შეტყობინება ავტომობილის კონფიდენციალურობის შესახებ

2.1 საინფორმაციო-გასართობი მიზნებისთვის გამოსაყენებელი მონაცემები

2.1.1 ავტომობილის მართვის ჟურნალი

ავტომობილის მართვის ჟურნალებში ავტომატურად იწერება ყველა თქვენი მგზავრობა. ეს შეიძლება სასარგებლო იყოს, როდესაც, მაგალითად, გსურთ გარბენთან დაკავშირებული ხარჯების მართვა. ავტომობილის მართვის ჟურნალი უნდა გააქტიურდეს თქვენ მიერ, წინააღმდეგ შემთხვევაში მონაცემები არ შეგროვდება.

თუ ჩართავთ ავტომობილის მართვის ჟურნალს, ჩვენ შევაგროვებთ თქვენს იდენტიფიკატორებს, როგორიცაა სახელი და გვარი, ტელეფონის ნომერი და ელფოსტის მისამართი, თქვენი ავტომობილის საიდენტიფიკაციო ნომერი (VIN) და ავტომობილის მდებარეობა, ასევე მგზავრობასთან დაკავშირებულ სხვა ინფორმაციას, როგორიცაა თქვენი მარშრუტები, დრო, მანძილი, საწვავის და/ან ელექტრომუხტის მოხმარება და გარბენი. თქვენი ავტომობილის მოდელის მიხედვით, შეგროვდება მხოლოდ საწყისი და საბოლოო პოზიცია ან სრული მარშრუტი.

ჩვენ ვამუშავებთ ამ მონაცემებს თქვენი თანხმობის საფუძველზე.

როგორც წესი, ავტომობილის მართვის ჟურნალის მონაცემები შეინახება მაქსიმუმ 400 დღის განმავლობაში, ავტომობილის მოდელის მიხედვით. თქვენ შეგიძლიათ ნებისმიერ დროს გამორთოთ ავტომობილის მართვის ჟურნალი, რა შემთხვევაშიც მონაცემების შეგროვება შეწყდება. ეს არ წაშლის ადრე შეგროვებულ ინფორმაციას.

2.1.2 პროგრამული უზრუნველყოფის განახლება უსადენო ქსელით (OTA)

პროგრამული უზრუნველყოფის უსადენო განახლებებით შესაძლებელია თქვენი ავტომობილის განახლება და უახლესი პროგრამული უზრუნველყოფის შენარჩუნება ავტოსერვისში ვიზიტის გარეშე. უახლესი პროგრამული უზრუნველყოფის გამოყენებით შეძლებთ ჩვენი განახლებული სერვისებით სრულად სარგებლობას. უახლესი პროგრამული უზრუნველყოფის გამოყენებით ასევე გააუმჯობესებთ დაცვას კიბერუსაფრთხოების ინციდენტებისგან.

ავტომობილის პროგრამული უზრუნველყოფის და მისი აუცილებელი განახლებების უზრუნველსაყოფად ჩვენ მიერ დამუშავდება შემდეგი მონაცემები:

ზემოთ აღნიშნული მონაცემების ჩვენ მიერ დამუშავების სამართლებრივ საფუძველს წარმოადგენს თქვენი თანხმობა.

ჩვენ შევინახავთ პროგრამული უზრუნველყოფის განხორციელებული განახლებების ჩანაწერებს ავტომობილის ექსპლუატაციის მთელი პერიოდის განმავლობაში.

შეგიძლიათ ნებისმიერ დროს დაეთანხმოთ ან არ დაეთანხმოთ პროგრამული უზრუნველყოფის ავტომატურ განახლებებს კონფიდენციალურობის პარამეტრებში. თუ დაეთანხმებით, პროგრამული უზრუნველყოფის განახლებები ავტომატურად ჩამოიტვირთება და თქვენ მიიღებთ შეტყობინებას, როცა განახლება მზად იქნება დასაინსტალირებლად. თუ არ დაეთანხმებით, თქვენ მიიღებთ შეტყობინებას, როცა ახალი განახლება ხელმისაწვდომი იქნება ჩამოსატვირთად. თუ არ გსურთ პროგრამული უზრუნველყოფის უსადენო განახლებების გამოყენება, შეგიძლიათ დააინსტალიროთ განახლებები ავტოსერვისში, ჩვენს სისტემებთან აუცილებელი კავშირის დამყარებით.

2.1.3 უსაფრთხოების სისტემა Connected Safety

ჩვენი ავტომობილები აღჭურვილია Connected Safety-ით – ჩვენი სერვისით, რომელიც მანქანის მართვის დროს გაცნობებთ არსებული საგზაო საფრთხეების შესახებ. ეს ინფორმაცია ეფუძნება სხვა ავტომობილებიდან ან საჯარო წყაროებიდან გამოგზავნილ ინფორმაციას, ასეთების არსებობისას. ეს ინფორმაცია გამოიყენება იმისათვის, რომ წინასწარ გაგაფრთხილოთ საგზაო პირობების ცვლილებების ან პოტენციური საგზაო საფრთხეების შესახებ გაფრთხილებების ჩვენებით, რათა შეძლოთ მართვის სტილის შესაბამისად ადაპტირება. თუ თქვენი საკუთარი ავტომობილი დააფიქსირებს პოტენციურ საგზაო საფრთხეს, როგორიცაა საბურავების გზასთან შეჭიდების შემცირება, ან საავარიო სიგნალიზაციის გააქტიურებისას, ეს ინფორმაცია იგზავნება Volvo Cars-ში. ინფორმაცია შეჯამებული და ანონიმიზებული სახით გაიგზავნება ავტომობილებში, რომლებიც უახლოვდებიან თქვენი საკუთარი ავტომობილის პოზიციას.

