Volvo P130 Amazon 2-d ბენზინი

1961 წლის სექტემბერში წარმოდგენილი იყო კიდევ ერთი 2-კარიანი სედანის ვერსია 121/122S-ის საფუძველზე. ეს იყო დიდი ხნის ნანატრი ავტომობილი, განსაკუთრებით შვედეთის ბაზარზე, რადგან 2-კარიანი ავტომობილები იმ დროს შვედეთში ძალიან პოპულარული იყო.

ტექნიკური თვალსაზრისით, ამ ორ მოდელს შორის განსხვავება არ იყო. ახალ 2-კარიან მოდელს ჰქონდა უფრო გრძელი კარები უკანა სავარძელზე უფრო მარტივად დასაჯდომად, ამავე მიზეზით წინა სავარძლები, წინ იკეცებოდა. ვენტილაციის გასაუმჯობესებლად უკანა გვერდითი ფანჯრების კიდეების გახსნა იყო შესაძლებელი.

თავდაპირველად ძრავის დამზადებისას ჩაფიქრებული იყო 4-კარიანი მოდელის პროგრამის შესრულება. თუმცა, იქედან გამომდინარე, რომ 2-კარიანი მოდელისთვის განკუთვნილი ძრავი იყო გარკვეულწილად უფრო მსუბუქი, იგი ჩაითვალა უფრო შესაფერად, როგორც სპორტულ შეჯიბრებში, ასევე ავტორბოლებში მონაწილეობისთვის.

Amazon სპორტული იმიჯის ასამაღლებლად 1966 წელს იყო წარმოდგენილი სწრაფი და კარგად აღჭურვილი ვერსია 123GT, რომელშიც გამოიყენებოდა 1800S სპორტული ავტომობილის ძრავა.

1968 წელს ამ მოდელს დაემატა ძრავის კიდევ ერთი ვერსია — ე.წ. B20 ძრავა, 2.0 ლიტრიანი მოცულობით.

P130-ის წარმოება გაგრძელდა 1970 წლის 2 ივლისამდე. ეს იყო ამ ავტომობილების ოჯახის უკანასკნელი ვერსია, სულ წლების მანძილზე იყო წარმოებული P130 მოდელის 667 323 ავტომობილი.

ტექნიკური მახასიათებლები
მოდელი: P130 Amazon, 2-d
ვარიანტები: P 131, P 132 (SPORT), P 123 GT
წარმოების წლები: 1961 - 1970 წწ
წარმოების მოცულობა: 359916
ძარა: 2-კარიანი სედანი
ძრავა: 4 ცილინდრიანი, ერთრიგა, ზედა განლაგების სარქველებით, 1 778 კუბ. სმ, (108 კუბ. დუიმი), 84,14 x 80 მმ; 75 ცხენის ძალა 4500 ბრ/წ. ან 90 ცხენის ძალა 5 000 ბრ/წ, 95 ცხენის ძალა 1964 წელს, 115 ცხენის ძალა 1966 წელს. 1968 წელს: 1986 კუბ.სმ, 88,9 x 80 მმ, 90 ცხენის ძალა — 4 800 ბრ/წთ, 118 ცხენის ძალა — 5 800 ბრ/წთ.
გადაცემათა კოლოფი: 3 სიჩქარიანი, მექანიკური ან 4 სიჩქარიანი, მექანიკური, მაჩქარებელი გადაცემით, იატაკზე დამონტაჟებული სიჩქარეების გადამრთველი ბერკეტით. 3-სიჩქარიანი ავტომატური, გადაცემათა გადართვის ბერკეტით საჭის სვეტზე.
მუხრუჭები: ჰიდრავლიკური დოლური მუხრუჭი ყველა ბორბალზე., S-ვერსიისთვის წინა დისკური მუხრუჭები. 1964 წელს ყველა მოდელი იყო აღჭურვილი წინა დისკური მუხრუჭებით.
გაბარიტული ზომები: საერთო სიგრძე 445 სმ, თვლების ბაზა 2600 მმ.