Volvo P1800/1800 ბენზინი

1959 წლის დასაწყისში Volvo-მ წარმოადგინა ახალი სპორტული ავტომობილი ბოჭკოვანი მინით გამაგრებული პოლიესტერისგან დამზადებული ძარით. ეს მოხდა Volvo Sport-ის გამოშვების წინა მცდელობიდან ორი წლის შემდეგ.

ახალი ავტომობილი ცნობილი გახდა P1800 სახელწოდებით, ხოლო შემდგომში მარკირებული იყო, როგორც P1800S/1800S და 1800E. ამ ახალ სპორტულ ავტომობილს იტალიური სტილი ჰქონდა და მისი წარმოება დაიწყო 1961 წელს.

იმის გამო, რომ Volvo-ს ჯერ არ გააჩნდა საკმარისი შესაძლებლობები, პირველი ავტომობილების წარმოება ინგლისში ხდებოდა. ძარებს აწარმოებდა კომპანია Pressed Steel, ხოლო საბოლოოდ იწყობოდა Jensen-ის ქარხანაში. 1963 წელს P-1800 S-ის აწყობა გადაიტანეს გეტებორგსა და ლუნდბიუში. ძარის წარმოებაც გადაიტანეს შვედეთის ქალაქ ულუფსტრემში. მიზეზი მდგომარეობდა 1969 წელს 1800 E მოდელზე გადასვლაში. Volvo P1800 დაფუძნებული იყო Volvo 121/122S-ის ძირზე, მაგრამ მას უფრო მოკლე თვლების ბაზა ჰქონდა. მანქანას ასევე ჰქონდა სრულიად ახალი 1,8 ლიტრიანი, 4-ცილინდრიანი ძრავა, რომელიც თავდაპირველად ავითარებდა 100 ცხენის ძალის სიმძლავრეს, ხოლო მოგვიანებით მისი მახასიათებლები გაუმჯობესდა 108, 115 და 120 ცხენის ძალის სიმძლავრემდე.

მრავალი წლის განმავლობაში, ავტომობილის ძირითადი ცვლილებები ხდებოდა ახალი ძრავების დაყენების ხარჯზე. 1968 წლის შემოდგომაზე იყო წარმოდგენილი 2.0 ლიტრიანი მოცულობის ძრავა 118 ცხენის ძალის სიმძლავრით. შემდეგ 1969 წელს მას მოჰყვა ვერსია საწვავის შეფრქვევის სისტემითა და კიდევ უფრო მაღალი სიმძლავრით.

ტექნიკური მახასიათებლები
მოდელი: P1800 / 1800
ვარიანტები: P 1800 S, 1800 S, 1800 E
წარმოების წლები: 1961 - 1972 წწ
წარმოების მოცულობა: 39414
ძარა: 2-ადგილიანი კუპე
ძრავა: 4 ცილინდრიანი, ერთრიგა, ზედა განლაგების სარქველებით; 1 778 კუბ. სმ; 84,14 x 80 მმ; 100 ცხენის ძალა 5500 ბრ/წ, 1968 წელს გაიზარდა 108 ცხენის ძალამდე — 5800 ბრ/წთ. 1968 წელს გაჩნდა 2,0-ლიტრიანი ვერსია, 1986 კუბ.სმ (88.9 x 80 მმ), კარბიურატორის ძრავით, რასაც მოჰყვა 1969 წელს საწვავის შეფრქვევის სისტემის მქონე ძრავის ვერსია, 120 ცხენის ძალის სიმძლავრით.
გადაცემათა კოლოფი: 4 სიჩქარიანი, მექანიკური ან 4 სიჩქარიანი, მექანიკური მაჩქარებელი გადაცემით ან 3 სიჩქარიანი ავტომატური იატაკზე დამონტაჟებული სიჩქარეების გადამრთველი ბერკეტით.
მუხრუჭები: ჰიდრავლიკური, დისკური წინა და დოლური უკანა, შემდგომ მოდელებს ჰქონდა დისკური ყველა ბორბალზე.
გაბარიტული ზომები: საერთო სიგრძე 440 სმ, თვლების ბაზა 245 სმ.
სხვა ინფორმაცია: Volvo-ს ეს მოდელი გახდა ცნობილი ფილმის „წმინდანი“ წყალობით, რომლის გმირი საიმონ ტემპლარი (როჯერ მური) მართავდა ამ მოდელის ავტომობილს.