Volvo Cars აპის კონფიდენციალურობის დებულება

2.1 Volvo Cars აპის გამოყენებისას

თქვენ მიერ Volvo Cars აპის გამოყენებისას ჩვენ ავტომატურად შევაგროვებთ მონაცემებს თქვენ მიერ Volvo Cars აპის გამოყენების შესახებ მისი ფუნქციონალობის მონიტორინგისა და საჭიროების შემთხვევაში ხარვეზების აღმომფხვრელი ზომების მიღების მიზნით. ამისათვის ჩვენ გამოვიყენებთ ისეთ ინფორმაციას, როგორიცაა ინფორმაცია მოწყობილობის შესახებ (მაგ., მოწყობილობის მწარმოებელი, აპის ინსტალაციის იდენტიფიკატორი), ზოგადი ინფორმაცია ავტომობილის შესახებ (მაგ., ავტომობილის მოდელი და ტიპი, წელი, მომხმარებლის ქვეყანა) და გამოყენების მონაცემები (მაგ., დაწკაპუნებები, ნახვები და პოტენციური პრობლემები ან შეცდომები). ამგვარი დამუშავება საჭიროა ჩვენი ლეგიტიმური ინტერესისთვის მოგაწოდოთ უსაფრთხო და ფუნქციონირებადი Volvo Cars აპი. ამ მიზნით გამოყენებული ინფორმაცია შეინახება შეგროვებიდან 30 დღის განმავლობაში.

2.2 თქვენი გამოწერა

თუ თქვენ გამოწერილი გაქვთ Volvo Cars-ის დისტანციური საავტომობილო სერვისები ან Volvo-ს სხვა დაკავშირებული სერვისები, შეგიძლიათ მიიღოთ შესაძლებლობა განაახლოთ ეს სერვისი Volvo Cars აპში. რეგისტრაციის დროს ან არსებული გამოწერის გახანგრძლივებისას, ჩვენ მიერ თქვენი გამოწერის მართვის მიზნით, ჩვენ ვამუშავებთ თქვენს იდენტიფიკატორებს (როგორიცაა სახელი და გვარი, ტელეფონის ნომერი, ელფოსტის მისამართი, სატრანსპორტო საშუალების საიდენტიფიკაციო ნომერი) და თქვენი შენაძენის სტატუსსა და ისტორიას. ჩვენ მიერ მონაცემების დამუშავების მიზანია თქვენ მიერ განხორციელებული შესყიდვის ადმინისტრირება და მონიტორინგი (შესყიდვის მომენტიდან ადგილზე მოწოდებამდე), მათ შორის ნებისმიერი აუცილებელი კონტაქტის განხორციელება უფლებამოსილ ორგანოებთან ოფიციალური ანგარიშგების მიზნით, შესაბამის სერვისებთან დაკავშირებით თქვენი მოთხოვნის ადმინისტრირება და თქვენ მიერ შეძენილ სერვისებთან დაკავშირებული განახლებების თაობაზე კომუნიკაცია. ჩვენ ვიყენებთ მესამე მხარის გადახდის სერვისის პროვაიდერს თქვენი გადახდების დასამუშავებლად და მათ მიერ თქვენი პერსონალური მონაცემების დამუშავება დამოუკიდებლად ხდება; ჩვენი გადახდების დამმუშავებლის კონფიდენციალურობის წესების შესახებ დამატებითი ინფორმაცია ხელმისაწვდომია ქვემოთ მოცემულ ნაწილში 3.

გამოწერებთან დაკავშირებით ჩვენ მიერ თქვენი პერსონალური მონაცემების დამუშავების სამართლებრივი საფუძველი არის ის, რომ ასეთი დამუშავება საჭიროა ჩვენ შორის დადებული ხელშეკრულების შესასრულებლად.