მონაცემები, რომლებსაც ვაგროვებთ და ვამუშავებთ Connected Safety სერვისის უზრუნველსაყოფად, შემდეგია:

ზემოთ აღნიშნული მონაცემების ჩვენ მიერ დამუშავების სამართლებრივ საფუძველს წარმოადგენს ხელშეკრულების შესრულება. თქვენ შეგიძლიათ ნებისმიერ დროს ჩართოთ ან გამორთოთ სერვისი.

გარდა ამისა, ზემოაღნიშნული მონაცემები ანონიმურად დამუშავდება და გადაეცემა საგზაო მოძრაობის სააგენტოებსა და კომპანიებს საგზაო მოძრაობასთან დაკავშირებული საფრთხეების თავიდან ასაცილებლად და შესამცირებლად, ასევე გზაზე უსაფრთხოების გასაუმჯობესებლად, ტექნიკურ მომსახურებასთან დაკავშირებული ხარჯების შესამცირებლად და საგზაო მოძრაობის მდგრადი გარემოს უზრუნველსაყოფად. Volvo Cars და Polestar Performance AB (შვედური კომპანია, რომლის სათაო ოფისის მისამართია Gothenburg, Assar Gabrielssons Väg 9, SE-405 31, Sweden (შვედეთი), შემდგომში მოხსენიებული, როგორც „Polestar“) წარმოადგენენ ერთობლივ მაკონტროლებლებს აღნიშნული მიზნებისთვის. რაც შეეხება ე.წ. „ერთობლივად პასუხისმგებელ მაკონტროლებლებს“ GDPR-ის მიხედვით, Volvo Cars და Polestar ერთობლივად აგებენ პასუხს ამგვარ დამუშავებაზე. Volvo Cars და Polestar ეთანხმებიან იმას, რომ Volvo Cars პასუხისმგებელია საკუთარი მომხმარებლებისთვის ინფორმაციის მიწოდებაზე და GDPR-ით გათვალისწინებული შესაბამისი უფლებები გამოყენებული იქნება Volvo-ს მომხმარებლების მიერ Volvo Cars-ის მიმართ.

ჩვენ შევინახავთ ინფორმაციას 1 კვირის განმავლობაში.

2.1.4 ციფრული გასაღები

ციფრულ გასაღებს შეუძლია სრულად ჩაანაცვლოს მანქანის ჩვეულებრივი გასაღები, მისი საშუალებით შეგიძლიათ მოხერხებულად ჩაკეტოთ, გააღოთ ან დაქოქოთ მანქანა სმარტფონიდან ან სმარტსაათიდან. გარდა ამისა, შეგიძლიათ გაუზიაროთ გასაღები სხვა მომხმარებლებსაც სხვადასხვა ციფრული არხით.

ციფრული გასაღების გასაზიარებლად ან გასაუქმებლად საჭიროა მხოლოდ ქსელური კავშირი გასაღების პირველი ერთჯერადი კონფიგურირების დროს. კონფიგურირების შემდეგ გასაღები იმუშავებს Bluetooth-ის, Near Field Communication-ის (NFC) და Ultra-Wideband Technology-ს (UWB) საშუალებით. კონფიგურირების დროს გასაღები დაემატება თქვენს საფულის აპლიკაციას თქვენს სმარტმოწყობილობაზე. საფულის აპლიკაციიდან შეძლებთ გასაღების გაზიარებას მიმოწერის აპების, ფოსტის ან Airdrop^®-ის მეშვეობით. ასევე ადვილად შეძლებთ გაზიარებული გასაღების გაუქმებას საფულის აპლიკაციიდან ან ავტომობილის Infotainment სისტემიდან.

ციფრული გასაღების გამოყენებისას დამუშავდება შემდეგი მონაცემები:

ზემოთ აღნიშნული მონაცემების ჩვენ მიერ დამუშავების სამართლებრივ საფუძველს წარმოადგენს ხელშეკრულების შესრულება.

ჩვენ შევინახავთ თქვენს მონაცემებს ჩვენ შორის დადებული ხელშეკრულების მოქმედების პერიოდის განმავლობაში.

2.1.5 ინფორმაცია საგზაო მოძრაობის შესახებ რეალურ დროში (RTTI)

რეალურ დროში საგზაო მოძრაობის შესახებ ინფორმაციის სერვისი იღებს ინფორმაციას საგზაო მოძრაობის შესახებ მესამე მხარის სერვისის პროვაიდერისგან.

ჩვენ ვამუშავებთ ავტომობილიდან მიღებულ შემდეგი სახის მონაცემებს, როგორიცაა:

მანქანის მოდელები, რომლებიც აღჭურვილია ისეთი სენსორით, რომლებსაც შეუძლიათ რეალურ დროში საგზაო ნიშნების ამოცნობა თქვენ მიერ ავტომობილის მართვის დროს, ამას უზრუნველყოფენ მონაცემების მხოლოდ ლოკალურად (მანქანაში) დამუშავების გზით.

