Volvo 940 Sedan ბენზინი • დიზელი

1990 წლის შემოდგომაზე იყო წარმოდგენილი ახალი სამოდელო ხაზი Volvo 940/960. ახალმა 940 მოდელმა ჩაანაცვლა 740, რომელიც, წარმოებაში დარჩა, როგორც 740 GL-ის ძირითადი მოდელი. Volvo 940, რომელიც გარეგნულად 960-ს წააგავდა, იყო აღჭურვილი 4-ცილინდრიანი ბენზინის ძრავით ან 6-ცილინდრიანი ტურბო-დიზელით.

Volvo 940 -ში ასევე იყო რეალიზებული უსაფრთხოების ახალი ფუნქციები. ისევე, როგორც მისი უმაღლესი კლასის მოდელი 960, მოცემული მოდელი სტანდარტულ კომპლექტაციაში აღჭურვილი იყო სამწერტილიანი ინერციული საკეტის მქონე უსაფრთხოების ღვედით და ასევე უკანა სავარძლის ცენტრში რეგულირებადი თავის მისადებით, რაც მსოფლიო მასშტაბის მიღწევას წარმოადგენდა საგზაო უსაფრთხოების უზრუნველყოფის სფეროში. გარდა ამისა, შესაძლებელი იყო დამატებით უკანა სავარძლის ცენტრალურ სამკლავურში ჩაშენებული ბავშვის სავარძლის შეკვეთა.

უსაფრთხოების სფეროს ამ და სხვა ელემენტმა მოდელს მრავალი საერთაშორისო აღიარება მოუტანა, მათ შორისაა „პრინც მაიკლის საგზაო უსაფრთხოების ჯილდო“ და „Autocar & Motor“ პრემია უსაფრთხოების საუკეთესო მახასიათებლებისთვის.

ტექნიკური მახასიათებლები
მოდელი: 940 სედანი
წარმოების წლები: 1990 - 1998 წწ
წარმოების მოცულობა: 246704
ძარა: 4-კარიანი სედანი
ძრავა: 4-ცილინდრიანი ერთრიგა აირგამანაწილებელი ლილვის ზედა განლაგებით 1 986 კუბ. სმ, 88,9 x 80 მმ; 4-ცილინდრიანი ერთრიგა აირგამანაწილებელი ლილვის ზედა განლაგებით 2 316 კუბ. სმ ტურბოკომპრესორით ან მის გარეშე, და 6-ცილინდრიანი ერთრიგა აირგამანაწილებელი ლილვის ზედა განლაგებით 2 383 კუბ. სმ ტურბო დიზელი
გადაცემათა კოლოფი: 4 სიჩქარიანი მექანიკური ელექტრო მაჩქარებელი გადაცემით ან 5 სიჩქარიანი მექანიკური ან 4 სიჩქარიანი ავტომატური
მუხრუჭები: ჰიდრავლიკური, ყველა ბორბალზე დისკური მუხრუჭი
გაბარიტული ზომები: საერთო სიგრძე 487 სმ, თვლების ბაზა 277 სმ.