უსაფრთხოება
ჩვენ გამოვიგონეთ რამდენიმე ყველაზე მნიშვნელოვანი მახასიათებელი ავტომობილის უსაფრთხოების ისტორიაში. ჩვენს ტექნოლოგიას რეალური სარგებლობა მოაქვს და წინ კიდევ ბევრი რამაა.
1959 წ. სამწერტილოვანი უსაფრთხოების ღვედი
Volvo-ს ინჟინერმა ნილს ბოლინმა დანერგა სამწერტილოვანი უსაფრთხოების ღვედი PV544 მოდელში და ამის შედეგად მილიონზე მეტი სიცოცხლე გადარჩა, რადგან Volvo Cars-მა უარი თქვა საკუთარ საპატენტო უფლებებზე, რათა ყველას ესარგებლა ამ გამოგონებით.
1972 წ.მოძრაობის საწინააღმდეგო მიმართულებით განთავსებული ბავშვის სავარძელი
გახსოვთ ასტრონავტების ის ადრეული სურათები, რომლებიც აფრენის დროს ზურგზე იწვნენ, რომ სხეულზე ძალა გაეთანაბრებინათ? სწორედ ეს იყო ჩვენი მოძრაობის საწინააღმდეგო მიმართულებით განთავსებული საბავშვო სავარძელის ძირითადი პრინციპი. დატვირთვის გადასანაწილებლად და დაზიანების შემცირებისთვის.
1978 ბუსტერ-სავარძელი
ჩვენ გამოვიგონეთ მსოფლიოში პირველი ბუსტერი, რომელმაც უსაფრთხოების ღვედთან ერთად, 4 წლიდან ასაკის ბავშვებს საშუალება მისცა იმოგზაურონ სახით მოძრაობის მიმართულებით, უსაფრთხოდ და კომფორტულად.
1990 წ.
მსოფლიოში პირველი ინტეგრირებული ბუსტერი-ბალიში.
პირველი ჩაშენებული ბუსტერ-ბალიშის დანერგვა კიდევ ერთი უზარმაზარი წინ გადადგმული ნაბიჯი იყო ბავშვების უსაფრთხოებისთვის. ავტომობილის შემზღუდველ მოწყობილობებთან ერთად შემუშავებული, ის უზრუნველყოფდა შესანიშნავ დაცვას და კომფორტს მცირეწლოვანი მგზავრებისთვის.
1991 წ.
დაცვის სისტემა გვერდითი დარტყმისას (SIPS)
ეს სისტემა იყო ავტომობილის კონსტრუქციის ნაწილი და მოიცავდა ძალიან ძლიერ სტრუქტურას და ენერგიის მშთანთქავ მასალებს სალონის შიგნით, განივას იატაკზე და განმტკიცებულ სავარძლებს.
1991 წ. გვერდითი დარტყმისგან დამცავი უსაფრთხოების ბალიშები
SIPS-ს (გვერდითი დარტყმისაგან დამცავი სისტემა) მოჰყვა კიდევ მსოფლიო სიახლე: გვერდითი დარტყმისგან დამცავი სხეულის უსაფრთხოების ბალიშები, ან SIPS ჩანთები.
1998 წ. კისრის დაზიანებისგან დამცავი სისტემა (WHIPS)
სავარძლისა და თავმისადების გააზრებული კონსტრუქციის წყალობით, WHIPS უზრუნველყოფს თანაბარ მხარდაჭერას და ენერგიის შთანთქმას უკანა მხარეს დარტყმის შემთხვევაში, რაც ხელს უწყობს კისრის დაზიანების მიღების რისკის შემცირებას.
1998 წ. გასაბერი ფარდა
პირველი უსაფრთხოების ბალიშების სისტემა, რომელიც გაუმჯობესებულ დაცვას გვთავაზობდა როგორც წინა, ასევე უკანა სავარძლებზე მსხდომთათვის. უსაფრთხოების ბალიშები იმალება ჭერში და უზრუნველყოფს მგზავრის თავის არის დაცვას გვერდითი დარტყმის ან ამოყირავების დროს.
ახალ ათასწლეულის დასაწყისში, ჩვენ განვაგრძეთ უსაფრთხოების ისეთი მახასიათებლების გამოგონება, რომლებსაც რეალური სარგებლობა მოაქვს.
2002 წ.
ამოყირავებისგან დაცვის სისტემა (ROPS)
რაც უფრო პოპულარული გახდა SUV-ები, ჩვენ გავაუმჯობესეთ ჩვენი SUV-ების სტაბილურობა მოძრავი სტაბილურობის კონტროლის ელექტრონული სისტემით და გავაუმჯობესეთ მათი კორპუსის დიზაინი, სტრუქტურა და შეზღუდვები, რათა გაუმჯობესებულიყო დაცვა ავარიების დროს.
2003 წ. ხილვადობის მკვდარ წერტილში ავტომობილის არსებობის შესახებ ინფორმირების სისტემა (BLIS)
BLIS (ხილვადობის მკვდარ წერტილში ავტომობილის არსებობის შესახებ ინფორმირების სისტემა) იყენებს კამერებს ან რადარებს თქვენს ავტომობილთან სხვა ავტომობილების მიახლოების დასადგენად. გამაფრთხილებელი შუქები კარის სარკეებთან, მძღოლს რეაქციისთვის მეტ დროს აძლევს.
