Volvo 164 ბენზინი

1968 წლის შემოდგომაზე Volvo-მ წარმოადგინა Volvo 164. ეს იყო Volvo 144-ის ვარიანტი, მაგრამ უფრო მაღალი კლასის ავტომობილის სტატუსი ჰქონდა.

ტექნიკური თვალსაზრისით მთავარი განსხვავება მდგომარეობდა იმაში, რომ Volvo 164-ს კაპოტის ქვეშ ჰქონდა 3.0-ლიტრიანი 6-ცილინდრიანი ძრავა. ეს ძრავა შეიქმნა 2.0-ლიტრიანი, 4-ცილინდრიანი ძრავის საფუძველზე, რომელიც იმავე 1968 წელს იყო წარმოდგენილი 140 სერიისთვის. თავიდანვე 164 მოდელს ჰქონდა ორი კარბურატორი, ხოლო მოგვიანებით გახდა ხელმისაწვდომი საწვავის შეფრქვევის სისტემითაც.

ეს იყო პირველი შემთხვევა 10 წლის განმავლობაში, როდესაც Volvo-მ შეძლო 6 ცილინდრიანი ავტომობილის შემოთავაზება. ბოლოს ეს ტექნოლოგია გამოიყენებოდა 830 სერიის ტაქსების გამოშვებისას.

თუმცა, თუ საუბარია კერძო მყიდველებზე გათვლილ ავტომობილებზე, Volvo-ს თითქმის 20 წლის განმავლობაში არ ჰქონია 6 ცილინდრიანი ავტომობილები, სახელდობრ, 1950 წლიდან, როდესაც PV60-ის წარმოება შეწყდა.

რაც შეეხება 164 მოდელს, მას განასხვავებდა ძარის წინა ნაწილის ორიგინალური სტილი. დაგრძელებულმა კაპოტმა უზრუნველყო ადგილი უფრო დიდი ძრავისთვის. წინა ნაწილის ფორმა პრესტიჟულ იერს ანიჭებდა დიდი რადიატორის ცხაურის წყალობით.

სალონში დაყენებული იყო სრულიად განსხვავებული სავარძლები, ტყავის ან ქსოვილის გადასაკრავით მყიდველის არჩევნიდან გამომდინარე.

მოდელი Volvo 164 იწარმოებოდა 1968-1975 წლებში. 1975 წელს გამოშვებული ამ მოდელის ავტომობილების უმრავლესობა გაიგზავნა აშშ-ში.

ტექნიკური მახასიათებლები
მოდელი: 164
წარმოების წლები: 1968 - 1975 წწ
წარმოების მოცულობა: 146008
ძარა: 4-კარიანი სედანი
ძრავა: 6 ცილინდრიანი, ერთრიგა, ზედა განლაგების სარქველებით; 2 978 კუბ. სმ, 88,9 x 80 მმ, 135-175 ცხენის ძალა.
გადაცემათა კოლოფი: 4 სიჩქარიანი მექანიკური, 4 სიჩქარიანი მექანიკური ელექტრო მაჩქარებელი გადაცემით ან 3 სიჩქარიანი ავტომატური.
მუხრუჭები: ჰიდრავლიკური, დისკური ყველა ბორბალზე.
გაბარიტული ზომები: საერთო სიგრძე 470 სმ, თვლების ბაზა 270 სმ.