ზემოთ აღნიშნული მონაცემების ჩვენ მიერ დამუშავების სამართლებრივ საფუძველს წარმოადგენს ხელშეკრულების შესრულება. თქვენ შეგიძლიათ ნებისმიერ დროს ჩართოთ ან გამორთოთ სერვისი.

Volvo Cars შეინახავს მონაცემებს მანამ, სანამ გამოწერა აქტიური იქნება. როგორც კი გამოწერა არააქტიური გახდება, VIN, სიჩქარე და მდებარეობა შეინახება მაქსიმუმ 90 დღის განმავლობაში, თუ არ არის საჭირო უფრო ხანგრძლივი პერიოდით შენახვა მოქმედი ადგილობრივი კანონის შესაბამისად.

2.1.6 დაშვებული სიჩქარის შენარჩუნების ტექნოლოგია (ISA)

დაშვებული სიჩქარის შენარჩუნების ტექნოლოგია (ISA) სავალდებულოა ფუნქციაა ზოგიერთ იურისდიქციაში, რომელიც იყენებს საგზაო ნიშნების მონაცემებს, რათა დაეხმაროს მანქანებს სიჩქარის ლიმიტის დაცვაში. არსებულ გზაზე სიჩქარის ლიმიტის გასაგებად ISA იყენებს მანქანის ნავიგაციის სისტემას საგზაო ნიშნების მონაცემების მისაღებად. სწორი მონაცემების უზრუნველსაყოფად ნავიგაციის სისტემას, თავის მხრივ, მანქანის პოზიცია სჭირდება.

გარდა ამისა, Volvo Cars-ს კანონით მოეთხოვება ინფორმირება თქვენ მიერ ავტომობილის გამოყენების შეჯამებული მონაცემების შესახებ, როგორიცაა:

ISA-ს და ინფორმირების უზრუნველსაყოფად მუშავდება შემდეგი მონაცემები:

ზემოთ აღნიშნული მონაცემების ჩვენ მიერ დამუშავების სამართლებრივ საფუძველს წარმოადგენს ჩვენი სამართლებრივი ვალდებულებების შესრულება.

ჩვენ შევინახავთ ინფორმაციას შეჯამებული სახით შესაბამის ორგანოებში მის გაგზავნამდე.

2.1.7 ხმოვანი მიმოწერა

ხმოვანი მიმოწერა ხმოვანი ბრძანებების უფრო მსხვილი სისტემის ნაწილია, რომლის მეშვეობითაც შეგიძლიათ მართოთ საინფორმაციო-გასართობი სისტემის ფუნქციები და შექმნათ და გაგზავნოთ SMS შეტყობინებები ხმოვანი ინსტრუქციების გაცემით. ხმოვანი ბრძანებებით დიალოგის ინიცირებისთვის, პირველ რიგში, უნდა გაააქტიუროთ ეს ფუნქცია. ხმოვანი მართვა გააქტიურებული დარჩება, სანამ მას განზრახ არ გათიშავთ ან სანამ უპასუხოდ არ დატოვებთ სისტემის სამ მოთხოვნას.

ხმოვანი მიმოწერის გამოყენებისას დამუშავდება შემდეგი მონაცემები:

ზემოთ აღნიშნული მონაცემების ჩვენ მიერ დამუშავების სამართლებრივ საფუძველს წარმოადგენს ხელშეკრულების შესრულება.

ჩვენ შევინახავთ ინფორმაციას შეტყობინების გაგზავნამდე.

2.1.8 ჰაერის ხარისხის ინდექსი

ეს ფუნქცია აჩვენებს ინფორმაციას ჰაერის ხარისხის შესახებ, როგორიცაა დაბინძურება და მტვრის ნაწილაკების დონე.

თავდაპირველად ნაჩვენები იქნება ინფორმაცია ავტომობილის შიგნით ჰაერის ხარისხის შესახებ.

თუ აირჩევთ ავტომობილის მდებარეობის გაზიარებას, ასევე ნაჩვენები იქნება ინფორმაცია ავტომობილის გარეთ ჰაერის ხარისხის შესახებ.

ზემოთ აღნიშნული მონაცემების ჩვენ მიერ დამუშავების სამართლებრივ საფუძველს წარმოადგენს ხელშეკრულების შესრულება.

მონაცემები წაიშლება მანქანაში ჩვენების შემდეგ.

2.1.9 რუკის უზრუნველყოფის სისტემა

ეს სერვისი გააუმჯობესებს ავტომობილს ფუნქციებს, როგორიცაა Pilot Assist და ადაპტირებადი კრუიზ-კონტროლი, თქვენი მიმდინარე მდებარეობის შესახებ რუკის განახლებული მონაცემების უზრუნველყოფით.

რუკის უზრუნველყოფის სისტემის ჩასართავად დამუშავდება შემდეგი მონაცემები:

ზემოთ აღნიშნული მონაცემების ჩვენ მიერ დამუშავების სამართლებრივ საფუძველს წარმოადგენს ხელშეკრულების შესრულება.

ჩვენ შევინახავთ მონაცემებს რუკის მონაცემების ჩამოტვირთვამდე.

