უერთდება მოქმედებისკენ მოწოდებას გადაზიდვის დეკარბონიზაციასთან დაკავშირებით

საზღვაო ტრანსპორტი არის ძირითადი საშუალება, რომელიც უზრუნველყოფს ჩვენი ავტომობილების მიწოდებას მომხმარებლებისთვის მთელს მსოფლიოში და ის ასევე წარმოადგენს ჩვენი მიწოდების ჯაჭვის მნიშვნელოვან ნაწილს.

„ჩვენ ვერ გავხდებით ნახშირორჟანგ-ნეიტრალური კომპანია ნულოვანი გამონაბოლქვის დონის მქონე საზღვაო ტრანსპორტის წვდომის გარეშე. გამონაბოლქვის აღმოფხვრა ჩვენი ავტომობილებიდან და საწარმოო ოპერაციებიდან დიდ სარგებლობას მოიტანს, მაგრამ მთავარი ამოცანა მდგომარეობს ლოჯისტიკის დეკარბონიზაციაში“, - აღნიშნა მარტინ კორნერმა, მიწოდების ჯაჭვის მართვის (SCM) განყოფილების ხელმძღვანელმა.

„როგორც გადაზიდვების მომსახურების მსხვილი მყიდველი, ამ მოწოდებასთან შეერთება ჩვენთვის ლოგიკურ ნაბიჯს წარმოადგენს განვითარების სწორი მიმართულებით წარმართვისთვის“, - თქვა მარტინმა.

მოწოდება გადაზიდვების დეკარბონიზაციისკენ მიეწოდება მსოფლიოს მთავრობებს 2021 წლის ნოემბერში შოტლანდიაში, გლაზგოში COP26-ზე კლიმატთან დაკავშირებული მოლაპარაკებების დაწყებამდე.

მრავალმხრივი სამუშაო ჯგუფის მიერ შემუშავებული ინიციატივა, საზღვაო ეკოსისტემის წარმომადგენლების მონაწილეობით, მათ შორის გადაზიდვების, დაფრახტვის, ფინანსების, პორტების და საწვავის წარმოების სფეროებიდან – ეფუძნება შეხედულებას, რომ საერთაშორისო გადაზიდვების სრული დეკარბონიზაცია გადაუდებელი და მიღწევადი საქმეა.

სტაფან იოჰანესონმა, SCM-ის მენეჯერმა მდგრადი ეკოლოგიური განვითარების საკითხებში, აღნიშნა: „როგორც მოქმედებისკენ მოწოდების ერთ-ერთი ხელმომწერი მხარე, ჩვენ ვაერთიანებთ ძალისხმევას გლობალური ვაჭრობის ზოგიერთ უმსხვილეს მონაწილესთან. ჩვენ გვსურს, რომ მთავრობებმა იმუშაონ მრეწველებთან ერთად, რათა უზრუნველყონ იმ პოლიტიკისა და ინვესტიციების რეალიზაცია, რომლებიც საჭიროა გლობალური მიწოდების ჯაჭვების დეკარბონიზაციის კრიტიკულ გარდატეხის მომენტების დაძლევისთვის“.