ჩვენ შევინახავთ თქვენს პერსონალურ მონაცემებს ოთხმოცდაათი (90) დღის განმავლობაში თქვენი ბოლო გამოწერის ვადის გასვლის შემდეგ, რათა შევძლოთ სერვისის მოწოდების გაგრძელება იმ შემთხვევაში, თუ გადაწყვეტთ მის ხელახლა გამოწერას ან იმისათვის, რომ უზრუნველვყოთ თქვენთვის წვდომა ინვოისებსა თუ ქვითრებზე. გარდა ამისა, ჩვენ დავაარქივებთ თქვენს შესყიდვასთან დაკავშირებულ მონაცემებს ათი (10) წლის განმავლობაში ფინანსური ანგარიშგების შესახებ კანონმდებლობის მოთხოვნების შესასრულებლად – ეს სამართლებრივი ვალდებულებაა.

2.3 Volvo Cars-ის დისტანციური საავტომობილო სერვისები

ჩვენ ვაგროვებთ იდენტიფიკატორებს (როგორიცაა თქვენი სახელი და გვარი, ტელეფონის ნომერი, Volvo ID (ელფოსტის მისამართი), სატრანსპორტო საშუალების საიდენტიფიკაციო ნომერი – „VIN“, მოწყობილობის უნიკალური იდენტიფიკატორი და push შეტყობინების მარკერი) და შესყიდვის ისტორიას (მფლობელობის პერიოდი, გამოწერის სერვისები, რომლებშიც ჩართული ხართ, თქვენი ავტომობილის მოდელი და წელი და ავტომობილის შესაბამისი მახასიათებლები).

ჩვენ ვიყენებთ ამ ინფორმაციას Volvo Cars-ის დისტანციური საავტომობილო სერვისების უზრუნველსაყოფად, როგორიცაა თქვენი ავტომობილის დისტანციურად მართვის შესაძლებლობა (მაგ., წინასწარი კლიმატიზაცია, კარების დაკეტვა/გახსნა, ძრავის დისტანციური ამუშავება/გაჩერება, ამჟამინდელი გარე ტემპერატურა, მოპარვის მცდელობების შესახებ შეტყობინებების მიღება), ავტომობილის სტატუსის ნახვა (მაგ., საწვავის დონე, საქარე მინის მინასაწმენდი სითხის დონე, სამუხრუჭო სითხის დონეები, კარის დაკეტვის სტატუსი, საბურავის წნევა ან გაფრთხილებები ტექნიკური მომსახურების შესახებ, აკუმულატორის სტატუსი ან ავტომობილის სტატუსის სხვა ინდიკატორები).

ჩვენ ასევე ვიყენებთ ამ ინფორმაციას Volvo Cars აპში მოახლოებული ტექნიკური მომსახურების შესახებ push შეტყობინებებისა და სერვისის ჩატარების თაობაზე შეხსენებების გამოსაგზავნად. ჰიბრიდული და სრულად ელექტრული ავტომობილების შემთხვევაში ჩვენ ვინახავთ მათი დამუხტვის ლოკაციებს იმისათვის, რომ შემოგთავაზოთ დამუხტვის დაგეგმვის მოსახერხებელი საშუალება. ჩვენ ვაგროვებთ ინფორმაციას თქვენი ავტომობილის ადგილმდებარეობის შესახებ, ასევე, თქვენგან ნებართვის მიღების შემთხვევაში, თქვენი მობილური მოწყობილობის ადგილმდებარეობის შესახებ, რათა გამოიყენოთ რუკის ფუნქციონალობები Volvo Cars აპში და რუკაზე იხილოთ თქვენი პოზიცია Volvo-ს მიმართ.

თუ ჩვენ სპეციალურად არ მოგთხოვთ თანხმობას მონაცემების დამუშავებაზე, ჩვენ მიერ ასეთი მონაცემების დამუშავების მიზანია თქვენთან დადებული ხელშეკრულების შესრულება.

თუ თქვენი მობილურის პარამეტრებიდან მოგვცემთ წვდომას თქვენი მდებარეობის მონაცემებზე, კალენდარსა და კონტაქტებზე, ჩვენ დავამუშავებთ ამ მონაცემებს იმისათვის, რომ უზრუნველვყოთ თქვენი ტელეფონიდან ავტომობილში თქვენთვის საინტერესო ადგილების ლოკაციის გაგზავნის შესაძლებლობა თქვენი კონტაქტების სიის, კალენდრის მოვლენების ან ძიების შედეგების საფუძველზე. ასეთი დამუშავების სამართლებრივ საფუძველს წარმოადგენს თქვენი თანხმობა.