2.2 უსაფრთხოებასთან დაკავშირებით გამოსაყენებელი მონაცემები

2.2.1 უსაფრთხოების მონაცემთა აქტიური ჩამწერი (ASDR)

„უსაფრთხოების მონაცემთა აქტიური ჩამწერის“ (ASDR) ძირითადი მიზანია ჩაწეროს ავტოსაგზაო შემთხვევებთან ან შეჯახების მსგავს სიტუაციებთან დაკავშირებული მონაცემები. ეს ინფორმაცია დამუშავდება ჩვენი კვლევისა და განვითარების დეპარტამენტის მიერ, რათა უკეთ გავაანალიზოთ ის გარემოებები, რომლებშიც მოხდა ავტოსაგზაო შემთხვევა, სხეულის და სხვა სახის დაზიანება.

თუ თანხმობას განაცხადებთ, Volvo Cars-ის მიერ შეგროვდება და დამუშავდება შემდეგი სახის მონაცემები შემდგომი განვითარებისა და უსაფრთხოებასთან დაკავშირებული აქტიური საჩივრების მიზნებისთვის:

ჩვენ მიერ ზემოაღნიშნული მონაცემების დამუშავების სამართლებრივ საფუძველს წარმოადგენს თქვენი თანხმობა და მონაცემებს შევინახავთ არაუმეტეს 10 წლის განმავლობაში, შემდეგ კი წავშლით მათ ან მოვახდენთ მათ ანონიმიზებას.

2.2.2 მოვლენების მონაცემთა ჩამწერი (EDR)

ავტომობილი ინახავს უსაფრთხოებასთან დაკავშირებულ ინფორმაციას, რომელიც უკავშირდება შეჯახებას ან შეჯახების მსგავს სიტუაციას, მოვლენების მონაცემთა ჩამწერში (EDR) – რომელიც ასევე ცნობილია, როგორც „შავი ყუთი“. უსაფრთხოებასთან დაკავშირებული ინფორმაციას მოიცავს ისეთ მონაცემებს, როგორიცაა:

როგორც წესი, ჩაწერილი პერიოდის ხანგრძლივობაა არაუმეტეს 30 წამი და EDR არ იწერს მონაცემებს მართვის ჩვეულებრივ პირობებში.

ზემოთ აღნიშნული მონაცემების ჩვენ მიერ დამუშავების სამართლებრივ საფუძველს წარმოადგენს ჩვენი სამართლებრივი ვალდებულებების შესრულება.

მონაცემები შეინახება სამართლებრივი მოთხოვნების შესაბამისად, სანამ არ გადაიწერება ახალი მოვლენებით.

2.2.3 საგანგებო ზარი (eCall)

საგანგებო ზარის (eCall) ფუნქცია ავტომატურად ააქტიურებს საგანგებო ზარს და მონაცემების გაგზავნას გარკვეული ტიპების ავარიის შემთხვევაში, რომელიც ფიქსირდება ავტომობილის ერთი ან რამდენიმე სენსორის გააქტიურებით. ეს ნიშნავს, რომ eCall ავტომატურად განხორციელდება ავტომობილის მიერ მაშინაც კი, თუ ავტომობილის ყველა მგზავრი უგონო მდგომარეობაშია და ქვემოთ აღნიშნული მონაცემები ავტომატურად გადაიცემა ქოლ-ცენტრში. eCall-ს გააქტიურება ასევე შესაძლებელია არაავტომატურად, SOS ღილაკზე ხანგრძლივად დაჭერით მინიმუმ 2 წამის განმავლობაში.

eCall-ის განხორციელებისას მუშავდება შემდეგი მონაცემები:

ნაგულისხმევად და თუ ხელმისაწვდომია, eCall გადამისამართდება მესამე მხარის სერვისების პროვაიდერთან (ამას ეწოდება მესამე მხარის სერვისის eCall ან TPS eCall); ეს მომწოდებელი განსხვავდება რეგიონის მიხედვით, თქვენს რეგიონში მომწოდებლების შესახებ დამატებითი ინფორმაციის მისაღებად დაგვიკავშირდით. თქვენ შეგიძლიათ ნებისმიერ დროს მოახდინოთ ზარის მარშრუტიზირება საგანგებო სიტუაციების საჯარო სამსახურში, თქვენი პარამეტრების შეცვლით.

მონაცემები გროვდება მხოლოდ საგანებო ზარის (eCall) განხორციელებისას და მათზე წვდომა აქვთ მხოლოდ Volvo Cars-ს და სერვისის მომწოდებელ მესამე მხარეს (ან, არჩევის შემთხვევაში, საგანგებო სიტუაციების სამსახურს). თუმცა საჭიროების შემთხვევაში, მათ შეუძლიათ გადაგზავნონ ეს მონაცემები საგანგებო სიტუაციების სპეციალიზირებულ სამსახურებში (მაგალითად, სასწრაფო დახმარების სამსახურში).

ზემოთ აღნიშნული მონაცემების ჩვენ მიერ დამუშავების სამართლებრივ საფუძველს წარმოადგენს ჩვენი სამართლებრივი ვალდებულებების შესრულება.

მონაცემებს შევინახავთ 200 დღის განმავლობაში და მონაცემების დამუშავება შეიზღუდება ზემოთ აღწერილი საგანგებო სიტუაციებით.

