Volvo P210 Duett ბენზინი

მოდელი P210 წარმოადგენდა PV445 მოდელის ლოგიკურ გაგრძელებას. მოდელის სახელწოდება შეიცვალა 1960 წლის შემოდგომაზე, როდესაც ავტომობილს დაემატა იგივე მრუდე საქარე მინა და ახალი ხელსაწყოთა პანელი, რომელიც გამოიყენებოდა PV544-ში 1958 წლის აგვისტოდან.

ამავე დროს შეწყდა შასის წარმოება სპეციალური ძარებისთვის. წლების განმავლობაში მყიდველების ინტერესი სპეციალური ავტომობილების აწყობის მიმართ შემცირდა და ამავე დროს მათი ღირებულება მკვეთრად გაიზარდა. თუმცა, P210 კვლავ ხელმისაწვდომი იყო ფურგონის ან მრავალფუნქციური უნივერსალის სახით.

1962 წლის ზამთარში P210 მოდელმა მნიშვნელოვანი მოდიფიკაცია განიცადა. ეს მოდელი ასევე აღჭურვილი იყო B18 ძრავით, 75 ცხენის ძალის სიმძლავრით. კიდევ ერთ მნიშვნელოვან სიახლეს წარმოადგენდა 12 ვოლტიან ელექტროსისტემაზე გადასვლა.

P210 Duett ძირითადად იყიდებოდა სკანდინავიურ ბაზრებზე. ამ სერიის ბოლო ავტომობილი აწყობილი იყო 1969 წლის თებერვალში.

ტექნიკური მახასიათებლები
მოდელი: P 210
დუეტის ვარიანტები: P 210 დუეტი და ფურგონი: A, B, C, D, E, F, M, P
წარმოების წლები: 1960 - 1969 წწ
წარმოების მოცულობა: 60100
ძარა: უნივერსალი და ავტოფურგონი
ძრავა: 4 ცილინდრიანი, ერთრიგა, ზედა განლაგების სარქვლებით; 1 583 კუბ. სმ; 79,37 x 80 მმ; 60 ცხენის ძალა 4500 ბრ/წ. 1968 წელს: 1778 კუბ.სმ, 84,14 x 80 მმ, 75 ცხენის ძალა — 4500 ბრ/წთ.
გადაცემათა კოლოფი: 4 სიჩქარიანი, მექანიკური, იატაკზე დამონტაჟებული სიჩქარეების გადამრთველი ბერკეტით.
მუხრუჭები: ჰიდრავლიკური დოლური მუხრუჭი ყველა ბორბალზე.
გაბარიტული ზომები: თვლების ბაზა 2600 მმ.