თქვენი Volvo Cars-ის გამოწერის დასრულებისას ამ სერვისზე მიბმული დეტალები, მათ შორის თქვენი პერსონალური ინფორმაცია, წაიშლება ოთხმოცდაათი (90) დღის გასვლის შემდეგ. გაითვალისწინეთ, რომ ავტომობილს მოჰყვება Volvo Cars-ის გამოწერა, შესაბამისად, მფლობელის შეცვლის შემთხვევაში თქვენ, როგორც გამყიდველს გეკისრებათ პასუხისმგებლობა გააუქმოთ ავტომობილის კავშირი Volvo Cars აპთან და წაშალოთ თქვენი მონაცემები. ეს ასევე ვრცელდება რეგისტრირებულ ძირითად მძღოლზე მანქანის გაქირავების შემთხვევაში. ინსტრუქციისთვის მიჰყევით ამ ბმულს.

2.4 ავტომობილის მართვის ჟურნალი

ავტომობილის მართვის ჟურნალში ავტომატურად იწერება ყველა თქვენი მგზავრობა. ეს შეიძლება სასარგებლო იყოს, როდესაც, მაგალითად, გსურთ გარბენთან დაკავშირებული ხარჯების მართვა. ავტომობილის მართვის ჟურნალი უნდა გააქტიურდეს თქვენ მიერ, წინააღმდეგ შემთხვევაში მონაცემები არ შეგროვდება.

თუ ჩართავთ ავტომობილის მართვის ჟურნალს, ჩვენ შევაგროვებთ თქვენს იდენტიფიკატორებს, როგორიცაა სახელი და გვარი, ტელეფონის ნომერი და ელფოსტის მისამართი, თქვენი ავტომობილის VIN (სატრანსპორტო საშუალების საიდენტიფიკაციო ნომერი) და მდებარეობა, ასევე მგზავრობასთან დაკავშირებულ სხვა ინფორმაციას, როგორიცაა თქვენი მარშრუტები, დრო, მანძილი, საწვავის და/ან ელექტრომუხტის მოხმარება და გარბენი. თქვენი ავტომობილის მოდელის მიხედვით, შეგროვდება მხოლოდ საწყისი და საბოლოო პოზიცია ან სრული მარშრუტი.

ჩვენ ვამუშავებთ ამ მონაცემებს თქვენი თანხმობის საფუძველზე.

როგორც წესი, ავტომობილის მართვის ჟურნალის მონაცემები შეინახება მაქსიმუმ 400 დღის განმავლობაში, ავტომობილის მოდელის მიხედვით.

თქვენ შეგიძლიათ ნებისმიერ დროს გამორთოთ ავტომობილის მართვის ჟურნალი, რა შემთხვევაშიც მონაცემების შეგროვება შეწყდება. თუმცა ეს არ წაშლის ადრე შეგროვებულ ინფორმაციას.

2.5 ციფრული გასაღები

ციფრულ გასაღებს შეუძლია სრულად ჩაანაცვლოს მანქანის ჩვეულებრივი გასაღები, მისი საშუალებით შეგიძლიათ მოხერხებულად ჩაკეტოთ, გააღოთ ან დაქოქოთ მანქანა სმარტფონიდან ან სმარტსაათიდან. გარდა ამისა, შეგიძლიათ გაუზიაროთ გასაღები სხვა მომხმარებლებსაც სხვადასხვა ციფრული არხით.

ციფრული გასაღების გასაზიარებლად ან გასაუქმებლად საჭიროა მხოლოდ ქსელური კავშირი გასაღების პირველი ერთჯერადი კონფიგურირების დროს. კონფიგურირების შემდეგ გასაღები იმუშავებს Bluetooth-ის, Near Field Communication-ის (NFC) და Ultra-Wideband Technology-ს (UWB) საშუალებით. კონფიგურირების დროს გასაღები დაემატება თქვენს საფულის აპლიკაციას თქვენს სმარტმოწყობილობაზე. საფულის აპლიკაციიდან შეძლებთ გასაღების გაზიარებას მიმოწერის აპების, ფოსტის ან Airdrop^®-ის მეშვეობით. ასევე ადვილად შეძლებთ გაზიარებული გასაღების გაუქმებას საფულის აპლიკაციიდან ან ავტომობილის Infotainment სისტემიდან.