2.2.4 ქოლ-ცენტრის სერვისები

ქოლ-ცენტრის სერვისების საშუალებით შეგიძლიათ დაუკავშირდეთ ჩვენს ქოლ-ცენტრს ავტომობილიდან, ღილაკზე „on call“/„assist“ (ზარი/დახმარება) დაჭერით, აპლიკაციიდან ზარის განხორციელებით ან უშუალოდ ქოლ-ცენტრში დარეკვით. ქოლ-ცენტრის სერვისების ფარგლებში მოსაწოდებელი სერვისები აღწერილია ქვემოთ:

ტექნიკური დახმარება გზაზე (RSA)

RSA დაგეხმარებათ, როცა თქვენს ავტომობილს ტექნიკური პრობლემა გაუჩნდება, მაგალითად, საბურავის დაშვების ან ძრავასთან დაკავშირებული პრობლემის შემთხვევაში. ზოგიერთ შემთხვევაში ქოლ-ცენტრის აგენტს შეუძლია ტელეფონით გიკარნახოთ პრობლემის მოგვარების ხერხი. სხვა შემთხვევაში შესაძლებელია გზაზე რემონტის ჩატარება („ადგილზე შეკეთება“) ან, როცა შესაძლებელია, ავტომობილის ბუქსირით წაყვანა ავტოსერვისამდე. აგენტი ზარის დროს შეაფასებს, კონკრეტულად რა რეაგირება უნდა მოხდეს. თუ საჭიროა გზაზე დახმარება (ადგილზე შეკეთება ან ბუქსირით წაყვანა), დამხმარე ავტომობილები შეიძლება უზრუნველყოფილი იქნეს მესამე მხარის მიერ, როგორიცაა ევაკუატორების და შეკეთების სერვისის მომწოდებელი კომპანია, რომელიც დაამუშავებს შესაბამის მონაცემებს.

გატაცებული ავტომობილის გაკონტროლება (SVT)

SVT გეხმარებათ დაადგინოთ ავტომობილის ადგილმდებარეობა მისი გატაცების შემთხვევაში. ავტომობილის გატაცების შესახებ ინფორმირება შეიძლება მოხდეს: 

SVT პროცესის ინიცირებისთვის აუცილებელია ქოლ-ცენტრში პოლიციის ოფიციალური ოქმის და ოქმის საქმის ნომრის წარმოდგენა.

ავტომობილის დისტანციური იმობილიზაცია/მობილიზაცია (RVI/RVM)

RVI/RVM-ის გამოყენებით შეიძლება ავტომობილის იმობილაიზერის ჩართვა ან გამორთვა. თუ იმობილაიზერი ჩართულია, ავტომობილი ვერ დაიქოქება იმობილაიზერის გამორთვამდე. ასეთ შემთხვევაში შესაძლებელია ავტომობილის დისტანციურად მობილიზება. ამ სერვისის ინიცირება ხდება ქოლ-ცენტრის აგენტის მიერ. 

ზემოაღნიშნული სერვისების უზრუნველსაყოფად ჩვენ ავტომატურად შევაგროვებთ შემდეგ მონაცემებს, როცა დაუკავშირდებით ქოლ-ცენტრს ავტომობილში ღილაკის „on call“/„assist“ (ზარი/დახმარება) დაჭერით ან Volvo Car აპლიკაციიდან:

მოთხოვნის ხასიათიდან და მასშტაბიდან გამომდინარე, ნებისმიერი ზემოთ აღნიშნული ქოლ-ცენტრის სერვისისთვის შესაძლოა დაგვჭირდეს დამატებითი ინფორმაციის დამუშავება, რომელიც აუცილებელია მოთხოვნილი დახმარების გასაწევად, მაგალითად:

ზემოთ აღნიშნული მონაცემების ჩვენ მიერ დამუშავების სამართლებრივ საფუძველს წარმოადგენს ხელშეკრულების შესრულება.

ჩვენ შევინახავთ მონაცემებს 200 დღის განმავლობაში.

2.2.5 შეჭრის აღმოჩენის სისტემა (IDS)

შეჭრის აღმოჩენის სისტემის (IDS) დანიშნულებაა დაადგინოს და აღმოფხვრას ანომალიები და დარღვევები, რომლებიც შეიძლება წარმოადგენდეს კიბერუსაფრთხოების შესაძლო საფრთხეს ავტომობილის სისტემებისთვის. ეს ნიშნავს, რომ ჩვენ მონიტორინგს გავუწევთ პროგრამული უზრუნველყოფისა და აპლიკაციების ქცევას, რათა დავრწმუნდეთ, რომ მათ მიერ არ ხდება ნებადართული ფარგლების გადაჭარბება. IDS რეალურ დროში აწარმოებს სისტემის მონიტორინგს და Volvo Cars-ს გადასცემს ინფორმაციას დარღვევების შესახებ.

ჩვენ მიერ დამუშავდება შემდეგი მონაცემები:

ზემოთ აღნიშნული მონაცემების ჩვენ მიერ დამუშავების სამართლებრივ საფუძველს წარმოადგენს ჩვენი სამართლებრივი ვალდებულებების შესრულება.

ჩვენ შევინახავთ ფსევდონიმიზებულ ინფორმაციას ავტომობილის ექსპლუატაციის ვადის განმავლობაში. მოწყვლადობის აღმოჩენის შემთხვევაში ჩვენ შევინახავთ მონაცემებს 1 წლის განმავლობაში გამოძიების დასრულების შემდეგ.