2008 წ. სისტემა City Safety
პირველი თაობის Volvo XC60-ით დაწყებული, ჩვენ შემოვიღეთ ავტონომიური საგანგებო დამუხრუჭების სისტემა, როგორც სტანდარტული მოწყობილობა ყველა შემდგომ ახალ Volvo-ს მოდელში. ლაზერული დეტექციის გამოყენებით, სისტემა ამცირებს უკანა მხრიდან შეჯახების რისკს დაბალ სიჩქარეებზე.
2010 წ.
ფეხით მოსიარულეთა აღმოჩენა სრული ავტო მუხრუჭით
ჩვენი უსაფრთხოების ინოვაციებით სარგებლობენ ჩვენი ავტომობილების გარეთ მყოფი ადამიანებიც. რადარისა და კამერის გამოყენებით, ეს სისტემა აფრთხილებს მძღოლს, თუ ვინმე ავტომობილის წინ გზაზე გადადის და თავისით ამუხრუჭებს, თუ მძღოლი ამას ვერ ახერხებს.
2014 წ.
გზიდან გადასვლისგან დაცვის სისტემა
როგორც ინოვატორებმა საგზაო ავარიების ტესტირებაში ყურადღება გავამახვილეთ მგზავრის მყარი მდგომარეობის შენარჩუნებაზე, უსაფრთხოების ღვედის გაუმჯობესებით და სავარძლებში ენერგიის შთანთქმის ფუნქციონალით ხერხემლის დაზიანებების შესამსუბუქებლად.
2016 წ. Connected უსაფრთხოება
Slippery Road Alert და Hazard Light Alert ფუნქციები წარმოქმნის ვირტუალურ სივრცეს ორ ავტომობილს შორის კრიტიკულად მნიშვნელოვანი მონაცემების გასაზიარებლად და აფრთხილებს მძღოლს მოლიპული გზის ან ჩართული ავარიული სიგნალების მქონე სატრანსპორტო საშუალებების შესახებ.
2018 წ.
მოახლოებული შეტაკების არიდება დამუხრუჭებით
თუ წინიდან მომავალი ავტომობილი შემოდის თქვენს ზოლში და შეჯახება გარდაუვალია, ამ ფუნქციას შეუძლია შეამციროს თქვენი ავტომობილის სიჩქარე შეჯახების ძალის შესამცირებლად.
2019 წ. E.V.A. (ყველასათვის უსაფრთხო ავტომობილების) ინიციატივა
1970-იანი წლებიდან, ჩვენ ვაგროვებდით მონაცემებს ავარიების შესახებ, რათა უკეთ გაგვეგო, თუ რა ხდება შეჯახების დროს. E.V.A. ინიციატივის წყალობით ჩვენ გავხადეთ მონაცემები ადვილად ხელმისაწვდომი ციფრული ბიბლიოთეკის საშუალებით, რომლის ჩამოტვირთვაც ყველას შეუძლია.
2020 წ. სიჩქარის ლიმიტი
სიჩქარის გადაჭარბების საშიშროების შესახებ მკვეთრი სიგნალის გასაგზავნად, ჩვენ შევამცირეთ ჩვენი ყველა ახალი ავტომობილის მაქსიმალური სიჩქარე 180 კმ/სთ-მდე, და ასევე ავიღეთ საკუთარ თავზე აქტიური პასუხისმგებლობა გზებზე სიკვდილიანობის შემცირებაზე მძღოლის უკეთესი ქცევის მხარდაჭერის გზით.
ჩვენი მომავალი უსაფრთხოების მახასიათებლებით, ჩვენ შევდივართ უსაფრთხოებისა და Volvo Cars-ის ახალ ეპოქაში.
2023 წ. ლიდარი
მაღალი ხარისხის სენსორებზე დაფუძნებული, Lidar ტექნოლოგია საფუძველს უყრის უსაფრთხო ავტონომიური ავტომობილების შექმნას. ის ეხმარება ავტონომიურ ავტომობილებს სხვა ავტომობილების, ფეხით მოსიარულეთა და ველოსიპედისტების აღმოჩენაში.
2023 წ. მძღოლის დამხმარე სისტემა
ამ 2-კამერიან სისტემას შეუძლია ამოიცნოს მძღოლის ყურადღების გაფანტვა, როდესაც მას ეძინება ან თუნდაც ნასვამ მდგომარეობაში არის. საჭიროების შემთხვევაში, სისტემა გააქტიურებს დამცავ ფარს და მიიღებს შესაბამის კონტრზომებს, უსაფრთხოების ზომების უზრუნველსაყოფად.
ყველა Recharge მოდელი
Volvo Cars-ის უსაფრთხოების მახასიათებლები ავსებს ავტომობილის უსაფრთხო მართვის პრაქტიკას და არ არის განკუთვნილი ავტომობილის უყურადღებოდ, აგრესიულად, ან სხვაგვარად არაუსაფრთხო ან უკანონოდ მართვის წასახალისებლად. საბოლოოდ, ყოველთვის მძღოლი პირადად არის პასუხისმგებელი ავტომობილის უსაფრთხო მართვაზე. აღწერილი ფუნქციები შეიძლება იყოს დამატებითი და მათი ხელმისაწვდომობა შეიძლება განსხვავდებოდეს ქვეყნიდან გამომდინარე.