ციფრული გასაღების გამოყენებისას დამუშავდება შემდეგი მონაცემები:

ზემოთ აღნიშნული მონაცემების ჩვენ მიერ დამუშავების სამართლებრივ საფუძველს წარმოადგენს ხელშეკრულების შესრულება.

ჩვენ შევინახავთ თქვენს მონაცემებს ჩვენ შორის დადებული ხელშეკრულების მოქმედების პერიოდის განმავლობაში.

ჩვენ შევინახავთ სერვისთან დაკავშირებულ თქვენს მონაცემებს მაქსიმუმ სამი (3) წლის განმავლობაში სერვისის ბოლო გამოყენების დღიდან, თუ არ წარმოიშვება დავა – უკანასკნელ შემთხვევაში ჩვენ შევინახავთ საჭირო მონაცემებს იმდენი ხნის განმავლობაში, რამდენიც საჭირო იქნება ჩვენი უფლებების დასაცავად. გარდა ამისა, ჩვენ სტატისტიკური მიზნით ხუთი (5) წლის ვადით დავაარქივებთ ჯავშნის ფსევდონიმიზებულ დეტალებს სისტემის ჟურნალებში.

გარდა ამისა, Volvo-ს სერვისის მომწოდებელ პარტნიორს ეკისრება მონაცემების შენახვასთან და დოკუმენტირებასთან დაკავშირებული სხვადასხვა ვალდებულებები და შესაძლოა ასევე კანონით დაეკისროს პერსონალური მონაცემების გამჟღავნება სახელისუფლებლო ორგანოებისთვის. ეს ინფორმაცია ხელმისაწვდომია სერვისის პარტნიორის კონფიდენციალურობის დებულებაში.

2.6 საზოგადოებრივი დატენვა

Volvo Cars აპი ინტეგრირდება Digital Charging Solutions-თან (დატენვის ციფრული გადაწყვეტილებები, DCS) მძღოლებისთვის ელექტრომობილების დატენვის გასაადვილებლად. როდესაც იყენებთ ამ სერვისს, ჩვენ ვამუშავებთ შემდეგ პერსონალურ მონაცემებს თქვენ მიერ ხელმოწერილი ხელშეკრულების შესასრულებლად:

სესიის შესახებ ინფორმაციის წარმოდგენის და საზოგადოებრივი დამტენი სადგურების მომსახურებისთვის ინვოისების გამოწერის მიზნით ჩვენ ვამუშავებთ DCS-იდან მიღებულ დამატებით ინფორმაციას:

Digital Charging Solutions (DCS) GmbH, გერმანიაში რეგისტრირებული კომპანია, რომლის რეგისტრირებული ოფისის მისამართია Rosenstraße 18-19, 10178 Berlin, Germany (გერმანია), კომპანიის რეგისტრაციის ნომერი 211155 B, მოქმედებს, როგორც ცალკე მაკონტროლებელი თქვენთვის დატენვის მომსახურების მოწოდებისას.

საზოგადოებრივ დატენვასთან დაკავშირებული მონაცემები შეინახება იმ პერიოდის განმავლობაში, სანამ Volvo Cars აპის მომხმარებელი ხართ და დამატებითი ერთი (1) წლის განმავლობაში.

2.7 როდესაც გვიკავშირდებით

თქვენ მიერ Volvo Cars აპში კონტაქტის ვარიანტების გამოყენებისას ჩვენ დავამუშავებთ თქვენს პერსონალურ იდენტიფიკატორებს, რომლებიც თქვენ მიერ გამოყენებული არხის რელევანტურია (როგორიცაა სახელი და გვარი, ტელეფონის ნომერი/ელფოსტის მისამართი, სატრანსპორტო საშუალების საიდენტიფიკაციო ნომერი, მოწყობილობის უნიკალური იდენტიფიკატორი და push შეტყობინების ჟეტონი), ასევე მონაცემებს, რომლებსაც წარმოგვიდგენთ თქვენს მოთხოვნასთან დაკავშირებით. ამას გავაკეთებთ ჩვენი ლეგიტიმური ინტერესის საფუძველზე, თქვენი მოთხოვნის ადმინისტრირების მიზნით.