2.2.6 აკუმულატორის უსაფრთხოების უზრუნველყოფა

ჩვენ დარწმუნებული უნდა ვიყოთ, რომ ჩვენი მანქანები ჰიბრიდული ან სრულად ელექტრული ძალური აგრეგატით, უსაფრთხოა, რათა ჩვენი მძღოლები, მათი ოჯახის წევრები და მგზავრები დაცული იყვნენ საფრთხეებისგან ზედმეტი დისკომფორტის შექმნის გარეშე. ამის უზრუნველსაყოფად ჩვენ შევაგროვებთ და გამოვიყენებთ აკუმულატორთან დაკავშირებულ ინფორმაციას, რათა შესაძლებელი გახდეს ადრეულ ეტაპზე პოტენციური პრობლემების გამოვლენა და ახალი პოტენციური გაუმართაობების ტიპების დადგენა. თუ ამას საჭიროდ მივიჩნევთ, ასევე დაგიკავშირდებით და გაცნობებთ პოტენციური პრობლემების შესახებ.

ჩვენ მიერ შეგროვდება და გამოყენებული იქნება შემდეგი მონაცემები:

ჩვენ მიერ ზემოაღნიშნული მონაცემების დამუშავების სამართლებრივ საფუძველს წარმოადგენს ჩვენი ზემოთ აღნიშნული ლეგიტიმური ინტერესი, ასევე ჩვენი სამართლებრივი ვალდებულებების შესრულება, მაგალითად, უკან გაწვევა უსაფრთხოების მოსაზრებებიდან გამომდინარე.

ჩვენ შევინახავთ ზემოაღნიშნულ ინფორმაციას ავტომობილის ექსპლუატაციის ვადის განმავლობაში.

2.3 ტექნიკურ მომსახურებასთან და შეკეთებასთან დაკავშირებით გამოსაყენებელი მონაცემები

2.3.1 სერვისის დაგეგმვა

სერვისის დაგეგმვა გეხმარებათ შეინარჩუნოთ ავტომობილი საუკეთესო მდგომარეობაში.

თუ ეს ფუნქცია ხელმისაწვდომია თქვენს ქვეყანაში, ჩვენ გამოგიგზავნით სერვისთან დაკავშირებულ კომუნიკაციას.

თუ ავტომობილში არის ინტერნეტკავშირი, სერვისის დაგეგმვის ფუნქცია იმუშავებს Volvo Cars-ში, საცალო გამყიდველებთან და ავტოსერვისებში დიაგნოსტიკური მონაცემების უწყვეტად გაგზავნით. დიაგნოსტიკური მონაცემების დისტანციურად გაგზავნის ფუნქციის წყალობით, თქვენი ავტოსერვისი უკეთესად შეძლებს თქვენი მომავალი ვიზიტისთვის მომზადებას. გარდა ამისა, მონაცემები გაუზიარდება ჩვენს ადგილობრივ გაყიდვების კომპანიას და საცალო გამყიდველებს, საჭიროების შემთხვევაში შესაბამისი ჯავშნებისა და ნაწილების მიწოდების ადმინისტრირებისთვის.

სერვისის დაგეგმვა ასევე გვეხმარება სათადარიგო ნაწილების წარმოებისა და მიწოდების დაგეგმვაში, რაც წარმოადგენს მნიშვნელოვან კომპონენტს ჩვენი მდგრადობის მიზნებისთვის, კონტენტის ოპტიმიზებით, ლოგისტიკისა და ავტოსერვისების მომსახურების გამოყენებით.

თქვენთვის სერვისის დაგეგმვის ფუნქციის მოსაწოდებლად შეგროვდება შემდეგი მონაცემები:

ზემოთ აღნიშნული მონაცემების ჩვენ მიერ დამუშავების სამართლებრივ საფუძველს წარმოადგენს ხელშეკრულების შესრულება. თქვენ შეგიძლიათ ნებისმიერ დროს ჩართოთ ან გამორთოთ სერვისი.

ჩვენ შევინახავთ ინფორმაციას 3 წლის განმავლობაში, გარდა ინფორმაციისა ავტომობილის მაღალი ძაბვის აკუმულატორის შესახებ, რომელსაც შევინახავთ 10 წლის განმავლობაში.

2.3.2 დიაგნოსტიკური მონაცემების წაკითხვა სახელოსნოებში

თუ თქვენი ავტომობილის მომსახურება ან შეკეთება ხორციელდება სერვის-ცენტრში, ავტოსერვისში ან პარტნიორთან, ჩვენ მივიღებთ და გამოვიყენებთ ინფორმაციას შეცდომების აღმოჩენისთვის, ჩვენი პროდუქტის მწარმოებლის ვალდებულებების მართვისთვის, პროდუქტის კვლევისა და განვითარებისთვის, მაგალითად, ჩვენი ავტომობილების, მათი უსაფრთხოების და სხვა ფუნქციების ხარისხის მონიტორინგისა და გაუმჯობესებისთვის.

ჩვენ მიერ შეგროვდება და გამოყენებული იქნება შემდეგი მონაცემები:

ჩვენ მიერ ზემოაღნიშნული მონაცემების დამუშავების სამართლებრივ საფუძველს წარმოადგენს ჩვენი ლეგიტიმური ინტერესი, ასევე ჩვენი სამართლებრივი ვალდებულებების შესრულება, მაგალითად, უკან გაწვევა უსაფრთხოების მოსაზრებებიდან გამომდინარე.

ჩვენ შევინახავთ ზემოაღნიშნულ ინფორმაციას ავტომობილის ექსპლუატაციის ვადის განმავლობაში.

2.3.3 ანგარიში შეცდომების შესახებ

„მოხსენება შეცდომების შესახებ“ წარმოადგენს ხელსაწყოს, რომლის გააქტიურება შეიძლება ავტოსერვისში და რომელიც საშუალებას გვაძლევთ, შევაგროვოთ ინფორმაცია პროგრამული უზრუნველყოფის შეცდომების შესახებ. ხელსაწყო გამოიყენება პრობლემების დადგენისა და შესწავლის მიზნით და საშუალებას მოგვცემს, მოვაგვაროთ პროგრამულ უზრუნველყოფასთან დაკავშირებული პრობლემები და შევინარჩუნოთ ის საუკეთესო მდგომარეობაში. „შეცდომების შესახებ მოხსენების“ ფუნქციის გააქტიურების შემთხვევაში ჩვენ შევაგროვებთ და დავამუშავეთ შემდეგ მონაცემებს თქვენი ავტომობილიდან:

ზემოთ აღნიშნული მონაცემების ჩვენ მიერ დამუშავების სამართლებრივ საფუძველს წარმოადგენს ჩვენი ლეგიტიმური ინტერესი.

ჩვენ შევინახავთ თქვენს მონაცემებს ავტომობილის პრობლემის მოგვარებამდე ან 90 დღის განმავლობაში, იმის მიხედვით, თუ ამ ორიდან რომელი დადგება უფრო გვიან.

2.3.4 ავტომობილის მონაცემების გაფართოებული ანალიზი

თქვენ მიერ მოხსენებული ავტომობილის პრობლემების სრულად შესასწავლად ჩვენ გვჭირდება თქვენი ავტომობილიდან მიღებული შემდეგი მონაცემების გამოყენება, მომხმარებლის გარკვეულ ძირითად მონაცემებთან ერთად, როგორიცაა სახელი და საკონტაქტო დეტალები:

მონაცემები გამოყენებული იქნება ავტომობილის პოტენციური პრობლემების გამოსავლენად და პოტენციური საგარანტიო შემთხვევების და პროდუქტის უსაფრთხოების პოტენციური პრობლემების სამართავად. თუ მონაცემების შეგროვება ვერ მოხერხდება, Volvo Cars ვერ შეძლებს პრობლემების შესწავლას.

ზემოთ აღნიშნული მონაცემების ჩვენ მიერ დამუშავების სამართლებრივ საფუძველს წარმოადგენს ჩვენი ლეგიტიმური ინტერესი.

ჩვენ შევინახავთ თქვენს მონაცემებს თქვენი ავტომობილის პრობლემის მოგვარებამდე.

2.4 კვლევისა და განვითარების მიზნებისთვის გამოსაყენებელი მონაცემები

2.4.1 ავტოსაგზაო შემთხვევებთან დაკავშირებული კვლევა და განვითარება

თუ საგზაო შემთხვევა მოხდება ჩვენი ერთ-ერთი ავტომობილის მონაწილეობით, ჩვენ გამოვიძიებთ მომხდარს ჩვენი ავტომობილების და ზოგადად საგზაო მოძრაობის გარემოს უსაფრთხოების გასაუმჯობესებლად. თუ ეს ჩვენი კვლევისთვის სასარგებლო იქნება, ჩვენ გამოგიგზავნით კითხვარს შემთხვევის შესახებ დამატებითი ინფორმაციის მისაღებად.

კვლევის ჩატარების დროს შეგროვდება შემდეგი მონაცემები:

ზემოთ აღნიშნული მონაცემების ჩვენ მიერ დამუშავების სამართლებრივ საფუძველს წარმოადგენს ჩვენი ლეგიტიმური ინტერესი.

ჩვენ შევინახავთ თქვენს მონაცემებს 10 წლის განმავლობაში.

2.4.2 ავტომობილის მონაცემების ანალიზი

ჩვენ ვამუშავებთ ავტომობილის მონაცემებს (ჩამოთვლილია ქვემოთ) ჩვენი ავტომობილებისა და მათი გამოყენების შესახებ სტატისტიკური ინფორმაციის მისაღებად. ჩვენ ვიყენებთ ამ ინფორმაციას პროდუქტების კვლევისა და განვითარების მიზნით, კერძოდ, ავტომობილების და მათი უსაფრთხოების ფუნქციების გაუმჯობესებისა და მონიტორინგისთვის. ეს ასევე გამოიყენება Volvo Cars-ის საგარანტიო ვალდებულებების სამართავად.

გამოიყენება შემდეგი კატეგორიების მონაცემები:

Volvo Cars-ის მიერ ასევე შეგროვდება შემდეგი სახის ინფორმაცია ავტომობილის მაღალი ძაბვის აკუმულატორის შესახებ (საჭიროების შემთხვევაში):

ზემოთ აღნიშნული მონაცემების ჩვენ მიერ დამუშავების სამართლებრივ საფუძველს წარმოადგენს თქვენი თანხმობა.

სატრანსპორტო საშუალების საიდენტიფიკაციო ნომერი (VIN), ავტომობილის აპარატული და პროგრამული უზრუნველყოფის ვერსიების იდენტიფიკატორები და გაუმართაობების დიაგნოსტიკური კოდები (DTC) შეინახება 2 წლის განმავლობაში, ხოლო ინფორმაცია ავტომობილის მაღალი ძაბვის აკუმულატორის შესახებ შეინახება აკუმულატორის მთელი ექსპლუატაციის პერიოდის განმავლობაში.

ჰიბრიდული ან ელექტრული ავტომობილების შემთხვევაში, Volvo Cars და Polestar Performance AB (შვედური კომპანია, რომლის სათაო ოფისის მისამართია Gothenburg, Assar Gabrielssons Väg 9, SE-405 31, Gothenburg, Sweden (შვედეთი), შემდგომში მოხსენიებული, როგორც „Polestar“) ერთმანეთს უზიარებენ მათი შესაბამისი ავტომობილების ანალიზის მონაცემებს. ანალიზის მონაცემების გაცვლა Volvo Cars-სა და Polestar-ს შორის, როგორც აღნიშნულია ზემოთ, სუფთა ტექნიკურ ხასიათს ატარებს და არ მოიცავს ფაქტობრივი მომხმარებლის მონაცემებს. Volvo Cars-ის და Polestar-ის პლატფორმების მეშვეობით შეგროვებული ანალიზის მონაცემების გაცვლა ორ კომპანიას შორის ხდება ავტომობილის ხარისხის, ელექტრული, ჰიბრიდული და უსაფრთხოების ფუნქციების ეფექტურობის გაუმჯობესებისა და მონიტორინგისთვის.

რაც შეეხება ე.წ. „ერთობლივად პასუხისმგებელ მაკონტროლებლებს“ GDPR-ის მიხედვით, Volvo Cars და Polestar ერთობლივად აგებენ პასუხს ანალიზის მონაცემების ამგვარ დამუშავებაზე. Volvo Cars და Polestar ეთანხმებიან იმას, რომ Volvo Cars პასუხისმგებელია საკუთარი მომხმარებლებისთვის ინფორმაციის მიწოდებაზე და GDPR-ით გათვალისწინებული შესაბამისი უფლებები გამოყენებული იქნება Volvo-ს მომხმარებლების მიერ Volvo Cars-ის მიმართ.

2.4.3 ავტომობილის ანალიტიკა და გაუმჯობესებები

თუ განაცხადებთ თანხმობას ავტომობილის ანალიტიკისა და გაუმჯობესებების ჩართვით, ჩვენ შევაგროვებთ და გამოვიყენებთ მონაცემებს (რომლებიც ჩამოთვლილია ქვემოთ) თქვენი ავტომობილისა და მისი გამოყენების შესახებ ინფორმაციის მისაღებად. ჩვენ ვიყენებთ ამ ინფორმაციას გაუმართაობების დასადგენად, პროდუქტების კვლევისა და განვითარების მიზნით, მაგალითად, ჩვენი ავტომობილების და მათი უსაფრთხოების და სხვა ფუნქციების მდგრადობის და ხარისხის გაუმჯობესებისა და მონიტორინგისთვის. თუ ამას საჭიროდ მივიჩნევთ, ასევე დაგიკავშირდებით და გაცნობებთ პოტენციური პრობლემების ან გაუმართაობების შესახებ.

ჩვენ მიერ შეგროვდება და გამოყენებული იქნება შემდეგი მონაცემები:

ზემოთ აღნიშნული მონაცემების შეგროვებისა და გამოყენების სამართლებრივ საფუძველს წარმოადგენს თქვენი თანხმობა.

ჩვენ შევინახავთ მონაცემებს ხუთი წლის განმავლობაში, გარდა ინფორმაციისა ავტომობილის მაღალი ძაბვის აკუმულატორის შესახებ, რომელსაც შევინახავთ აკუმულატორის ექსპლუატაციის ვადის განმავლობაში. ხუთი წლის შემდეგ ჩვენ წავშლით მონაცემებს ან, თუ საჭიროდ ჩავთვლით მონაცემების შენახვას, უზრუნველვყოფთ მათ სრულ ანონიმიზებას.

2.5 ანგარიში გამონაბოლქვის შესახებ

თუ თქვენი ავტომობილის აღჭურვილია შიგაწვის ძრავათი, ჩვენ შევაგროვებთ მონაცემებს თქვენი ავტომობილიდან, მოქმედი კანონმდებლობის შესაბამისად ინფორმაციის გადაცემის მიზნით.

შეგროვდება შემდეგი მონაცემები:

ზემოთ აღნიშნული მონაცემების ჩვენ მიერ დამუშავების სამართლებრივ საფუძველს წარმოადგენს ჩვენი სამართლებრივი ვალდებულებების შესრულება.

ზემოაღნიშნული ინფორმაცია შეინახება ინფორმირებისთვის მონაცემების გადაცემამდე.

2.6 სამართალდამცავი ორგანოების მოთხოვნები

პერსონალური მონაცემები საჭიროებს გაზიარებას ან შეიძლება საჭიროებდეს გაზიარებას სამართალდამცავი ორგანოებისთვის (მაგ., პოლიცია, სასამართლოები) იურიდიული ვალდებულების შესასრულებლად, ან ჩვენი ლეგიტიმური ინტერესი, მივაწოდოთ მონაცემები, როცა არსებობს დანაშაულის ჩადენის ეჭვი ან როდესაც საჭიროა სამართლებრივი პრეტენზიების წაყენება, აღსრულება ან სამართლებრივი პრეტენზიებისგან დაცვა.

სამართალდამცავ ორგანოებს მივაწოდებთ საჭირო პერსონალურ მონაცემებს მივაწოდებთ მინიმალური მოცულობით. მაგალითად, შეიძლება გადავცეთ შემდეგი ტიპის მონაცემები: VIN ნომერთან ან IMEI ნომერთან დაკავშირებული ავტონაწილის სერიული ნომერი.