvo 144. მან საფუძველი ჩაუყარა სრულიად ახალი ავტომობილების სერიის დასაწყისს, რომლებიც 1974 წლამდე Volvo-ს სერიულ წარმოებაში იყო.

144 მოდელის სტილი მართლაც კლასიკური იყო და ამას ადასტურებს ის ფაქტი, რომ ავტომობილი, შემდგომი გაუმჯობესებული ფორმით, წარმატებით იყიდებოდა 1990-იანი წლების დასაწყისშიც კი. ამ ავტომობილის მთავარ მახასიათებელს წარმოადგენდა შუშის დიდი ზომები და სამი გვერდითი ფანჯარა.

144-ს ქონდა ძალიან ფართო სალონი და დიდი საბარგული. Volvo 144-ი ასევე აღჭურვილი იყო უსაფრთხოების ახალი ფუნქციები. ძარის წინა და უკანა ნაწილში განლაგდებოდა ენერგიის შთანთქმის ზონები. გარდა ამისა, ავტომობილი იყენებდა უნიკალურ სამუხრუჭე სისტემას, რომელშიც ყოველი სამუხრუჭე კონტური მართავდა სამ ბორბალს. ოთხივე ბორბალზე გამოიყენებოდა დისკური მუხრუჭები. სალონს არ ჰქონდა ამობურცული ნაწილები, ხოლო მძღოლისა და წინა მგზავრის სავარძლები აღჭურვილი იყო უსაფრთხოების ღვედებით.

ტექნიკური მახასიათებლები
მოდელი: 144
წარმოების წლები: 1966 - 1974 წწ
წარმოების მოცულობა: 523808
ძარა: 4-კარიანი სედანი.
ძრავა: 4 ცილინდრიანი, ერთრიგა, ზედა განლაგების სარქველებით; 1 778 კუბ. სმ, 84,14 x 80 მმ, 75 ან 90 ცხენის ძალა და 1 986 კუბ. სმ; 88,9x80 მმ, სიმძლავრის სხვადასხვა ვარიანტით.
გადაცემათა კოლოფი: 4 სიჩქარიანი მექანიკური, 4 სიჩქარიანი მექანიკური ელექტრო მაჩქარებელი გადაცემით ან 3 სიჩქარიანი ავტომატური.
მუხრუჭები: ჰიდრავლიკური, დისკური მუხრუჭები ყველა ბორბალზე.
გაბარიტული ზომები: საერთო სიგრძე 464 სმ, თვლების ბაზა 260 სმ