თუ თქვენი კითხვა ეხება ჩვენს საზოგადოებრივი დატენვის სერვისს, რომელსაც უზრუნველყოფს DCS, ჩვენ შეიძლება დამატებით დავამუშავოთ პერსონალური მონაცემები, რომლებიც აღნიშნულია ქვემოთ მოცემულ ნაწილში 2.6.

თქვენს მოთხოვნებთან დაკავშირებული მონაცემები შეინახება სამი (3) წლის განმავლობაში თქვენი მოთხოვნის მიღებიდან.

2.8 მარკეტინგული კომუნიკაციები და გამოკითხვები

Volvo Cars აპის საშუალებით შეგიძლიათ მიიღოთ მარკეტინგული კომუნიკაციები Volvo Cars-ის პროდუქტების თაობაზე, თუ თანხმობას განაცხადებთ ამაზე. შემდეგ ჩვენ დავამუშავებთ თქვენს იდენტიფიკატორებს (როგორიცაა სახელი და გვარი, ტელეფონის ნომერი, ელფოსტის მისამართი), თქვენი ავტომობილის მახასიათებლებს (როგორიცაა მოდელი, ძრავა, სატრანსპორტო საშუალების საიდენტიფიკაციო ნომერი), Volvo ID-ს, მოწყობილობის ID-ს და ინფორმაციას გამოწერის შესახებ.

ამის სამართლებრივ საფუძველს წარმოადგენს თქვენი თანხმობა. თუ გააუქმებთ თქვენს თანხმობას, თქვენი მონაცემების დამუშავება შეიზღუდება დაბლოკილთა სიის მართვით, თქვენ მიერ მარკეტინგული კომუნიკაციის შემთხვევით მიღების თავიდან აცილების მიზნით.

Volvo Cars აპის საშუალებით შეგიძლიათ ასევე მიიღოთ გამოკითხვები ჩვენი პროდუქტებისა და სერვისების თაობაზე. ჩვენ ვამუშავებთ ზემოთ აღნიშნულ მონაცემებს ჩვენი ლეგიტიმური ინტერესის საფუძველზე, ჩვენი სერვისების გაუმჯობესების მიზნით. ეს მონაცემები დამუშავდება, სანამ უარს არ იტყვით ამაზე.

2.9 აპის ანალიტიკა

ჩვენ ვამოწმებთ, თუ როგორ იყენებთ Volvo Cars აპს და დაკავშირებულ სერვისებს, რათა უკეთ შევისწავლოთ მომხმარებლის ქცევა, გავაუმჯობესოთ Volvo Cars აპის გამოყენებადობა, საიმედოობა და შევამციროთ აპის გაუმართაობები, ასევე მივიღოთ ანალიტიკური ინფორმაცია იმის შესახებ, თუ როგორ გამოიყენება ჩვენი სერვისები, მუდმივი გაუმჯობესების მიზნით.

ეს ხდება მომხმარებლის იდენტიფიკატორებით (როგორიცაა ქუქი-ფაილების იდენტიფიკატორი, IP მისამართი, ინფორმაცია მოწყობილობის შესახებ, Volvo ID, ქვეყანა, საიდანაც ახორციელებთ წვდომას Volvo Cars აპზე, თქვენი ოპერაციული სისტემა), სატრანსპორტო საშუალების საიდენტიფიკაციო ნომრის (VIN), ავტომობილის დაკავშირების სტატუსის და გამოყენების მონაცემების (როგორიცაა აპში დაწკაპუნებები, გამოყენებული ფუნქციები, ნანახი გვერდები და პოტენციური პრობლემები ან შეცდომები) დამუშავებით.

ამაში გვეხმარებიან სერვისის პროვაიდერები, რომლებიც წარმოგვიდგენენ ანალიტიკურ ინფორმაციას იმის შესახებ, თუ როგორ იყენებთ Volvo Cars აპს. ინფორმაციისთვის პერსონალური მონაცემების გაზიარებისა და გამჟღავნების შესახებ გთხოვთ, იხილოთ ქვემოთ მოცემული ნაწილი 3.

ასეთი მონაცემების დამუშავების სამართლებრივ საფუძველს წარმოადგენს თქვენი თანხმობა. თქვენ შეგიძლიათ გააუქმოთ თქვენი თანხმობა ნებისმიერ დროს, Volvo Cars აპში თქვენს პროფილში, „კონფიდენციალურობის პარამეტრების“ განყოფილებაში პრიორიტეტული პარამეტრების შეცვლით.

ზოგადად, ეს მონაცემები შეინახება თოთხმეტი (14) თვის განმავლობაში მათი შეგროვებიდან. ზოგიერთ შემთხვევაში აპის ეგზემპლარის იდენტიფიკატორები შეინახება თქვენს მოწყობილობაში Volvo Cars აპის გამოყენების პერიოდის განმავლობაში.

2.10 კვლევა და განვითარება

კვლევისა და განვითარების მიზნით, იმისათვის, რომ უკეთ გავიგოთ, თუ როგორ შეგვიძლია ჩვენი პროდუქტებისა და სერვისების გაუმჯობესება და როგორი ახალი სერვისები უნდა შევიმუშაოთ, ჩვენ ვიყენებთ მონაცემებზე ორიენტირებულ მიდგომას და შესაბამისი ავტომობილის მონაცემებს (როგორიცაა სატრანსპორტო საშუალების საიდენტიფიკაციო ნომერი (VIN)), პროდუქტის მონაცემებს (როგორიცაა Volvo Cars აპის გამოყენების მონაცემები), კლიენტის მონაცემებს (როგორიცაა Volvo ID) და გაყიდვების მონაცემებს (როგორიცაა მომსახურების გამწევი გამყიდველი) ჩვენი პროდუქტებისა და სერვისების განვითარების მიმართულების შესახებ ინფორმაციის წარმოსადგენად. დამუშავება მოიცავს ფართო მასშტაბის ანალიტიკას, მოდელირებასა და კვლევას, რომლებსაც ატარებენ ჩვენი ანალიტიკოსები და მონაცემთა დამუშავების სპეციალისტები.

ასეთი დამუშავების სამართლებრივ საფუძველზე წარმოადგენს ჩვენი ლეგიტიმური ინტერესი. ჩვენ შეძლებისდაგვარად შევზღუდავთ ანალიზს ანონიმიზებული ან ფსევდონიმიზებული მონაცემებით. დამუშავება არ მოიცავს რაიმე ავტომატიზებულ გადაწყვეტილებას თქვენთან დაკავშირებით.

ამ მონაცემებს შევინახავთ ათი (10) წლის განმავლობაში.

დამმუშავებლები

Volvo Cars აპის მიწოდებას მხარს უჭერენ შემდეგი კატეგორიების დამმუშავებლები:

ზოგიერთ აღნიშნულ სიტუაციაში დამმუშავებლების გამოყენება ნიშნავს პერსონალური მონაცემების შეზღუდულ გადაცემას ევროკავშირის ფარგლებს გარეთ. ჩვენ მივიღეთ უსაფრთხოების ზომები, როგორიცაა გადაცემის შეზღუდვა მინიმუმამდე მხოლოდ აუცილებლობის შემთხვევაში და ისეთი მონაცემების გადაცემა, რომლებითაც შეუძლებელია თქვენი უშუალო იდენტიფიცირება, რასაც მინიმუმამდე დაჰყავს არაავტორიზებული გამჟღავნების რისკი.

გაზიარება Volvo Car ჯგუფის სხვა წევრებისთვის

ნაწილში 2.2 აღნიშნული მონაცემები ასევე გაუზიარდება ჩვენი ეროვნული გაყიდვების კომპანიას, რომელიც მდებარეობს ქვეყანაში, საიდანაც მომდინარეობს მონაცემები, შემდეგი მიზნებით:

გაზიარება სხვა მესამე მხარეებისთვის (ცალკე მაკონტროლებლებისთვის)

ჩვენ ვამუშავებთ გადახდებს მესამე მხარეების მეშვეობით, რომლებიც აგროვებენ გადახდის მონაცემებს უშუალოდ თქვენგან და არ გვიზიარებენ ამ მონაცემებს: